Thiampite 4:3 - Syin Chin Bible

³ A maw a khial sia Thiampi Lianbelpa hi a, mipite tungah mawna khialna hong then ahile, ama mawna khialna hangin a mealhem ngawl khuital no khat Topa tungah sangaw biakpiakna in pia tu hi.

Thiampite 4:3 Iomraidhean Croise

2 Khangtaanghthu 29:21

Amate in kumpi bangkua le Judah mite mawphel biakpiak natu le Biakinnpi thiansua natu in khuital sali, tuu sali, tuuno sali le keal sali paipui uh hi. Kumpipa in tua ngannote biaknatau tungah sangaw biakpiakna in piak tu in Aaron suan le paal thiampite sawl hi.

Ezra 8:35

Saltanna pan hong cia kikte theampo in Israel te ii Pathian tungah sangaw biakpiakna a hal tu in biakpiaknate hong paipui uh hi. Amate in Israel mite theampo atu in khuital 12, tuutal 96, le tuuno 77 pia in mawna pan amate le amate a kithiansua natu in keal 12 zongh pia uh hi. Hi ngannote theampo Topa tungah sangaw biakpiakna in hal uh hi.

Pusuana 29:14

Ahizong khuital satak, a vun le a sungkua theampo ngiaphual pua sangah hal in. Tua in thiampite mawna teng phelsak natu biakpiakna ahi hi.

Pusuana 29:21

Biaknatau tungah a om chi tawm le noi sathau tawm la in Aaron le a puante tung, a tapate le a puante tungah the in. Aaron, a tapate le amate ii puante kei tungah hong ki aap tu hi.

Pusuana 29:7

Tuaciang noi sathau la in, a lu tungah buakin, noai in.

Pusuana 30:10

Mawphelna in a kipia nganhing chi, tua biaknatau dok lite tung a noina taw Aaron in kum khatin khatvei a zeksa biaknatau thiansuana vawt tu hi. Hi biakpiakna sia hong pai tu hun theampo kum simin kivawt tu hi. Keima Topa tungah hong ki aap hi biaknatau sia thiangtho sitset tu hi,” ci hi.

Ezekiel 40:39

Hi sungtanna inndoi sungah sabuai li om a, a lang le lang ah ni veve kikoi hi. Hi sabuaite tungah amate in sangaw biakpiakna in a nei nganhingte, a pum bupin kihal tu ahizong mawna le khialna hang a biakna ah piak tu nganhingte ahizong ngo uh hi.

Ezekiel 43:19

Zadok suan le paal ahi Levi minam thiampite bek in keima ompuina ah hong pai in ka na seam tu uh hi. Keima, Vaanglianpipa Topa in hi thu kong pia hi. Amate tungah mawphel sangaw biakpiak natu in, khuital moi khat na pia tu hi.

Ezekiel 44:27

tuaciang Biakinnpi suum sungnung ah pai in, a kithiansua natu in sangaw biakpiakna pia tu hi, tua hile ama in Biakinnpi sungah na seam kik thei tu hi. Keima, Vaanglianpipa Topa ka pau zo hi.

Thiampite 1:10

Mihing khat in a tuu ahibuale a kealte sung pan khat taw biakpiakna a nei le, a mealhem ngawl a tal khat hi tu hi.

Thiampite 1:3

A khuihonte sung pan khat taw meihal biakpiakna a pia ahile, a mealhem ngawl khuital khat hi tu hi. Topa ii a saan natu in Topa ompuina Puanbuk kongbiang ah pia tu hi.

Thiampite 16:11

Aaron in ama le a innkuanpuite atu mawphel biakpiakna in khuital a piak ciang,

Thiampite 16:3

Ama mawphel biakpiakna in khuitalno khat le meihal biakpiakna in tuutal khat a paipui zawkciang bek in Thiangtho Bel Mun ah tum thei tu hi,” ci hi.

Thiampite 16:5

Israel taangpite in mawphel biakpiak natu in kealtal nii le meihal biakpiak natu in tuutal khat Aaron tungah pia tu hi.

Thiampite 16:6

Aaron in ama mawna le a innkuanpuite mawna a mai natu in khuital khat sangaw biakpiakna in pia tu hi.

Thiampite 4:14

a maw a khial a kiheak po ciang taangpi taangta in khuital khat taw mawphel biakpiakna nei tu hi. Amate in Topa ompuina Puanbuk ah paipui tu a,

Thiampite 4:23

a mawna a heak po ciang, a mealhem ngawl kealtal khat taw biakpiakna nei tu hi.

Thiampite 4:28

a mawna a heak po ciang a mealhem ngawl kealnu khat taw biakpiakna nei tu hi.

Thiampite 4:5

Tuaciang Thiampi Lianbelpa in khuital chi pawlkhat la in, Puanbuk sungah tumpui tu hi.

Thiampite 5:6

mawna daan tu in Topa tungah tuu anu khat ahibuale keal anu khat pia tu hi. Tua pa mawmai natu in thiampipa in sangaw biakpiakna neisak tu hi.

Thiampite 6:18

Maisang hun theampo atu in Aaron suan le paal peuma in Topa tungah a kipia ante amate nga bangin ne tan thei tu uh hi. Midang khat pawpo tua biakpiakna an a thutha sia, a thianthona vaang in ngim ngasak tu hi.

Thiampite 8:12

Moses in Aaron lu tung sathau buakna taw Aaron sia thiampi a hina kipsak hi.

Thiampite 9:2

Ama in Aaron tungah, “A mealhem ngawl khuital khat le tuutal khat paipui in, Topa tungah pia in a, mawphel biakpiak natu in khuital le meihal biakpiak natu in tuutal hi tu hi.

Thiampite 9:3

Tua zawkciang Israel mite tungah mawphel biakpiak natu in kealtal khat, meihal biakpiak natu in a mealhem ngawl kum khat a pha khuino khat le kum khat a pha tuuno khat,

Mi Simna 16:22

Ahizong Moses le Aaron lei ah kunsuk a, “Aw, Pathian awng, nuntakna theampo ii naak na hi hi. Mihing khat a maw a khial ciang taangpi bup tungah thin uuk ni ziam?” ci uh hi.

Mi Simna 8:8

Tua zawkciang amate in khuital moi khat le antang biakpiak natu a, a kisamh olive thau taw kihel anvuite kengsak in a; nangma in mawphel biakpiak natu in a dang khuital khat na keng tu hi.

Romete 8:3

Mihing thaneamna hu a Thukham ii vawt zawk ngawlte Pathian in vawt zo hi. Ama in mihing pianzia sungah mawna a bo cimitsak natu in mihingte mawna pianzia teng ma hong keng a, ama Tapa sia mawna kitat natu in hong pia hi.

2 Corinth te 5:21

Ama taw ih kipumkhatna hangin Pathian bang a, thumaan thutang ih sua thei natu in, mawnei ngawl Christ sia Pathian in eite taangin mawnei suaksak hi.

Hebrew te 5:3

Ama mama thaneam ahikom, a mihingte mawna atu bek hi ngawlin ama mawnate atu zongh sangaw biakpiakna a sep kul hi.

Hebrew te 9:12

Christ in Thiangthobel Mun ah khatvei lian a tum zawkciang, ama in, kealte le khuitalte ii chi sia biakpiakna tu in a keng bua hi. Ama chisan piazaw in, ei atu in tawntung ngupna hong ngasak hi.