Thiampite 26:44 - Syin Chin Bible

⁴⁴ Tuabang ahitazong a ngalte ngam sungah a om hun sung zonghin ka nusia bup buatu a, ka mon buatu hi. Tuabangin vawt leng amate taw ka thuciamna bo tu hi, keima in Topa, amate ii Pathian ka hi hi.

Thiampite 26:44 Iomraidhean Croise

Pianciilna 17:7

“Ka kamciam ka kipsak tu a, nangma le na suan na paal khangkikte tungah, tawntung thuciamna hi tu hi. Keima in na Pathian ka hi tu a, na suan na paalte ii Pathian ka hi tu hi.

2 Kumpite 13:23

ahizong Topa in amate tungah thuthiamin hesuak hi. Amate a kimaimot mang tu oai ngawlin, hu zaw hi, banghang ziam cile Abraham, Isaac le Jacob te tungah thuciamna a vawt hang ahi hi. Ama in a mite mangil ngeingawl hi.

Nehemiah 9:17

Na thu ni nuam ngawl a; na nasep sate theampo amate in mangil uh hi, na vawtsa nalamdang laknate mangil uh hi. Saltanna Egypt ah a heakpui kik tu in, kiphatsakna taw amate in lampui khat teal uh hi. Ahizong nangma in maw maisak Pathian na hi a; thuthiamna le itna nei in na thin uai hi. Na hesuakna lian a; amate na nusia bua hi.

Nehemiah 9:31

Ahitazong na hesuakna lian ahikom amate na nusia bup bua a, na lalsak bua hi. Nang sia hesuakna le thuthiamna a nei Pathian na hi hi!

Psalm Late 103:13

Pa khat in a tate tungah dik ahi bangma Topa sia ama a zaktate tungah dik hi.

Psalm Late 89:33

Ahihang David ka itna ka bosak buatu a, ama tungah ka kamciam ka peal buatu hi.

Psalm Late 94:14

Topa in a mite nusia ngawl tu hi; ama ii neisa mihingte taisan ngawl tu hi.

Jeremiah 14:21

Nong kamciamnate phawk in a, kote hong ngaimaw heak in; na minthanna tokhum omna mun Jerusalem mindaisak heak in. Ko taw na vawt thuciamna sia paltan heak in.

Jeremiah 24:5

“Keima, Topa Israel mite ii Pathian in Babylon ah a kipaipui mihingte sia hi theinga phate taw kibang a, ka phat vawt tu hi.

Jeremiah 30:11

Note kungah kong pai tu a kong ngum tu hi. Kong thethaangna ngammite theampo ka susia tu a, ahihang no kong susia buatu hi. Daan thuak ngawlin no kong omsak buatu hi; ahihang daan kong piak ciang, a kilawm in kong pia tu hi. Keima, Topa in ka son zo hi,” ci hi.

Jeremiah 31:20

“Israel awng, nang sia ka thangaibel ka tapa na hi a, ka itbel ka ta na hi hi. Na min ka law simin itna taw kong phawk hi. Nangma kong ngaisun tawntung a; kong hesuak tu hi.

Jeremiah 33:26

Hi nate ka vawt takpi bangma in, Jacob ii suan le paalte le ka naseam David taw ka vawt thuciamna sia ka len nginge tu hi. Abraham, Isaac le Jacob ii suan le paalte a uk tu in David ii suan le paalte khat ka teal tu hi. Ka mite ka hesuak tu a, ka nuamsasak kik tu hi,” hong ci hi.

Ezekiel 16:60

Ahihang na khanmoi lai in kong thuciamna ka kholet a, tuaciang a tawntung a kip tu thuciamna khat nang taw ka vawt tu hi.

Thiampite 26:11

A thiangtho ka Puanbuk sungah note taw ka teang tu a, note kong nungngat ngei buatu hi.

Romete 11:2

A kipat pan a tealsa ahi a minamte Pathian in nial ngawl hi, Pathian tungah Israel te sia Elijah in mawsak a, tua Laithiangtho kammalte na heak uh ahi hi:

Romete 11:26

Tuaciang hi thu in Israel mite theampo a kihut tu zia hi tu hi. Laithiangtho in: “Hunpa Zion panin hong pai tu a, Jacob suante tung panin ngitlona theampo heam tu hi.

Thukhente 2:1

Topa ii vantunglalang sia Gilgal pan Bochim ah pai a, Israel te munah, “Egypt ngam panin no kong lakhia a, na taanghpupite tungah ka kamciamsa leitang tungah kong then hi. ‘Nang taw ka thuciamna ka peal ngei buatu hi.