Thiampite 5:16 - Syin Chin Bible

¹⁶ A piak ngawl vanh teng ama in pia kik tu a, zakhat ciang kul taw in belap nanak tu hi. Ama in thiampipa tungah pia tu a, tua pa mawmai natu in nganhing taw biakpiakna khat thiampipa in neisak tu a, ama mawna kimaisak tu hi.

Thiampite 5:16 Iomraidhean Croise

Psalm Late 69:4

Bangma thu om ngawl a, kei hong ensante sia ka lu a samzamte sangin tamzaw hi. Ka ngalte in kei langpanna leilot thu son hi; amate hat a, kei hong thatlum nuam hi. Ka nguk ngawl bul nate amate in hong pia kiksak hi.

Pusuana 22:1

“Mihing khat in khuipui ahibuale tuu khat ngu in a ngo, a zuak le ama in khuipui khat taangin khuipui nga, tuu khat taangin tuu li pia hamtang tu hi.

Thiampite 22:14

“Thiampi innkuanpui ahi ngawl khat in a thiangtho biakpiakna ante a heak ngawlin a ne tha le ama in thiampipa tungah a man a cingin liau kik tu a, zakhat ciang kul taw belap tu hi.

Thiampite 27:13

Tua pa in a lei kik nuam le, a man za le tua man tungah zakhat ciang kul veu belapin lei tu hi.

Thiampite 27:15

Tua pa in a inn a lei kik nuam le a man za le tua man tungah zakhat ciang kul veu belapin pia tu hi.

Thiampite 27:27

ahizong a thiang ngawl nganhing no suakciil ahile, a man a kitan za le tua a man tung zakhat ciang kul veu belapin lei kik thei tu hi. A kilei kik buale tua nganhing sia a man a kitan za taw midang khat pawpo tungah kizuak thei hi.

Thiampite 27:31

Mi khat in tuate a tan kik nuam le, a man za le a man tungah zakhat ciang kul veu belapin tan tu hi.

Thiampite 4:20

Ama in mawphel biakpiakna in a kizangh khuital sia taw a vawt bangma in hi khuital zongh taw a kibangin vawt tu a, mipite ii mawna hu in hi bangin sangaw biakpiakna vawt tu hi, tuaciang amate mawna kimaisak tu hi.

Thiampite 4:26

Tua zawkciang ama in kipawlkhop biakpiakna in a kingo nganhing thaute kihal bangma in, biaknatau ah a thau teng hal tu hi. Ngam uk khat ii mawmai natu in hi bangin thiampipa in sangaw biakpiakna nei tu a, ngamukpa mawna kimaisak tu hi.

Thiampite 5:10

Tua zawkciang a niina vacim taw ngeina om bangin meihal biakpiakna pia tu hi. Hi bangin thiampipa in tua pa mawmai natu sangaw biakpiakna vawtsak tu a, tua pa mawna kimaisak tu hi.

Thiampite 5:13

Hi bangin thiampipa in tua pa mawmai natu biakpiakna neisak tu a, ama mawna kimaisak tu hi. Antang taw biakpiakna bangma in a taanglai anvui teng thiampipa aa ahi hi.

Thiampite 5:6

mawna daan tu in Topa tungah tuu anu khat ahibuale keal anu khat pia tu hi. Tua pa mawmai natu in thiampipa in sangaw biakpiakna neisak tu hi.

Thiampite 7:2

Meihal biakpiak natu in nganhing kingawna mun, biaknatau saksang ah hi biakpiakna ngan kingo tu a, biaknatau pangh li tengah a chi kithe tu hi.

Mi Simna 5:7

a thuak pa tungah a mawna pualaak hamtang in, a maw a khial man a cingin a liau zawkciang zakhat tungah kul veu belapin pia thua tu hi.

Mi Simna 5:8

Ahizong tua pa thi zo a, a liausum piak natu in mealheak nai a nei bua ahile, tua liausum sia thiampipa atu in Topa tungah kipia tu hi. Hi liausum sia, a maw a khialpa biakna taw kisai in thiansua natu a kizangh tuutal belapna ahi hi.

Luke 19:8

Zacchaeus ding a, Topa tungah hi bangin ci hi. “En in, Topa awng! Ka neisa a lang mizawngte ka pia tu hi; tuaciangin khat po ka theam ngei le a zaa li in ka lo kik tu hi,” ci hi.

Sawltakte 26:20

A masa phitbel in Damascus le Jerusalem ah, tua zawkciangin, Judea ngam bup le Gentile te sungah, amate in a mawnate kisiik nanak a, Pathian sangah kiheak in, a kisii kikna thu a lak tu nasepte a sep natu in, thu ka hil hi.

1 Samuel 6:3

Amate in, “Israel te ii Pathian ii Thuciamna Thingkuang na heak kiksak tu uh le na mawphel natu uh in ama atu letsong khat taw na kikopsak uh kul tu hi. Thuciamna Thingkuang sia letsong khat ngawl taw heak kik thei ngawl het tu hi. Tuabang taw in note na dam tu uh a, banghangin ama in no daan hong pia tawntung ziam ci sia na he tu uh hi,” ci uh hi.