Thiampite 3:3 - Syin Chin Bible

³ a nuai a sa teng Topa tungah an taw biakpiakna in pia tu hi: a sungthau theampo,

Thiampite 3:3 Iomraidhean Croise

Psalm Late 119:70

Hi mihingte in tel theina bangma nei ngawl hi, ahihang kei in na thukham sungah nuam ka sa hi.

Pusuana 29:13

Tua zawkciang a sungthau theampo, a thin sa phabel na mun le, a nauta te nii le nauta a tuam a thaute la in, keima biakna in biaknatau tungah hal in.

Pusuana 29:22

“Tuutal thau, a meici thau, a sungthau, a thinsa phabelna, a thau, a nautate nii le nauta a tuam a thau, a ziatsang phei hoaikeak in.

Paunakte 23:26

Tapa awng, hong nadon ta'n a, ka nuntakna sia nangma ettee tu hisak in.

Isaiah 6:10

Tuaciang ama in keima tungah, “Hi mihingte lungmusakin, a na ngongsak in a, a mittawsak in, tua hile amate khuamu thei ngawl, khua za thei ngawl, tel thei ngawl tu hi. Tuabang hile ka kung hong zuan thei in, a ci ka damsak tu hi,” hong ci hi.

Ezekiel 36:26

Lungtang thak le thin thak kong pia tu hi. A thinpui na suang lungtang kong laaksak tu a, thu a ni lungtang kong pia tu hi.

Ezekiel 44:15

Vaanglianpipa Topa in, “Tua Levi minam Zadok ii suan le paal thiampite ahile Israel midangte ii kei hong taisat zawkciang, Biakinnpi sungah thumaan takin ka na seam suak uh hi. Tua ahiciang tu in amate sia ka na seam a, ka omna ah hong pai in sangaw biakpiakna a thau le a chi taw biakpiakna hong nei tute ahi uh hi.

Thiampite 1:12

A sa a sem zawkciang thiampipa in a sa teng mei tungah koi tu a, a lu le a thau zongh kihel tu hi.

Thiampite 1:8

Amate in a kisemsa sabak teng, a lu le a thau taw mei tungah koi tu hi.

Thiampite 16:25

Ama in mawphel biakpiak natu in nganthau sia biaknatau tungah hal tu hi.

Thiampite 3:16

Topa a lungkimsak an taw biakpiakna ahi bangma, thiampipa in biaknatau tungah hal siat tu hi. A thau teng Topa neisa ahi hi.

Thiampite 3:2

Ama in tua nganhing lu tungah a khut nga tu a, Topa ompuina Puanbuk kongbiang ah ngo tu hi. Aaron suan thiampite in biaknatau pangh li ah a chi the tu a,

Thiampite 3:4

a nautate le a nauta tuam a thau teng le a thinsa phabel teng pia tu hi.

Thiampite 4:10

Thiampipa in tua a thau teng la tu a, kipawlkhop biakpiakna in a kingo nganhingte tung pan a thaute a hal bangin meihal biakpiak natu in a kizangh biaknatau tungah hal tu hi.

Thiampite 7:30

tua letsong sia an taw biakpiakna bangin ama khut vateak taw paipui tu hi. Ama in nganhing thau sia a awmsa taw paipui tu a, Topa tungah a tuam vilvel letsong in pia tu hi.

Thiampite 7:5

Topa tungah an taw biakpiakna bangin thiampipa in a thau theampo biaknatau tungah hal tu hi. Tua in khialphel biakpiakna khat ahi hi.

Thiampite 9:10

Tua zawkciang Moses tungah Topa thupiak bangin Aaron in a thau, a nautate le a thinsa a phabel teng biaknatau tungah hal hi.

Matthew 13:16

“Note na hi uh le bangza in hampha nu ziam! Na mittangte khuamu uh a, na bilte in khuaza uh hi.

Matthew 15:8

‘Hi mite in a kammal uh taw kei zatakna hong pia hi; ahihang a thinsung sia kei taw kikhuala hi,’ Pathian in ci hi.

Romete 5:5

Hi lametna in hong thinkiamsak bua hi, banghang ziam cile Pathian hong piakthong letsong ahi Thaa Thiangtho zangh in ih thin sungah ama ii itna hong buak hi.

Romete 6:6

Tuaciangin hi thu ih he hi, ih nuntakna a lui sia thinglamtee tungah Christ taw ih thisak zo a, mawna silate ih hi nawn ngawl natu, mawna vaangletna a kilalcipsak natu in ih nuntakna lui sia Christ taw ama thinglamtee tungah kithisak zo ci in ih he hi.

Thuhil kikna 30:6

Na thin theampo taw ama na it natu uh le tua ngam ah na teen suak thei natu uh in Topa na Pathian in note le na suan na paalte tungah thu nit nopna thin hong pia tu hi.

1 Samuel 2:15

Tua banah ngan thau hoai in a kihal ma in, thiampipa ii naseampa hong pai a, sangaw biakpiakna a pia pa munah, “Sa pawlkhat thiampipa em tu hong pia ta'n; ama in na sa huansa hong saang ngawl tu hi, sasial bek dei hi,” ci hi.