Thiampite 7:2 - Syin Chin Bible

² Meihal biakpiak natu in nganhing kingawna mun, biaknatau saksang ah hi biakpiakna ngan kingo tu a, biaknatau pangh li tengah a chi kithe tu hi.

Thiampite 7:2 Iomraidhean Croise

Isaiah 52:15

Ahihang tu in minam tam mama in ama lamdang sa tu uh a, kumpite sia lamdang sa in pau thei ngawl liang tu uh hi. A heak ngeingawl na pawlkhat amate in mu in tel tu uh hi,” ci hi.

Ezekiel 36:25

No tuithiangtho kong the tu a, milimte le hong ninsak nadangte theampo pan kong thiangsak tu hi.

Ezekiel 40:39

Hi sungtanna inndoi sungah sabuai li om a, a lang le lang ah ni veve kikoi hi. Hi sabuaite tungah amate in sangaw biakpiakna in a nei nganhingte, a pum bupin kihal tu ahizong mawna le khialna hang a biakna ah piak tu nganhingte ahizong ngo uh hi.

Thiampite 1:11

Ama in biaknatau saksang ah tuasia ngo tu a, biaknatau pangh li ah thiampite in a chi the tu hi.

Thiampite 1:3

A khuihonte sung pan khat taw meihal biakpiakna a pia ahile, a mealhem ngawl khuital khat hi tu hi. Topa ii a saan natu in Topa ompuina Puanbuk kongbiang ah pia tu hi.

Thiampite 1:5

Tualai ah ama in tua khuital ngo tu a, Aaron suan thiampite in khuital chi sia Topa tungah a piak zawkciang Puanbuk kongbiang ah a om biaknatau pangh li ah a chi the tu hi.

Thiampite 14:13

Ama in mawphel biakpiak natu le meihal biakpiak natu in nganhing kingawna mun, a thiangthona munah tuuno ngo tu hi. Ama in hi bangin vawt tu hi, banghang ziam cile khialphel biakpiakna sia mawphel biakpiakna taw kibangin thiampipa ii neisa hi a, thiangtho mama hi.

Thiampite 3:2

Ama in tua nganhing lu tungah a khut nga tu a, Topa ompuina Puanbuk kongbiang ah ngo tu hi. Aaron suan thiampite in biaknatau pangh li ah a chi the tu a,

Thiampite 3:8

tuu lu tungah a khut nga tu a, Puanbuk mai ah ngo tu hi. Thiampite in biaknatau pangh li ah a chi the tu a,

Thiampite 4:24

Ama in kealtal lu tungah a khut nga tu a, meihal biakpiakna in nganhing a kingawna mun biaknatau saksang ah ngo tu hi. Hisia in mawphel biakpiakna khat ahi hi.

Thiampite 4:29

Ama in keallu tungah a khut nga tu a, meihal biakpiak natu nganhing kingawna mun, biaknatau saksang ah ngo tu hi.

Thiampite 4:33

Ama in tuu lu tungah a khut nga tu a, meihal biakpiak natu in ngan kingawna mun biaknatau ii saksang ah ngo tu hi.

Thiampite 5:16

A piak ngawl vanh teng ama in pia kik tu a, zakhat ciang kul taw in belap nanak tu hi. Ama in thiampipa tungah pia tu a, tua pa mawmai natu in nganhing taw biakpiakna khat thiampipa in neisak tu a, ama mawna kimaisak tu hi.

Thiampite 5:7

Mi khat in tuu ahibuale keal a pia zo buale, a mawmai natu in ngam vakhu nii ahibuale inn vakhu niite Topa tungah paipui tu a, a khat sia mawphel biakpiakna hi tu a, a dangkhat sia meihal biakpiakna hi tu hi.

Thiampite 5:9

a chi pawlkhat biaknatau pangh the tu hi. A taanglai chi teng biaknatau bul ah sung tu hi. Hisia in mawphel biakpiakna khat ahi hi.

Thiampite 6:25

a nuai a ngeinate mawphel biakpiakna a piak ciang a zui tu in thupia hi. Meihal biakpiak natu in sa a kingawna mun, biaknatau saksang ah mawphel biakpiak natu in nganhing kingo tu hi. Tua in a thiangtho mama biakpiakna ahi hi.

Thiampite 6:7

Tua pa mawmai natu in, thiampipa in biakpiakna piaksak tu a, ama khialna kimaisak tu hi.

Mi Simna 6:12

Nazirite ahi na bangin Topa tungah amate hun sia aap kik tu hi. A masa hun teng kisimsak ngawl tu hi, banghang ziam cile a aapsa ama ii sam sia ninsak hi. Ama in khialphel biakpiakna in kum khat a pha tuu khat keng tu hi.

Hebrew te 11:28

Thina ii Vantunglalang in, Israel mite ii tapaciil theampo a thalup thaak ngawl natu in ama in Paisan Poai piangsak a, kongkhate tungah chisan a kinoi natu thu a piak zongh upna hang ahi hi.

Hebrew te 12:24

Thuciam thak a vawtpa Jesus kungah nong pai uh a, Abel chi ii sep sangin a phazaw pek nate hong kamciam, a kithe chi kungah nong zuan uh hi.

1 Peter 1:2

No sia Pa Pathian tupna taw hong tealsa hi a, Jesus Christ thu a ni tu le a chisan taw a kithiansua tu in, ama Thaa taw a thiangtho minam a suak sate na hi uh hi. Thuthiamna le thinnopna note sungah hong dim tahen.