Thiampite 4:31 - Syin Chin Bible

³¹ Tua zawkciang ama in kipawlkhop biakpiak natu in a kingo nganthaute laak bangin a thau teng la tu a, Topa a lungkimsak ngimnam ahi natu in biaknatau tungah hal tu hi. Hi bangin thiampipa in tua pa ii mawmai natu in, sangaw biakpiakna neisak tu a, a mawna kimaisak tu hi.

Thiampite 4:31 Iomraidhean Croise

Pianciilna 8:21

Topa sia biakpiakna ngimnamtui in lungdamsak hi, tuaciang a thinsung ah, “Mihing ngamtatna hangin leitung ka haamsiat kik ngei buatu hi; a no lai pan a khuangaisutnate a siat hunlam ka he hi. Tu a ka vawt bangin nuntakna nei theampo ka mon kik ngei buatu hi.

Ezra 6:10

Vantung Pathian ii a saan thei tu in sangaw biakpiakna a piak thei natu le keima le ka tapate atu in thupha nong nget thei natu in hisia sep tu ahi hi.

Job 42:8

Tu in khuital sali le tuutal sali Job kungah paipui vun a, noma atu in sangaw biakpiakna in tuate pia vun. Job in no atu thu hong ngetsak tu hi, tuaciang ama ii thungetna ka zo tu a, na kilawm uh bangin kong maimawlsak buatu hi. Ama ii son bangin kei huvau thumaan na son bua uh hi,” ci hi.

Pusuana 29:18

Tuutal sa theampo biaknatau tungah an biakpiakna in hal in. Tua biakpiakna ii a ngimnam in keima hong lungkimsak hi.

Isaiah 42:21

Topa sia hong ngup tu a ngakla Pathian hi a, tua ahikom a thukhamte le a hilnate thupisak hi, tuaciang ama in tuate a mite ii zatak tu dei hi.

Isaiah 53:10

Topa in, “Hi bang a thuak natu sia keima deina ahi hi; a thina sia mawna maisak natu in biakpiakna ahi hi. Tua ahiciang ama in a suan le a paalte mu tu hi; Ama a khansau in, ama tungtawnin ka tupna taangtung tu hi.

Thiampite 1:13

Ama in a sungkua le a nungpeangte nii sil tu a, thiampipa in Topa tungah biakpiaknate pia in biaknatau tungah hal tu hi. Tua an taw biakpiakna ngimnam in Topa lungkimsak hi.

Thiampite 1:17

Ama in a thate nii pan len tu a, a thate tatsak ngawlin a pum balkeak tu a, biaknatau tungah a pum bup hal tu hi. Tua an taw biakpiakna ii ngimnam in Topa lungkimsak hi.

Thiampite 1:9

Ama in a sungkua le a nungpeangte nii, sil tu a vaipuak nei thiampipa in sa teng biaknatau ah hal tu hi. Tua an taw biakpiakna ii ngimnam sia in Topa lungkimsak hi.

Thiampite 14:18

A khutpheak sungah a taanglai sathaute tua pa lu tungah thisak tu hi. Tuabangin thiampipa in a zeksa thiansuana vawt tu hi.

Thiampite 15:15

Thiampipa in mawphel biakpiakna in khat, meihal biakpiakna in a dang khat pia tu hi. Hi bangin tua pa atu a zeksa thiansuana ama in vawt tu hi.

Thiampite 19:22

thiampipa in a khialphel natu in tua tuutal taw a zeksa thiansuana vawt tu a, Pathian in ama khialna maisak tu hi.

Thiampite 2:2

Aaron suan thiampite kungah paipui tu hi. Thiampipa in anvui khutdim khat, sathau le ngimnamtui theampo la in, Topa tungah kipia siat zo hi ci in a kiheak thei natu in biaknatau ah hal tu hi. Tua an biakpiakna ii ngimnam in Topa lungkimsak hi.

Thiampite 2:9

A vekpi in Topa tungah a kipia a hina thu limlakna in thiampipa in tawm la a, biaknatau tungah hal tu hi. Tua an biakpiakna ii ngimnam in Topa lungkimsak hi.

Thiampite 4:19

Tua zawkciang ama in a thau teng la in biaknatau tungah hal tu hi.

Thiampite 4:26

Tua zawkciang ama in kipawlkhop biakpiakna in a kingo nganhing thaute kihal bangma in, biaknatau ah a thau teng hal tu hi. Ngam uk khat ii mawmai natu in hi bangin thiampipa in sangaw biakpiakna nei tu a, ngamukpa mawna kimaisak tu hi.

Thiampite 4:35

Tua zawkciang ama in kipawlkhop biakpiak natu in a kingo tuu thau laak bangin a thau teng la tu a, Topa tungah a kipia an taw biakpiaknate taw biaknatau tungah hal khawm tu hi. Hi bangin thiampipa in tua pa mawmai natu in sangaw biakpiakna nei tu a, ama mawna kimaisak tu hi.

Thiampite 5:10

Tua zawkciang a niina vacim taw ngeina om bangin meihal biakpiakna pia tu hi. Hi bangin thiampipa in tua pa mawmai natu sangaw biakpiakna vawtsak tu a, tua pa mawna kimaisak tu hi.

Thiampite 5:6

mawna daan tu in Topa tungah tuu anu khat ahibuale keal anu khat pia tu hi. Tua pa mawmai natu in thiampipa in sangaw biakpiakna neisak tu hi.

Mi Simna 15:25

Thiampipa in taangpite atu in a zeksa thiansuana vawt tu a, amate khialna kimaisak tu hi, banghang ziam cile vawt thaak khialna hi a, amate in Topa tungah an taw biakpiakna khat bangin mawphel biakpiakna hong paipui hi.

Matthew 3:17

Tuaciang van panin aw khat in, “Hisia in ka it ka Tapa hi a, ama tungah ka lungkim hi,” ci hi.

Ephesus te 5:2

Christ in hong it a, Pathian diksak ngimnamtui biakpiakna le sangaw biakpiakna bangin, a nuntakna hong piak bangma, itna in na nuntakna uh uksak vun.

Hebrew te 1:3

Ama in Pathian' minthanna ii vaangtaang hong lengsak a, ama sia Pathian ii hina zia bang tatak ma hi in, vaannuai bup ama ii a vaang nei a kammal taw khosak hi. Mihingte ii mawnate atu in mawmaitsakna a nga sak zawkciangin Vaanglianpipa Pathian ii ziatsang vantung ah to hi.

Hebrew te 10:12

Ahihang Christ in mawnate atu in, sangaw biakpiakna khat pia a, tua biakpiakna sia a tawntung atu in, kikhomsuan hi, tua zawkciangin, ama sia Pathian ii ziatsang ah to hi.

Hebrew te 10:14

Tua ahiciang ama in khatvei a kipumpiakna taw mawna pan a kithiansuate, a tawntung atu in a cialcing suaksak hi.

Hebrew te 9:12

Christ in Thiangthobel Mun ah khatvei lian a tum zawkciang, ama in, kealte le khuitalte ii chi sia biakpiakna tu in a keng bua hi. Ama chisan piazaw in, ei atu in tawntung ngupna hong ngasak hi.

1 John 1:7

Ahihang eite khuavak sungah ih nungta le — ama sia khuavak sungah om ahi bangma in — eite khat le khat a kipawl theite ih hi a, tuasia ciangin a Tapa Jesus ii chisan in ih mawna theampo pan hong thiansua hi.

Thupualaakna 5:9

Amate in la thak sa uh a: “Nangma in laizial la tu le tepteena hong tu in na kilawm hi. Banghang ziam cile nangma hong kithatlum zo a, na kipumpiak thina taw, Pathian atu in, bee le phung sim, kam namcin sim, ngam sim le minam sim panin, mihingte na lei zo hi.