Thiampite 4:34 - Syin Chin Bible

³⁴ Thiampipa in a chi sungah a khutme pap tu a, biaknatau king ah a om a dokna teng chi noai in, a taanglai teng biaknatau bul ah sung tu hi.

Thiampite 4:34 Iomraidhean Croise

Isaiah 42:21

Topa sia hong ngup tu a ngakla Pathian hi a, tua ahikom a thukhamte le a hilnate thupisak hi, tuaciang ama in tuate a mite ii zatak tu dei hi.

Thiampite 4:18

Ama in Puanbuk sung ngimnamtui biaknatau king, a dokna tengah chi tawm noai tu a, a taanglai teng Puanbuk kongbiang ah a om, meihal biakpiakna in a kizangh biaknatau bul ah sung tu hi.

Thiampite 4:25

Thiampipa in a chi sungah a khutme pap tu a, biaknatau king a kidokna tengah noai in, a taanglai teng biaknatau bul ah sung tu hi.

Thiampite 4:30

Nganhing chi sungah thiampipa in a khutme pap tu a, biaknatau king a dokna teng noai in, a taanglai teng biaknatau bul ah sung tu hi.

Thiampite 4:7

Tuaciang ama in chi pawlkhat, Puanbuk sung ngimnamtui biaknatau kingte ii a dokna teng noai tu hi, a taanglai chi teng Puanbuk kongbiang ah a om, meihal biakpiakna in a kizangh biaknatau bul ah sung tu hi.

John 17:19

Amate zongh maan tak a, nang tungah hong ki aap thei natu, amate atu ka ngaisutsakna in, keima le keima nang tungah kong ki aap hi.

Romete 10:4

Banghang ziam cile a umte theampo Pathian mai ah thutang a sua natu in Christ in thukham bosak zo hi.

Romete 8:1

Tu in Christ taw pumkhat in a nungtate atu in kipuavawkna a om bua hi.

Romete 8:3

Mihing thaneamna hu a Thukham ii vawt zawk ngawlte Pathian in vawt zo hi. Ama in mihing pianzia sungah mawna a bo cimitsak natu in mihingte mawna pianzia teng ma hong keng a, ama Tapa sia mawna kitat natu in hong pia hi.

2 Corinth te 5:21

Ama taw ih kipumkhatna hangin Pathian bang a, thumaan thutang ih sua thei natu in, mawnei ngawl Christ sia Pathian in eite taangin mawnei suaksak hi.

Hebrew te 10:29

Tua ahile Pathian Tapa a zawngsak pa sia bang suak tu ziam? Mawna pan a, a thiansua Pathian thuciamna chisan a awlmaw ngawlte, thuthiamna Thaa a zawngsak te, bang tek suak tu ziam? Ngaisun vun, tuabang mihing khat ii thuak tu a kilawm daan sia bangza in nasia zaw tu ziam!

Hebrew te 2:10

Ta tam mama in ama ii vaangletna a siim thei natu in, na theampo bitphua in a keam Pathian in, Jesus sia a thuakna tungtawnin a cialcing pa a suasak tu sia a maan thu hi takpi hi. Banghang ziam cile amate ngupna sung a then sia Jesus ahi hi.

1 Peter 2:24

Eite, mawna sungah thi a, thutang suana sungah ih nuntak thei natu in, Christ ama mama in, thinglamtee tungah a pumpi taw ih mawnate hong puaksak zo hi. Ama liammate taw note hong damsak zo hi.

1 Peter 3:18

Banghang ziam cile Christ in mawna hu in a tawntung atu khatvei lian thi zo hi, note Pathian kungah hong zot pui natu in mipha khat sia mawneite taangin thi zo hi. Ama pumpi thi ahihang thaa sungah kinungtasak zo hi,