Thiampite 4:35 - Syin Chin Bible

³⁵ Tua zawkciang ama in kipawlkhop biakpiak natu in a kingo tuu thau laak bangin a thau teng la tu a, Topa tungah a kipia an taw biakpiaknate taw biaknatau tungah hal khawm tu hi. Hi bangin thiampipa in tua pa mawmai natu in sangaw biakpiakna nei tu a, ama mawna kimaisak tu hi.

Thiampite 4:35 Iomraidhean Croise

Thiampite 12:8

Numeinu in tuuno khat a nei zo bua ahile inn vakhu nii ahibuale ngam vakhu nii, meihal biakpiak natu in khat, mawphel biakpiak natu in a dang khat paipui tu a, tuaciang thiampipa in tua nu a thiantho ngawlna pan a thiansua tu in a zeksa teng vawtsak tu a, tuaciang ama biakna taw kisai in thiangtho tu hi.

Thiampite 14:18

A khutpheak sungah a taanglai sathaute tua pa lu tungah thisak tu hi. Tuabangin thiampipa in a zeksa thiansuana vawt tu hi.

Thiampite 14:53

Tuaciang ama in a nungta vacim sia khuapi puasang dui sungah leangsak tu hi. Hi bangin ama in a zeksa inn thiansuana vawt tu a, biakna taw kisai in inn thiang hi tu hi.

Thiampite 15:15

Thiampipa in mawphel biakpiakna in khat, meihal biakpiakna in a dang khat pia tu hi. Hi bangin tua pa atu a zeksa thiansuana ama in vawt tu hi.

Thiampite 19:22

thiampipa in a khialphel natu in tua tuutal taw a zeksa thiansuana vawt tu a, Pathian in ama khialna maisak tu hi.

Thiampite 4:20

Ama in mawphel biakpiakna in a kizangh khuital sia taw a vawt bangma in hi khuital zongh taw a kibangin vawt tu a, mipite ii mawna hu in hi bangin sangaw biakpiakna vawt tu hi, tuaciang amate mawna kimaisak tu hi.

Thiampite 4:26

Tua zawkciang ama in kipawlkhop biakpiakna in a kingo nganhing thaute kihal bangma in, biaknatau ah a thau teng hal tu hi. Ngam uk khat ii mawmai natu in hi bangin thiampipa in sangaw biakpiakna nei tu a, ngamukpa mawna kimaisak tu hi.

Thiampite 5:10

Tua zawkciang a niina vacim taw ngeina om bangin meihal biakpiakna pia tu hi. Hi bangin thiampipa in tua pa mawmai natu sangaw biakpiakna vawtsak tu a, tua pa mawna kimaisak tu hi.

Thiampite 5:13

Hi bangin thiampipa in tua pa mawmai natu biakpiakna neisak tu a, ama mawna kimaisak tu hi. Antang taw biakpiakna bangma in a taanglai anvui teng thiampipa aa ahi hi.

Thiampite 5:6

mawna daan tu in Topa tungah tuu anu khat ahibuale keal anu khat pia tu hi. Tua pa mawmai natu in thiampipa in sangaw biakpiakna neisak tu hi.

Thiampite 6:7

Tua pa mawmai natu in, thiampipa in biakpiakna piaksak tu a, ama khialna kimaisak tu hi.

Thiampite 9:7

Tua ahiciang ama in Aaron tungah, “Biaknatau ah pai in na mawnate le na mite mawnate a mai natu in, mawphel biakpiakna le meihal biakpiakna pia in. Topa thupiak bangin, mite mawnate a mai natu in hi biakpiakna pia in” ci hi.

Mi Simna 15:25

Thiampipa in taangpite atu in a zeksa thiansuana vawt tu a, amate khialna kimaisak tu hi, banghang ziam cile vawt thaak khialna hi a, amate in Topa tungah an taw biakpiakna khat bangin mawphel biakpiakna hong paipui hi.

Mi Simna 15:28

Thiampipa in biaknatau ah tua pa a mawna a khialna pan thiansua natu in a zeksa thiansuana teng vawt tu a, tuaciang ama ii mawna khialna kimaisak tu hi.

Romete 10:4

Banghang ziam cile a umte theampo Pathian mai ah thutang a sua natu in Christ in thukham bosak zo hi.

Romete 4:25

Jesus sia eite ii mawna hu in a thi tu in ki aap a, Pathian mai ah thutang ih sua natu in nuntakna sungah ama kinungta kiksak hi.

Romete 8:1

Tu in Christ taw pumkhat in a nungtate atu in kipuavawkna a om bua hi.

2 Corinth te 5:21

Ama taw ih kipumkhatna hangin Pathian bang a, thumaan thutang ih sua thei natu in, mawnei ngawl Christ sia Pathian in eite taangin mawnei suaksak hi.

Ephesus te 5:2

Christ in hong it a, Pathian diksak ngimnamtui biakpiakna le sangaw biakpiakna bangin, a nuntakna hong piak bangma, itna in na nuntakna uh uksak vun.

Colossae te 1:14

A chisan hangin eite ih suakta a, ih mawnate hong kimaisak zo hi.

Hebrew te 1:3

Ama in Pathian' minthanna ii vaangtaang hong lengsak a, ama sia Pathian ii hina zia bang tatak ma hi in, vaannuai bup ama ii a vaang nei a kammal taw khosak hi. Mihingte ii mawnate atu in mawmaitsakna a nga sak zawkciangin Vaanglianpipa Pathian ii ziatsang vantung ah to hi.

Hebrew te 4:14

Tua ahikom ih upna ih pualaak sate ii tungtaang ah eite kip tek tawng. Banghang ziam cile eite in Pathian omna tatak ah a pai sa, Thiampi Lianbelpa — Pathian Tapa Jesus ih nei hi.

Hebrew te 7:26

Tua ahikom Jesus sia ih kitaangsapnate hong kicingsak thei, Thiampi Lianbel ahi hi. Ama thiangtho a; ama in mawna ahizong, khialna ahizong, ama sungah a nei bua hi; ama sia mawneite sung panin, kidoi tuam a, vantungte sangin a saang zaw in kilaamto hi.

Hebrew te 9:14

Hisia thumaan ahikom, Christ ii chisan in bangza in seam zozaw seseam tu ziam! Tawntung Thaa tungtawnin, ama in Pathian tungah ama le ama a cialcing sangaw biakpiakna in, kipia zo hi. Ama chisan in a mannung ngawl biakna huvau panin, ih thinsung hong thiangsak tu hi.

1 Peter 2:22

Ama in mawna vawt ngawl a, ama kam panin leilot thu pusuak hi ci in kuama in za ngeingawl hi.

1 Peter 2:24

Eite, mawna sungah thi a, thutang suana sungah ih nuntak thei natu in, Christ ama mama in, thinglamtee tungah a pumpi taw ih mawnate hong puaksak zo hi. Ama liammate taw note hong damsak zo hi.

1 Peter 3:18

Banghang ziam cile Christ in mawna hu in a tawntung atu khatvei lian thi zo hi, note Pathian kungah hong zot pui natu in mipha khat sia mawneite taangin thi zo hi. Ama pumpi thi ahihang thaa sungah kinungtasak zo hi,

1 John 1:7

Ahihang eite khuavak sungah ih nungta le — ama sia khuavak sungah om ahi bangma in — eite khat le khat a kipawl theite ih hi a, tuasia ciangin a Tapa Jesus ii chisan in ih mawna theampo pan hong thiansua hi.

1 John 2:2

Tuaciang Christ mama in eite ii mawna bek hi ngawlin a kuama po ii mawna zongh maisakna a pianna pa ahi hi.