Thiampite 6:20 - Syin Chin Bible

²⁰ Aaron suan thiampi khat thupha piak kipsak natu taw kisai ngeinate pia hi. Thupha piak kipsakna a nga ni in Topa tungah anvui kilogramme khat (ni sim antang biakpiakna za taw a kikim) zingsangin a lang, nitakin a lang pia tu hi.

Thiampite 6:20 Iomraidhean Croise

1 Khangtaanghthu 23:29

Pathian tungah a kipia anluum, biakpiakna in a kizangh zungtaang vuite, tol kisaw ngawl muhpheangte, a ki em biakpiak nate, olive thau a kihel zungtaang vuite; biakinn ah a kipia vanhte toaikhai tu le teesak tu;

Pusuana 16:36

(Tua hun lai, na ko teena in a zak sia litre 20 taw kikim hi.)

Pusuana 29:2

Tol saw ngawl zungtaang vui phabel zangh in olive thau taw anluum pawlkhat, olive thau ngawl taw anluum pawlkhat le sathau taw a kizut moh pawlkhat vawt in.

Thiampite 23:13

Tua taw an biakpiakna in olive thau taw a kihel anvui kilogramme nii na pia tu uh hi. Hi biakpiakna ii ngimnam in Topa lungkimsak hi. Biakpiakna in sapittui litre khat zongh pia tu nu hi.

Thiampite 5:1

A nuai a thute ah mawphel biakpiaknate kisamh hi. Mihing khat sia thukhenzum ah tetti pang tu in kisam a, ama muna bang le a zaakna bangin a son buale ama in a piang bang a thuak kul tu hi.

Thiampite 5:11

Mi khat in ngam vakhu nii le inn vakhu nii a pia zo buale mawphel biakpiak natu in anvui kilogramme khat paipui tu hi. Antang taw biakpiakna hi ngawl a, mawphel biakpiakna ahikom, ama in olive thau ahibuale ngimnamtui a tungah buak ngawl tu hi.

Thiampite 6:11

Tuaciang ama in a puan laih tu a, ngiaphual puasang biakna taw kisai a thiangthona munah vutte bua tu hi.

Thiampite 6:19

Topa in Moses tungah,

Mi Simna 28:10

Hi meihal biakpiakna sia ni simin sapittui biakpiakna belapna in Sabbath ni simin piak tu ahi hi.

Mi Simna 28:3

Hite sia Topa tungah a kipia tu an piakkhiatnate ahi hi: ni sim meihal biakpiak natu in a mealhem ngawl kum khat a pha tuutalno nii hi tu hi.

Mi Simna 4:16

Puanbuk bup le meidet tu sathau, ngimnamtui, antang biakpiakna, noi sathaute le Topa tungah a ki aapsa puanbuk sungah a om theampo thiampi Aaron tapa Eleazar ii vaipuak hi tu hi.

Hebrew te 5:1

Thiampi lianbel peuma a mipuite sung panin kiteal a, mawmai natu sangaw biakpiakna le piakkhiatna vawt tu in, amate taangin Pathian naseam tu a kitavaw te ahi hi.

Hebrew te 7:27

Ama sia thiampi lianbel dangte taw a kibang bua hi; a masa phitbelin, ama mawna atu le tua zawkciang midangte mawna atu in, sangaw biakna ni simin a piak kul ngawl hi. Ama le ama a kipiak ciangin, a tawntung atu in khatvei lian sangaw biakpiakna vawt zo hi.