Thiampite 4:13 - Syin Chin Bible

¹³ Tupkhol ngawlin Israel taangpi bup in Topa thupiakte khat paltan in a maw a khial in ahile,

Thiampite 4:13 Iomraidhean Croise

Ezra 10:19

Amate in a zite khul tu in kamciam pia a, a mawnate hangin tuutal khat taw sangaw biakpiakna nei uh hi.

Psalm Late 19:13

Vawtluih mawnate panin hong keamcing si ta'n a; tuate in kei hong uksak heak in. Tua hile ka cialcing tu a, mawna ii siatna khaatna pan ka suakta tu hi.

Ezekiel 45:22

Poai ii ni masabel ni in ngamukpa in khuital khat sia ama mawna khialnate le a mite theampo ii mawna khialnate atu in mawphel biakpiakna in pia tu hi.

Hosea 5:15

“Keima in a mawna a khialna hu in a thuak tu za in a thuak dong le kei hong zon kik mateng ka mite ka nusia tu hi. Ngimna a thuak ciang amate in kei hong zon tu hanciam tha tu uh hi,” ci hi.

Thiampite 16:5

Israel taangpite in mawphel biakpiak natu in kealtal nii le meihal biakpiak natu in tuutal khat Aaron tungah pia tu hi.

Thiampite 4:21

Tua zawkciang ama in tua khuital ngiaphual pua sangah paipui in, ama mawmai natu biakpiakna khuital a hal bangin hal tu hi. Hisia in taangpite mawna maisak natu biakpiakna khat ahi hi.

Thiampite 5:17

Mihing khat pawpo in tup khol ngawlin Topa thupiakte a paltan le, ama a khial hi a, a khialna daan thuak tu hi.

Thiampite 6:4

Hi bang khat pawpo taw mihing khat in a maw a khial ciang thumaan ngawlin a nga vanh pawpo pia kik hamtang tu hi. A khialna a kimu ni in, a neipa tungah a cingin pia kik tu a, zakhat ciang kul taw belap tu hi.

Mi Simna 15:22

Ahihang Topa in Moses tungah a piak zui tu ngeina pawlkhat sia, mihing khat po in a zui ngawl thaak ciang ahizong,

1 Corinth te 11:27

Hi thu taw kipee in khat po in, ama zatak ngawlna taw Topa ii anluum ne a, hai a dawn le, tua mi in Topa ii pumpi tung le a chi tungah a maw ahi hi.

1 Timothy 1:13

ahihang hun bosa sungah ama ngensia in, vawtsia in lang zazaan ngei hi kaleng, upna ka nei ma, heakna nei ngawlin ngamta ka hikom Pathian in kei hong hesuak hi.

Joshua 7:11

Israel te in mawna vawt zo hi! Amate ii let tu in ka thupiak, kei taw thukimna sia len ngawlin paltan zo hi. Suksiat tu in a kiningkhiin na pawlkhat amate in la zo hi. Amate in ngu a, tuate huvau iim in amate ii vanh taw koi khawm hi.