Thiampite 5:6 - Syin Chin Bible

⁶ mawna daan tu in Topa tungah tuu anu khat ahibuale keal anu khat pia tu hi. Tua pa mawmai natu in thiampipa in sangaw biakpiakna neisak tu hi.

Thiampite 5:6 Iomraidhean Croise

Ezekiel 40:39

Hi sungtanna inndoi sungah sabuai li om a, a lang le lang ah ni veve kikoi hi. Hi sabuaite tungah amate in sangaw biakpiakna in a nei nganhingte, a pum bupin kihal tu ahizong mawna le khialna hang a biakna ah piak tu nganhingte ahizong ngo uh hi.

Ezekiel 42:13

Tua pa in keima tungah hong ci hi, “Hi innte ngeal thiangtho hi. A sungsang Topa ompuina ah a tum thiampite in a thiangthobel biakpiakna ante ne uh hi. A inndoite thiangtho ahi manin thiampite in a thiangthobel biakpiaknate: antang biakpiaknate, mawna hang sangaw biakpiaknate, ahibuale mawphel biakpiaknate tua munah koi tu uh hi.

Ezekiel 44:27

tuaciang Biakinnpi suum sungnung ah pai in, a kithiansua natu in sangaw biakpiakna pia tu hi, tua hile ama in Biakinnpi sungah na seam kik thei tu hi. Keima, Vaanglianpipa Topa ka pau zo hi.

Thiampite 4:20

Ama in mawphel biakpiakna in a kizangh khuital sia taw a vawt bangma in hi khuital zongh taw a kibangin vawt tu a, mipite ii mawna hu in hi bangin sangaw biakpiakna vawt tu hi, tuaciang amate mawna kimaisak tu hi.

Thiampite 4:28

a mawna a heak po ciang a mealhem ngawl kealnu khat taw biakpiakna nei tu hi.

Thiampite 4:31

Tua zawkciang ama in kipawlkhop biakpiak natu in a kingo nganthaute laak bangin a thau teng la tu a, Topa a lungkimsak ngimnam ahi natu in biaknatau tungah hal tu hi. Hi bangin thiampipa in tua pa ii mawmai natu in, sangaw biakpiakna neisak tu a, a mawna kimaisak tu hi.

Thiampite 4:32

Mihing khat in mawphel biakpiakna in tuu khat hong paipui le, a mealhem ngawl a nu khat hi tu hi.

Thiampite 4:35

Tua zawkciang ama in kipawlkhop biakpiak natu in a kingo tuu thau laak bangin a thau teng la tu a, Topa tungah a kipia an taw biakpiaknate taw biaknatau tungah hal khawm tu hi. Hi bangin thiampipa in tua pa mawmai natu in sangaw biakpiakna nei tu a, ama mawna kimaisak tu hi.

Thiampite 6:6

Ama in Topa tungah ama ii khialphel biakpiak natu in a mealhem ngawl tuutal ahibuale kealtal khat thiampipa kungah paipui tu hi. A man sia khensat ngeina om bang hi tu hi.

Mi Simna 6:12

Nazirite ahi na bangin Topa tungah amate hun sia aap kik tu hi. A masa hun teng kisimsak ngawl tu hi, banghang ziam cile a aapsa ama ii sam sia ninsak hi. Ama in khialphel biakpiakna in kum khat a pha tuu khat keng tu hi.