Thiampite 26:6 - Syin Chin Bible

⁶ “Na ngam sungah kilemna kong pia tu a, kuama kiita ngawlin na mu thei tu uh hi. Na ngamsung pan ngamsa ngilote ka hawlkeak tu a, tua munah ngal le sa om ngawl tu hi.

Thiampite 26:6 Iomraidhean Croise

2 Kumpite 2:24

Elisha hong kingeilee in, amate salh a, Topa min taw haamsiat hi. Tua zawkciang vompui nii duisung pan hong pai in, patangte sung pan 42 laaitham uh hi.

1 Khangtaanghthu 22:9

Ahitazong ama in kamciam khat hong pia hi. Ama in, ‘Tapa khat na nei tu a tua na tapa in kilemna taw ngam uk tu hi, banghang ziam cile a ngalte theampo taw ngal kilemna ama ka pia tu hi. Ama min sia Solomon hi tu hi, banghang ziam cile ama kumpi maan hun sung tengin Israel ngam sungah kilemna le ngammuanna ka pia tu hi.

2 Khangtaanghthu 20:30

Tuabangin Pathian in a kiim a paam pan ngammuangsak ahikom Jehoshaphat in dai takin ngam uk hi.

Job 11:19

Na ngalte na kiita buatu hi; mihing tam mama in huna hong ngen tu hi.

Job 5:23

Na lo thawna munah suang om ngawl tu hi; ngamsate in nang hong sim ngeingawl tu hi.

Psalm Late 144:14

Ka khuite uh zongh a no tol, a sumsi om ngawlin ta tam mama nei tahen. Khua sung ih lampite ah ngim nga kikona aw nging heak hen.

Psalm Late 147:14

Na ngamngi uhte bitsak a, zungtaang phabelte taw hong lungkimsak hi.

Psalm Late 29:11

Topa in a mite thahatna pia a, kilemna thupha zongh pia hi.

Psalm Late 3:5

Lum in ka mu a, zankhuateakin Topa in hong dal hi.

Psalm Late 4:8

Ka lupsuk ciangin thinnuam in ka mu hi, Aw Topa awng, nangma bek in bit takin nong keamcing hi.

Psalm Late 85:8

Topa Pathian paunate ka ngai nginge hi; ih mawmawtziate zui kik bua po leang ama in ei a mite tungah kilemna hong kamciam hi.

Pusuana 23:29

Kum khat sungin amate ka notkeak siat buatu hi; notkeak siat thong leng tua ngam sia ngamtongta suak tu a, note atu in ngamsate tam leih tu hi.

Paunakte 3:24

Lupna na zot ciang zong na lau buatu a, zankhuateakin mut citakin na mu tu hi.

Paunakte 6:22

Amate hong hilnate in khual na haw ciangin hong hu tu hi, zanin hong hung tu hi, tuaciang sunin ngaisutna pha hong pia tu hi.

Isaiah 35:8

Tua munah, “Thianthona ii lampi” a kici lampi lian khat om tu hi. Mawneite kuama in tua lampi tawn nawn ngawl tu hi; tua lampi a tawnte sia a mawmawte zongh lam pial ngawl tu hi.

Isaiah 35:9

Tua munah tawpite om ngawl tu a, a kiitakhuai nganhingte in tua lampi kaantan ngawl tu hi. Topa ii suatak sa mihingte in tua lampi tawnin a inn uh ah cia tu uh hi.

Isaiah 45:7

Keima in khuavak le khuazing ka bitphua khawm hi; thupha le tuasiatna ka puak khawm hi. Topa ahi, keima in hite theampo ka vawt hi.

Isaiah 9:7

Ama ii kumpi vaangletna sia kizomin khang tawto tu a; ama ii kumpi ngam sungah kilemna a tawntungin om tu hi. Ama in David kumpipa ii za lai tu a, ama ii vaangletna in a maan le thukhaikim bulphu in tu pan kipan hun bo dongin uk tu hi. Vaanglianbelpa Topa in hite theampo khensatin seam tu hi.

Jeremiah 30:10

“Ka mite awng, lau heak vun; Israel mite awng, patau heak vun. Na thongtaakna a khualana ngam panin kong suatak tu hi. Inn ah nong cia kik tu uh a, thinnuam takin na teang tu uh hi; na ngammuang tu uh a, kuama in no hong lausak ngawl tu hi.

Jeremiah 31:26

Tuasia ciang mihingte in, ‘Lum in ka mu a, thathak taw ka khanlaw nuam hi,’ ci tu uh hi.

Ezekiel 14:15

“Tua ahibuale mihing te a that tu in ngamsa te ka paisak tu a, kuama ngam sungah khualhaw in a kaantan ngam ngawl dongin ka lauhuaisak mama tu hi,

Ezekiel 14:17

“Tua ahibuale, tua ngam ah ngal ka thengsak thei tu a, tuaciang mihingte le ngannote a kibangin ka maaimot natu in a susia thei ngalhiamte ka puak tu hi.

Ezekiel 14:21

Hi sia Vaanglianpipa Topa ii pauna ahi hi: ‘Jerusalem tungah a siabel daan nam li tungsak tu khi hi — ngal, kialpi, ngamsa ngilote le natna te — in mihingte le ngannote a kibangin susia tu uh hi.

Ezekiel 34:25

Amate thin muang hiithiat in a om natu in amate taw thuciamna khat ka vawt tu hi. Nganhing a kiitakhuaite theampo a ngamsung pan ka heam tu hi, tuasia in ka tuute ngammuang takin lote sungah nungta in, taam sungah a mut thei natu uh ahi hi.

Ezekiel 34:27

Thingkungte a nga nga tu a, lote pan an piangin, mihing theampo thinmuang takin a leitang tung tek ah a teang tu uh hi. Ka mite ii thikkol sutan in, a sila kaaina pan ka suut ciang Topa ka hi hunlam amate in he tu uh hi.

Ezekiel 5:17

Na tate thatlum tu in ngilkialna le ngamsa ngilote kong puak tu a, tuaciangin nangma thatlum tu in natna, ngoltolna le ngalte kong puak tu hi, Keima, Topa in ka son zo hi,” hong ci hi.

Hosea 2:18

Tua hun ciang ka mite a liamsua ngawl natu in ngamsate le vacimte taw thuciamna ka vawt tu hi. Ngalhiam theampo ahi, namsaute le thalte zongh ngamsung panin ka sot siat tu a, ka mite sia a kilem a ngammuangin ka teangsak tu hi.

Hosea 2:20

Ka kamciamte ka len tu a. keima aa kong hisak tu hi. tuaciang keima Topa in nong saang tu hi.

Thiampite 25:18

Hi ngam sungah ngammuang tak na nuntak thei natu in Topa thukhamte le thupiakte theampo zui in.

Thiampite 25:19

Leitang pan an hong piang tu a, na du theampo nei in, ngammuang takin na nungta tu uh hi.

Thiampite 26:22

Note sungah a kiitakhuai ngamsate kong puak tu a, na tate, na ngannote hong thalupsakin, note tawm bek taanglai in na lampite uh kinusia tu hi.

Thiampite 26:25

Ih thuciamna na palsat manin daan hong pia tu in no tungah ngalpi kong thengsak tu hi. Na ngammuan natu in khuapi sung na zuan zonghin a dam maw natnate kong tungsak tu a, na ngalte na lel hamtang uh kul tu hi.

Thiampite 26:7

Na ngalte na zo tu uh hi;

Micah 4:4

A neisa sapithuante le a theikungte sungah mi theampo kilemin teang tu hi, tuaciang kuama in ama lausak ngawl tu hi. Topa Vaanglianbelpa in hi kamciam pia zo hi.

Zephaniah 3:13

A taanglai Israel mite in kuama tungah khial ngawl tu a, leilot thu son ngawlin ngual a theam buatu uh hi. Amate ma vang daupai in ngammuang tu a, kuama a kiita buatu uh hi,” ci hi.

Haggai 2:9

Biakinnpi thak in a lui sia sangin nasia zaw tu hi, tuaciang tualai ah ka mite maa vanna le kilemna ka pia tu hi,” cisak hi. Vaanglianbelpa Topa in son zo hi.

Zechariah 9:10

Topa in, “Ngal siphu leangte Israel pan ka heam tu a, Jerusalem pan siphute ka la tu hi; Ngal kisimna sung a kizangh thalte ka lalsak tu hi. Na kumpipa in minam tuatuamte sungah kilemna omsak tu hi; ama in tuipi khat pan tuipi khat dong, Euphrates ngun pan leitung mong dong uk tu hi,” ci hi.

John 14:27

“Thinnopna kong nusiat hi; keima aituam neisa thinnopna kong pia hi. Leitung ii piak bangin kong pia bua hi. Thinngim in thinkiam heak vun; lau heak vun.

Sawltakte 12:6

Mipite mai ah Herod in Peter thusit tu ni ma zanin Peter sia thongcingte nii ii kilaklaw ah mutthip hi. Ama sia thikkhau nii taw kikhii a, a thong kongkha ah thongcingte in cing hi.

Romete 5:1

Tu in eite upna tungtawnin Pathian in thutang hong suaksak a, ih Topa Jesus Christ tungtawnin, Pathian taw kilemna ih nei hi.