Thiampite 7:32 - Syin Chin Bible

³² A ziatsang phei bup sia a tuam vilvel letsong in,

Thiampite 7:32 Iomraidhean Croise

Pusuana 29:27

“Thiampi khat thupha pia in a kikipsak ciang, a kizangh tuu awmsa le a pheisate sia keima tungah letsong tuam khat in nong aap tu a, thiampite atu in kikoituam tu hi.

Thiampite 10:14

Ahizong nangma le na innkuanpuite in thiampite atu a Topa tungah a kituam piak letsong le a sa tel, a awmsa le a pheisate ne thei tu nu hi. Biakna taw kisai a thiangthona mun pawpo ah tua sate ne thei tu nu hi. Tuate Israel mite ii pawlkhop biakpiakna te sung pan hong khensak nangma le na tate tan tu in hong kipia biakpiaknate ahi hi,

Thiampite 7:33

a chi le a thau taw in kipawlkhop biakpiakna a pia thiampipa tungah pia tu hi.

Thiampite 7:34

A awmsa sia a tuam vilvel letsong hi a, a ziatsang phei sia Israel mite tung pan Topa ii a laak, thiampite tungah a piak a tuam vilvel letsong ahi hi. Hisia maisang hun theampo ah Israel mite ii thiampite tungah a piak tu ahi hi.

Thiampite 9:21

Moses thupiak bangin a awmsate le a nung peang ziatsangte thiampite atu in Topa tungah a tuam vilvel letsong in pia hi.

Mi Simna 5:9

Israel te ii Topa tungah a tuam vilvel in a piak letsongte zongh tua letsong a saang thiampipa ii neisa ahi hi.

Mi Simna 6:20

Tuasia zawkciang thiampipa in tua teng Topa tungah a tuam vilvel letsong in pia tu hi; tuate thiampipa atu in a thiangtho biakpiakna hi a, thukham om bangin thiampipa ii neisa tuutal phei le a awmsa belapna ahi hi. Tua zawkciang Nazirite in sapittui ne thei tu hi.

Thuhil kikna 18:3

“Khui ahibuale tuu taw biakpiakna a kivawt simin thiampite tungah a liang, a kha le a ngilpi kipia tu hi.

1 Samuel 9:24

Tua ahikom anhuanpa in a deiteal a pheisa bak khat hong la in, Saul mai ah hong lui hi. Samuel in, “En in, hi sungah sabak nang atu a kikoituam sia om hi. Hisia ne in. Mihing ka samte taw tu laitak na neak tu in kong khealsiasak hi,” ci hi. Tuabangin tua ni in Saul sia Samuel taw an nekhawm hi.