Thiampite 7:12 - Syin Chin Bible

¹² Mihing khat in Pathian tungah lungdamko biakpiakna in hi biakpiakna a vawt le biakpiakna ah a zak tu nganhing taw in, tol saw ngawl anluum piakhawm tu hi, tuate anvui le olive thau a kihel a saa anluumte ahibuale olive thau taw a kizut muhte, ahibuale olive thau taw kihel muhte ahi hi.

Thiampite 7:12 Iomraidhean Croise

2 Khangtaanghthu 29:31

Hezekiah in mipite tungah, “Tu in note a zeksa om bangin thiang zo na hi uh ciang Topa tungah lungdamko biakpiakna in sangaw biakpiakna hong paipui tavun,” ci hi. Amate zongh thuni in vawt a, pawlkhatte in meihal biakpiak natu in amate thu in nganno ngaw tute paipui uh hi.

2 Khangtaanghthu 33:16

Ama in Topa a kibiakna biaknatau zongh puua kikin tua tungah kipawlkhop biakpiaknate le lungdamko biakpiaknate pia hi. Ama in Israel te ii Pathian, Topa a biak natu in Judah mite theampo thupia hi.

Nehemiah 12:43

Tua ni in sangaw biakpiakna tam mama kipia a, mipite lungdamna taw kidim uh hi, banghang ziam cile Pathian in amate lungdamsak mama hi. Numeite le patangte tua poai ah kihel in, amate ii awngingte a khualana pan kiza kawkoai thei hi.

Psalm Late 107:8

Amate atu nalamdang a septe hang le ama ii itna kip hu in amate in Topa tungah lungdamko tu uh hi.

Psalm Late 116:17

Lungdamko biakpiakna kong pia tu a, nang tungah thungetna kong nei tu hi.

Psalm Late 50:23

Lungdamkona sia kei vaang hong pia sangaw biakpiakna hi a, kei thu hong nite theampo ka hun takpi tu hi” ci hi.

Jeremiah 33:11

Lungdam thinnuam in au nate, tuaciang mopoai ngualnopna awngingte na za kik tu uh hi. Mihingte in ka Biakinnpi ah lungdamko biakpiaknate pia in la a sak na za tu uh hi; amate in, ‘Vaanglianbelpa Topa tungah lungdamko vun, banghang ziam cile ama pha a, ama ii hong itna kip tawntung hi,’ ci tu uh hi. Hi ngam sia nidang bangma in ka nuamsasak kik tu hi. Keima Topa in ka son zo hi,” ci hi.

Hosea 14:2

Topa kungah heak kik vun a, hi thungetna sia ama tungah na biakpiakna uh hisak vun: “Koma mawna theampo hong maisak ta'n a, ka thungetna uh hong saang ta'n. Tuaciang kong kamciam bangin nang hong pok tu khu hi.

Thiampite 2:4

A kipia anluum sia, anluum emna bealpeu sungah em ahile, tol saw ngawl hi nanak tu hi. Tuasia olive thau taw a kihel a anluum liante ahibuale olive thau taw a kizut a muhpaate hi thei tu hi.

Thiampite 2:5

A kipia anluum sia moh emna taw minsak ahile, olive thau le anvui a kihel hi tu a, ahizong tol saw ngawl hi tu hi.

Thiampite 22:29

Topa tungah lungdamko biakpiakna na piak uh ciang hong san thei tu in ngeinate zui vun;

Thiampite 6:16

A taanglai teng thiampite in ne tu hi. Tuate tol kisaw ngawl anluum in ki em tu a, Topa ompuina Puanbuk suumsung a thiangtho munah kine tu hi. Tua sia an taw biakpiaknate a khensak bangin Topa ii thiampite a piaksa hi. Tua in mawphel biakpiakna le khialphel biakpiaknate bangin thiangtho mama hi.

Thiampite 7:15

Biakpiakna nganhing sa sia biakpiakna vawt ni in kine tu a; a zingsang ciang dong koi ngawl tu hi.

Amos 4:5

Paisuak vun a, Pathian tungah lungdamkona in na anluumte pia vun a, na piak thua uh biakpiaknate tungtaang ah kisuangtaak vun! Hisia in na sep thanop uhte nam ahi hi.

Mi Simna 6:15

Ama in tol saw ngawl anluum law khat : olive thau taw hel in a vawt, anluum saate, olive thau noai in a paa in a vawt anluumte le a kisamh antang le sapittui taw biakpiaknate zongh pia lai tu hi.

Luke 17:16

Ama in Jesus peang ah bokin, lungdamko hi. “Hisia pa sia Samaria mi ahi hi.

Luke 17:18

Banghangin hi minam dang pa bek in, Pathian tungah lungdamko tu in hong heak kik ziam?” ci hi.

Romete 1:21

Amate in Pathian he ahihang a upat tu bangin upat ngawl uh a, ama tungah lungdam a ko tu bangin ko ngawl uh hi. Amate khua ngaisutna mannung mama ngawl a, amate thinsung hawmin, khuazing taw kidim hi.

Ephesus te 5:20

Topa Jesus Christ min taw na theampo atu in Pathian ahi Pa tungah a tawntungin lungdam ko tavun.

Hebrew te 13:15

Tua ahikom, eite in Jesus tungtawnin ih kipum piak biakpiakna in Pathian pok tawntung tawng, Topa hi ci in a pualaakte ii kam taw a kipia biakpiakna in tuasia ahi hi.

1 Peter 2:5

Nuntakna a nei suangte bangin pai tavun a, thaa biakinn sak natu in a kizanghte hi tavun, tua munah Jesus Christ tungtawnin, Pathian tungah a saan thamman, thaa taw kisai sangaw biakpiakna a pia a thiangtho thiampite bangin na seam tu uh hi.