Thiampite 7:16 - Syin Chin Bible

¹⁶ Mihing khat in kamciam taangtut natu ahizong ama thinzaw biakpiakna taw ahizong a piak pawlkhop biakpiakna hong paipui le biakpiak ni in ne siat ngawl tu a, a taanglai pawpo a zing ciang ne thei tu hi.

Thiampite 7:16 Iomraidhean Croise

Psalm Late 116:14

A mite theampo kikhopna ah ka kamciamsa sia ama ka pia tu hi.

Psalm Late 116:18

Na mite theampo kikhopna mun, Jerusalem na Biakinnpi thiangtho sungah, ka kamciamsa sia kong pia tu hi. Topa pok vun!

Psalm Late 66:13

Na inn ah meihal biakpiakna kong paipui tu hi; kong kamciam sia kong pia tu hi.

Pusuana 35:29

Topa in Moses tungah nasep tu a thupiak bangin, a pia nuam Israel mite theampo in Topa tungah a piakkhiatna tek hong paipui uh hi.

Paunakte 7:14

“Tuni in biakpiakna ka vawt a, sangaw biakpiakna pan sa zongh ka nei hi.

Ezekiel 46:12

“Kumpipa in Topa tungah a thinzaw za biakpiakna sia pum bup meihal biakpiakna taw ahizong, kipawlkhop biakpiakna taw ahizong, a nei nop ciang suum sungnung paina nisuana sang kongpi kihon tu hi. Ama in Sabbath ni a biakpiakna a vawt bangin biakpiakna vawt tu a, kongpi sia ama pusua kik zawkciang kikhak tu hi,” ci hi.

Thiampite 22:23

Thinzaw biakpiakna ah a khansamh ahibuale a limci tatak ngawl nganhingte pia thei tu nu hi, ahizong kamciam taangtut natu in tuate kisaang ngawl hi.

Thiampite 22:29

Topa tungah lungdamko biakpiakna na piak uh ciang hong san thei tu in ngeinate zui vun;

Thiampite 23:38

Hi poaite in Sabbath tan ngeina sia belapna hi a, hi biakpiaknate sia Topa tungah na piak ngengei letsongte le kamciam taangtut biakpiaknate le thinzaw biakpiaknate belapna ahi hi.)

Nahum 1:15

En vun, thupha puak kamtai khat mualtung tawnin hong pai hi! Ama in zawna taangko tu in hong pai ahi hi! Judah mite awng, na poaipi khaam vun a, Pathian tungah ciliap huai takin, na kamciam sate pia vun. Mi ngilote in na ngam uh hong sim ngei nawn ngawl tu hi. Amate kisusia diipdeap zo hi!

Mi Simna 15:3

Meihal biakpiakna, kiciamna taangtutna biakpiakna, thinzaw biakpiakna ahibuale a hun zui a na vawt biakna poaite biakpiakna ah ngaw tu in khuital khat, tuutal khat, tuu khat ahibuale keal khat Topa tungah kipia thei tu hi; hi an taw biakpiaknate ii ngimnamtui sia in Topa lungkimsak hi.

Thuhil kikna 12:11

Topa in ama a kibiak natu in mun khat tealtuam tu a, kong thupiak bangin tua munah na theampo na puak tu uh hi: tuate in meihal biakpiakna le a dang sangaw biakpiaknate, na sawm a khat le na sumpite le Topa tungah na kamciam a tuam vilvel letsongte ahi hi.

Thuhil kikna 12:17

Na teenna munte ah Topa tungah na piak uh nate na ne buatu uh hi: tuate in sawm a khat in na piak antang, sapittui, olive thau, na khui le na tuu a no suakciilte, Topa tungah na kamciam letsongte, thinzaw biakpiaknate, ahibuale a dang biakpiaknate ahi hi.

Thuhil kikna 12:26

Na biakpiaknate le Topa na kamciamsa letsongte biakna munah paipui vun.

Thuhil kikna 12:6

Tualai ah na biakpiakna theampo, meihal biakpiakna le a dang sangaw biakpiaknate, sawm a khat le na sumpite, Topa tungah na kamciam letsongte, thinzaw biakpiaknate, le na khui le na tuute sung pan a no suakciilte pia vun.