Thiampite 6:3 - Syin Chin Bible

³ a bo vanh khat mu napi leilot a mu bong ci in a kiciam ahile zong, Topa tungah maw ahikom biakpiakna khat a vawt kul hi.

Thiampite 6:3 Iomraidhean Croise

Pusuana 23:4

“Na ngalpa ii khui ahibuale a laa a tai na mu uh le ama kungah puak kik vun.

Pusuana 28:42

A ci a sa a kimu ngawl natu in a kawng pan a pheizang ciang a pha ngoaipuante khuisak in.

Paunakte 24:28

A thu om ngawlin ngualdang khat langpanin tetti pang heak in, ahibuale zong ama ii huvau telkhial thei thute phuang heak in.

Paunakte 30:9

Ka kham vaalin an ka nei le, nang hong tulmaw bong kong ci tha tu hi. Ahihang ka zawng le, ka nguta tha tu a, ka Pathian ii min daina kong suaksak tu hi.

Jeremiah 5:2

Topa ka bia tu uh hi na ci uh hangin, na thin tatak uh taw na ci uh hi ngawl hi.

Jeremiah 7:9

Note in nguta, ngual that, palngul mawna vawtin, leilot thu taw kiciam nu hi, Baal tungah biak piaknate pia a, nidang a na heak ngeingawl uh pathiante na bia uh hi.

Ezekiel 44:19

Mihonpite omna suum puanung ah a pai ma in, amate in Biakinnpi sung a nasepna ah a silh puante sut tu a, a thiangtho inndoite sungah nusiat kul tu hi. A thiangtho biakpiakna puante ii mite ngim a piak ngawl natu in amate in puan dang silh tu uh hi.

Thiampite 1:16

A longtawl le a tawl sungah a om teng la tu a, vut koina, biaknatau ii nisuana sangah vawk tu hi.

Thiampite 16:4

Tuaciang Topa in a nuai a zui tu ngeinate pia hi. Aaron, Thiangtho Bel Mun ah a pai ma in kibual nanak tu a, thiampi puante: puanneal puantual silhin, ngoaipuan tom teang tu a, kawngkhau sawm in dial khim tu hi.

Thiampite 19:12

Na zui ngawl tu po ka min taw kamciam pia heak vun; tua in ka min daisak hi. Keima in Topa na Pathian ka hi hi.

Zechariah 5:4

Vaanglianbelpa Topa in tua haamsiatna ka tungsak tu a, tuasia in nguta pawpo ii inn le, kiciamna taw leilot thuson pawpo ii inn te sungah tum tu hi ci hi. Tua haamsiatna sia amate inn sungah teang tu a, tua innte a lalcipsa in kinusia tu hi,” hong ci hi.

Malachi 3:5

Vaanglianbelpa Topa in, “Note thukhen tu in no kungah kong kilangh tu a, bum le ai toaite, palngul mawna vawtte, leilot tetti pangte, a naseamte ii thaman a demte, meingong tanga le ngamdangmite tung pan meet natu a zongte — kei hong zakta ngawlte theampo ii langkhat ah tetti ka pang tu hi.”