Thiampite 6:27 - Syin Chin Bible

²⁷ Mihing khat pawpo ahibuale na khat pawpo in tua nganhing sa a thutha le tuasia ii thianthona vaang in ngim ngasak tu hi. Tua sachi puan khat po tungah a baang tha le tuasia mun thiangtho na ah sawp kul tu hi.

Thiampite 6:27 Iomraidhean Croise

Pusuana 29:37

Tuabangin ni sali sung ni simin vawt in. Tuasia ciang biaknatau sia thiangtho sitset tu a, tuasia a thutha mihing khat ahibuale na khat peuma biaknatau ii thianthona vaang in ngim ngasak tu hi.

Pusuana 30:29

Hi nate hi bangin na aap tu uh a, tua hile thiangtho sitset tu hi. Tuate a thutha peuma tua thianthona vaang in ngim ngasak tu hi.

Ezekiel 44:19

Mihonpite omna suum puanung ah a pai ma in, amate in Biakinnpi sung a nasepna ah a silh puante sut tu a, a thiangtho inndoite sungah nusiat kul tu hi. A thiangtho biakpiakna puante ii mite ngim a piak ngawl natu in amate in puan dang silh tu uh hi.

Thiampite 11:32

Hi sa a thite na khat pawpo tungah a taak le, a tukna tua vanhte a thiang ngawl hi tu hi. A kizakna taw kisai ngawlin thing, puan, savun, ip cite hisia in huam siat tu hi. Tuasia tui sungah dia tu a, ahizong nitak dongin a thiang ngawl hi tu hi.

Thiampite 6:18

Maisang hun theampo atu in Aaron suan le paal peuma in Topa tungah a kipia ante amate nga bangin ne tan thei tu uh hi. Midang khat pawpo tua biakpiakna an a thutha sia, a thianthona vaang in ngim ngasak tu hi.

Thiampite 7:19

Tua biakpiakna sa sia biakna taw kisai a thiang ngawl khat pawpo taw a kithutha le kine ngawlin a kihal kul tu hi. Biakna zeksa taw kisai in a thiang khat pawpo in tua sa ne thei tu hi,

Haggai 2:12

Sonteena in sangaw biakpiakna sungah a kithiansua sabak khat a thiampi puantual sungah tun ci tawng. Tua zawkciang ama in a puantual taw anluum, an min sa, sapittui, olive thau, ahibuale an nam khat pawpo thutha le, tua an zong thiangsak tu ziam?” ci hi. Tuabang a dok ciang Thiampite in, “Thiangsak ngawl tu hi” ci in zo uh hi.

Matthew 14:36

A puanmong beak ahizong ciinate a thamsak natu in, ama tungah ngen uh hi. Tuaciang a puanmong a tham theampo damsak hi.

Matthew 9:21

“A puan bek ahizong tham leng dam tu khi hi,” ama le ama kici hi.

2 Corinth te 7:1

Ka it ka lawmte awng, hi kamciamte theampo sia eite tungah hong kipia hi. Tua ahiciang pumpi le thinsung a ninsak thei nate theampo panin kithiansua in, Pathian ih thasiana taw a thiangtho sinsen suak tawng.

2 Corinth te 7:11

Na heena uh sia Pathian in bangbang hi ziam ci sia en vun: tuasia in bangzata in nang hong lawpsak a, na maw ngawlna ah bangza in hong panpui nuam ziam! Tuabang thin uukna, patauna, thinsung phaw theinate, thangaina, a khialte daan piak nopna cite piangsak hi! Hi thu theampo ah note pau baang ngawl ci in noma le noma kilak zo nu hi.