Thiampite 4:12 - Syin Chin Bible

¹² ngiaphual puasang ah paipui in vut buakna, biakna a zeksa taw kisai a thiangthona munah thingthut in hal tu hi.

Thiampite 4:12 Iomraidhean Croise

Pusuana 29:14

Ahizong khuital satak, a vun le a sungkua theampo ngiaphual pua sangah hal in. Tua in thiampite mawna teng phelsak natu biakpiakna ahi hi.

Ezekiel 43:21

Mawphel biakpiakna in a kipia khuital sia nang in na la tu a, biakinn mun ii a puasang, a kiciangtan sa munah na hal tu hi.

Thiampite 13:46

Tua natna a vei hun sung a thiang ngawl hi a, midangte taw a kikhualana ngiaphual pua sangah teang tu hi.

Thiampite 16:27

Mawphel biakpiak natu in a kizangh khuital le keal ii chi, mawmai natu in Thiangtho Bel Munah a kipaipui sia ngiaphual pua sangah paipui in kihal tu hi. A vun, a sa le a ngilzangte theampo kihal tu hi.

Thiampite 4:21

Tua zawkciang ama in tua khuital ngiaphual pua sangah paipui in, ama mawmai natu biakpiakna khuital a hal bangin hal tu hi. Hisia in taangpite mawna maisak natu biakpiakna khat ahi hi.

Thiampite 6:23

Thiampipa ii a piak antang biakpiaknate tawm zongh kine thei ngawl hi; tua teng a kihal siat kul tu hi.

Thiampite 6:30

Ahizong Puanbuk sungah sachi kipaipui in, mawmai natu in a zeksa vawtna ah a kizangh le tua sa kine ngawl het tu a; tuasia a kihal kul tu hi.

Thiampite 6:4

Hi bang khat pawpo taw mihing khat in a maw a khial ciang thumaan ngawlin a nga vanh pawpo pia kik hamtang tu hi. A khialna a kimu ni in, a neipa tungah a cingin pia kik tu a, zakhat ciang kul taw belap tu hi.

Thiampite 8:17

Ama in a taanglai khuital sa teng, a vun, a tak le a ngilpi a ngilzangte la in Topa thupiak bangin ngiaphual pua sangah hal hi.

Thiampite 9:11

Ahizong ama in a satak le a vun sia ngiaphual pua sangah hal hi.

Mi Simna 15:35

Tuasia ciang Topa in Moses tungah, “Hi sia pa thisak kul tu hi; ama ngiaphual pua sangah taangpi bup in suang taw deanglum tu hi,” ci hi.

Mi Simna 19:3

thiampi Eleazar tungah pia hen. Tua khui ngiaphual pua sangah kipusua pui in, ama omna ah kingo tu hi.

Mi Simna 19:5

Tua nganhing buppi, a vun a kipan, a sa, a chi le a ngilzang te thiampipa omna ah kihal tu hi.

Mi Simna 5:3

Amate sungah ka teenna hi ngiaphual, a nitsak ngawl natu in biakna taw kisai a thiang ngawl hi mihingte theampo hawlkhia in,” ci hi.

Hebrew te 13:11

Jew te ii Thiampi Lianbelpa in ngannote ii chi sia Thiangthobel Mun ah mawphel biakpiak natu in tumpui hi; ahihang ngannote ii pum sia ngiaphual puasia ah hal hi.