Thiampite 26:42 - Syin Chin Bible

⁴² Jacob, Isaac, le Abraham taw ka thuciamna ka phawk kik tu a, ka mite Canaan ngam piak tu in ka kamciamna ka thaksua kik tu hi.

Thiampite 26:42 Iomraidhean Croise

Pianciilna 15:18

Tuasia ciang tua munah Topa in Abram taw thuciamna khat vawt hi. Ama in, “Na suan na paalte tungah Egypt ngamngi pan Euphrates ngun dong,

Pianciilna 26:2

Isaac kungah Topa kilangh a, “Egypt ah pai heak in; om a kong sonna mun hi ngam sungah om po in.

Pianciilna 26:24

Tua zanin Topa ama tungah kilangh a, “Keima in na pa Abraham ii Pathian ka hi hi. Lau heak in; nang taw kong omkhawm hi. Nang thupha kong pia tu a, suan le paal tam mama kong pia tu hi, banghang ziam cile ka naseampa Abraham tungah ka kamciamna hang ahi hi,” ci hi.

Pianciilna 26:5

Abraham in ka thu ni a, ka thukhamte le ka thupiakte theampo kholet ahikom, nangma thupha kong pia tu hi,” ci hi.

Pianciilna 28:13

Tuaciang ama kungah Topa ding hi. Ama in, “Keima in Abraham le Isaac te ii Pathian, Topa ka hi hi. Nang le na suan na paalte tungah na lupna hi leitang kong pia tu hi.

Pianciilna 28:15

Ciamtee ta'n, na paina po ah nang taw om in, kong dal tu a, hi leitang ah kong thet pui kik tu hi. Kong kamciamsa teng ka vawt siat mateng in, nang kong nusia buatu hi,” ci hi.

Pianciilna 35:11

Tuaciang Pathian in ama tungah, “Keima in Vaanglianbelpa Pathian ka hi hi. Ta tam mama nei ta'n. Minamte nang sung pan hong piangsuk tu a, kumpite taanghpupi na hi tu hi.

Pianciilna 35:12

Abraham le Isaac ka piak ngam le lei sia nangma kong pia tu a, nang nung pan na suan na paalte tung zongh ah ka pia tu hi,” ci hi.

Pianciilna 9:15

tuipi liimna in nuntakna nei peuma mon kik ngeingawl tu hi ci in, note le nganhing theampo tungah kong kamciamna ka phawk tu hi.

Pianciilna 9:16

Meei sungah sangun a kilangh ciang ka mu tu a, tuaciang keima le leitung ah nuntakna nei a minpiangte kilaklaw ah a kho tawntung thuciamna sia ka phawk tu hi.

Esther 4:14

Hi bang hun sungah thimthu in na om le, vantung pan Jew te atu huna hong pai in, Jew te kihun tu a, ahizong nangma na thi tu a, na pa ii bangkua mong tu hi. Ahitazong, akua in he tu ziam? — nangma kumpinu hong kisuasak zongh hi bang hun atu in a suak na hina meal kihe ngawl hi,” ci hi.

Psalm Late 106:45

Amate atu in a thuciamna phawk a, ama ii itna lianpi hu in amate maisak hi.

Psalm Late 136:23

Ngal ih lel ciangin ama in hong mangil ngawl hi; ama ii itna kip tawntung hi.

Pusuana 2:24

ama in amate taunate a zaak ciang Abraham, Isaac le Jacob taw a thuciamna phawk hi.

Pusuana 6:5

Tu in Egypt te ii salin a mat Israel te tauna ka za zo a, ka thuciamna ka phawk hi.

Isaiah 14:1

Topa in ama ii mihing Israel te khatvei ma hesuak kik leleau tu a, ama aituam mi in teal tu hi. Topa in amate a leitang tungah teangsak kik tu a, ngamdangmite pai in tua munah amate taw teang khawm tu uh hi.

Ezekiel 16:60

Ahihang na khanmoi lai in kong thuciamna ka kholet a, tuaciang a tawntung a kip tu thuciamna khat nang taw ka vawt tu hi.

Joel 2:18

Tua zawkciang Topa in ama leitang atu thinbot a; ama in a mite hesuak hi.

Luke 1:72

Ama in ih taanghpupite tungah hesuakna hong lak tu in, hong ciam zo a, ama thuciam thiangtho phawk kik tu in hong khaam zo hi.

Thuhil kikna 4:31

Ama in hong hesuak thei Pathian ahi hi. Note hong nusia ngawl tu a, hong mon ngawl tu a, na taanghpupite taw a vawt thuciamna mangil ngawl tu hi.

Thuhil kikna 9:27

Na naseam Abraham, Isaac le Jacob te phawk in a, hi mihingte ii thin puina, a seksolna le a mawnate awlmawk heak in.

Thukhente 2:1

Topa ii vantunglalang sia Gilgal pan Bochim ah pai a, Israel te munah, “Egypt ngam panin no kong lakhia a, na taanghpupite tungah ka kamciamsa leitang tungah kong then hi. ‘Nang taw ka thuciamna ka peal ngei buatu hi.