Thiampite 7:36 - Syin Chin Bible

³⁶ Tua ni in hi biakpiakna sung pan khen khat thiampite tungah piak tu in Israel mite tungah Topa in thupia hi. Hi sia in Israel mite ii mai sang hun theampo ah a zui tu ngeina khat ahi hi.

Thiampite 7:36 Iomraidhean Croise

Pusuana 27:21

Kong ompuina Puanbuk sung, Thuciamna Thingkuang mai, puankhai pua sangah Aaron le a tapate in meiinn koi tu uh hi. Tua mun keima omna ah nitak pan zingsang dong mei de tu uh hi. Hi thupiak sia Israel te le a suan a paalte in a tawntung a zui tu uh ahi hi.

Thiampite 3:17

Israel te in a thau ahizong, a chi ahizong, ne thei ngawl tu hi; hi thu in Israel te theampo ii a teenna mun pawpo ah a tawntung a zui tu ngeina khat ahi hi.

Thiampite 8:12

Moses in Aaron lu tung sathau buakna taw Aaron sia thiampi a hina kipsak hi.

Thiampite 8:30

Moses in noi sathau tawm le biaknatau tungah a om sachi tawm la in, Aaron le a tapate le a puante tungah the hi. Hi bangin amate le a puante Topa tungah aap hi.

1 Samuel 2:28

Israel minam theampo ii sung pan keima thiampi tu, biaknatau ah a seam tu, ngimnamtui hal tu, ephod silh a, keima thu hong dongh tu in amate innkuan ka teal hi. Tuaciangin biaknatau tungah a kihal sangaw biakpiakna te tel khat sia amate tan thei natu thu ka pia hi.