Thiampite 26:5 - Syin Chin Bible

⁵ Na lo ante tam mama tu a, sapitngate law hun dongin lo ante na la lai tu a, thaicii tuu kik hun dongin sapitnga na lo lai tu uh hi. Na du theampo na nei tu a, na ngam sungah ngammuang takin na teang thei tu uh hi.

Thiampite 26:5 Iomraidhean Croise

Psalm Late 144:13

Ka ansaal uhte an namcin taw kidim tahen a, ka lo sungah tuute in a tul a then in pung tahen.

Psalm Late 90:1

Topa awng, nangma in a tawntungin kote inn na hi hi.

Pusuana 16:8

Tua zawkciang Moses in, “Noma phutsatna teng ama in hong za zo ahikom, nitakin na neak tu uh sa le zingsangin anluum na deiza po hong pia tu sia Topa ahi hi. Ko nong phutsat uh ciang Topa a phunsan hi nginge nu hi,” ci hi.

Paunakte 1:33

Ahihang a kuama po kei thu hong ngaite in ngammuanna nei tu hi. Ama sia thinmuang in om tu a, a launa tu bangma thu a om buatu hi.”

Paunakte 18:10

Topa sia, tausaang kho taw kibang a, thutangte in zuanin ngammuanna nga thei hi.

Isaiah 1:19

Keima thu bek nong ni uh le lei pan a piang a pha nate na ne tu uh hi.

Isaiah 30:23

Anciite na poai po uh ciang po a, khang a an tam na laak natu in Topa in nguazusak tu hi, tuaciang na ngante in a tat natu mun zai nei tu uh hi.

Jeremiah 23:6

Ama kumpi a sua ciang, Judah mite ngam muang tu a, Israel mite kilemna taw thinnuamin om tu uh hi. Ama sia ‘Topa, Eite Ngupna’ “Jehovah Tsidkenu” kici tu hi.

Hosea 2:18

Tua hun ciang ka mite a liamsua ngawl natu in ngamsate le vacimte taw thuciamna ka vawt tu hi. Ngalhiam theampo ahi, namsaute le thalte zongh ngamsung panin ka sot siat tu a, ka mite sia a kilem a ngammuangin ka teangsak tu hi.

Hosea 2:20

Ka kamciamte ka len tu a. keima aa kong hisak tu hi. tuaciang keima Topa in nong saang tu hi.

Joel 2:19

Ama in amate tungah hi bang in zo hi: “Tu in an, sapittui le olive thau kong pia tu a, na lung uh kim tu hi. Minam dangte in no hong zawngsak nawn ngawl tu hi.

Joel 2:22

Nganhingte awng lau heak vun, Ngan thana munte hing a; thingkungte a nga nga in, thei le sapitngate tam mama om hi.

Joel 2:26

Tu in neak tu tam mama nei in, na lung uh kim tu hi. Na lamdangte no atu hong sepsak Topa na Pathian na pok tu uh hi. Ka mite kizawnsak vawt kik ngei nawn ngawl tu hi.

Amos 9:13

Topa in, “Lo ante kila man ngawl liangin a khan tu hun, sapitngate sapittui in kivawt man ngawl liangin a khan tu hun le a tun tu nite hong theng tu hi. Mualpite tung pan sapittui thum taak vakeu tu a, mualnote ah sapittui luang tu hi.

Matthew 23:37

“Jerusalem, Jerusalem awng! Nang in kamsaangte na thatlum a, Pathian kamtaite suangtum taw na hua hi. Akpui in aknote a thakhui nuai ah a uap bangin, bang tanvei na mihingte angvan nuam khi ziam? ahihang na oai bua hi!

Sawltakte 14:17

Ahihang, ama ii na pha a vawtte taw ama a om hunlam sia kitelthiangsak tawntung hi: Ama in note vantung pan nguatui hong pia a, lo ante a hun maanin hong pia hi. Ama in an hong pia a, na thinsung uh lungdamna taw, hong kidimsak hi,” ci in au hi.

Thuhil kikna 11:15

le na ngannote atu in lopa om tu hi. Na du an pawpo na nei tu uh hi.

1 Timothy 6:17

Hi nuntakna sungah a kizangh nate hauna taw a kiphatsak ngawl natu, tuabang a kho ngawl haunate tungah lametna koi ngawlin, ih nopsak natu a, na theampo ngo takin hong pia Pathian tungah lametna koi vun ci in a haute tungah na hil in.

1 Peter 1:5

Tua teng sia noma atu ahi hi, hun tawpkhak ni ciang a kilaak khia tu a kinging sa in a om, ngupna sia upna tungtawnin a nga note atu in, Pathian vaang taw tuate hong kepcingsak hi.