Thiampite 5:18 - Syin Chin Bible

¹⁸ A khialphel natu in a mealhem ngawl tuutal khat ahibuale kealtal khat thiampipa tungah paipui tu hi. A man sia a ngeina om bangin kikhensat tu hi. Thiampipa in tupkhol ngawlin a khialpa khialphel natu in sangaw biakpiakna neisak tu a, ama khialna kimaisak tu hi.

Thiampite 5:18 Iomraidhean Croise

Thiampite 1:3

A khuihonte sung pan khat taw meihal biakpiakna a pia ahile, a mealhem ngawl khuital khat hi tu hi. Topa ii a saan natu in Topa ompuina Puanbuk kongbiang ah pia tu hi.

Thiampite 1:4

Ama in khuital lu tungah a khut nga tu a, tuasia ama mawphel natu biakpiakna in kisaang tu hi.

Thiampite 14:12

Tuaciang thiampipa in sathau litre khat ii khenthum sua khenkhat taw tuutal note khat khialphel biakpiakna in pia tu hi. Ama in thiampipa atu in tua te Topa tungah a tuam vilvel letsong in pia tu hi.

Thiampite 4:20

Ama in mawphel biakpiakna in a kizangh khuital sia taw a vawt bangma in hi khuital zongh taw a kibangin vawt tu a, mipite ii mawna hu in hi bangin sangaw biakpiakna vawt tu hi, tuaciang amate mawna kimaisak tu hi.

Thiampite 5:17

Mihing khat pawpo in tup khol ngawlin Topa thupiakte a paltan le, ama a khial hi a, a khialna daan thuak tu hi.

Thiampite 5:19

Hisia ama ii Topa tungah a khialna hu a, khialphel biakpiakna ahi hi.

Mi Simna 15:24

taangpite ii a heak ngawlna hu in, tuabang khial tha ahile amate in meihal biakpiakna, Topa a lungkimsak ngimnamtui, antang biakpiakna le sapittui biakpiakna taw in khuital khat pia tu hi. Amate in mawphel biakpiakna in kealtal khat pia thua tu hi.