Thiampite 26:4 - Syin Chin Bible

⁴ Keima in nguatui hun maanin kong pia tu a, tua hile leitang in an piangsak tu a, thingkungte a nga nga tu hi.

Thiampite 26:4 Iomraidhean Croise

1 Kumpite 17:1

Gilead ngam Tishbe panin Elijah a kici kamsaangpa in Ahab kumpipa munah, “A na ka sepsak Israel te ii a nungta Pathian, Topa min taw keima in nang tungah kong sonna pan keima ii kong son kik mateng kum nii ahibuale kum thum sung daaitui ahizong, nguatui ahizong hang tu hi,” ci hi.

Job 5:10

Ama in leitang tungah nguazusak a lote tui buak hi.

Psalm Late 104:13

Mualte tungah van panin nguatui na puaksuk a, leitung sia na thuphate taw kidim hi.

Psalm Late 67:6

Leitang in lo ante piangsak zo hi; Pathian, eite Pathian in thupha hong pia zo hi.

Psalm Late 67:7

Pathian in eite thupha hong pia zo hi; mun theampo ah om mihingte in ama upat thei tahen.

Psalm Late 68:9

Nangma in ngua na zusak piikpeak a, a tul sa na leitang na puuapha kik hi;

Psalm Late 85:12

Topa in eite hong nuamsasak tu a, ih leitang in anlaak tu tam mama piangsak tu hi.

Psalm Late 85:13

Thutang suana sia Topa mai ah pai tu a, ama atu lampi sial khol tu hi.

Isaiah 30:23

Anciite na poai po uh ciang po a, khang a an tam na laak natu in Topa in nguazusak tu hi, tuaciang na ngante in a tat natu mun zai nei tu uh hi.

Isaiah 5:6

Lopa in ka khunelsak tu hi. Sapit baakte ka heu buatu a, a lei zongh ka tho buatu hi; tuasia luangin, lingte ling kungte in ka khunelsak tu hi. Ngua a zuksak ngawl natu in meeite ngawngawn ka khaam tu hi,” ci hi.

Jeremiah 14:22

Minamte ii milimte in nguazusak thei ngawl hi; van in ama ii thu taw nguazusak thei ngawl hi. Topa kote Pathian awng, hite a vawt pa nangma na hikom nang sungah lametna kong nei uh hi.

Ezekiel 36:30

Minamte sungah kialpi hu in na mindai ngawl natu na thingnga kungte le na lote pan an tam mama ka piang thuasak tu hi.

Joel 2:22

Nganhingte awng lau heak vun, Ngan thana munte hing a; thingkungte a nga nga in, thei le sapitngate tam mama om hi.

Thiampite 25:19

Leitang pan an hong piang tu a, na du theampo nei in, ngammuang takin na nungta tu uh hi.

Thiampite 25:21

Kum nii sung an na khom thei natu uh in Topa in a kum luk kumin leitang thupha pia tu hi.

Zechariah 8:12

Amate in thinnuam takin lo ante ciing tu hi. A sapitkungte hong nga tu a, leitang in ante piangsak in, ngua tam mama hong zu tu hi. Hi thuphate theampo ka minam sung pan a nungta lai ka mite tungah ka pia tu hi.

Matthew 5:45

Vantung a na Pa ii tate na sua thei natu in, tuabangin ngamta vun. Banghang ziam cile ama in mihing phate tung le mihing siate tungah a kibangin ni taangsak a, na pha seamte le a sia seamte tung zongh ah a kibangin nguazusak hi.

Sawltakte 14:17

Ahihang, ama ii na pha a vawtte taw ama a om hunlam sia kitelthiangsak tawntung hi: Ama in note vantung pan nguatui hong pia a, lo ante a hun maanin hong pia hi. Ama in an hong pia a, na thinsung uh lungdamna taw, hong kidimsak hi,” ci in au hi.

Thuhil kikna 11:13

“Tua hi a, tuni in kong thupiakte zui vun; Topa na Pathian sia na thin theampo taw it in, a na seam vun.

Thuhil kikna 11:14

Tuabang na hi uh le, Topa in na ngam sungah a kisap ciangin tuuk ngua, khaal ngua hong zusak tu a, note atu in antang, sapittui le olive thaute,

Thuhil kikna 28:12

Ama in a na kholna van pan a hun zui in nguatui hong zusak tu a, na na sepna theampo uh thupha hong pia tu hi, tua hile note in minam tam mama te tungah sum na pukthaak tu uh a, ahizong kuama tung pan sum na pu buatu hi.

James 5:7

Tua ahikom, ka suapuite awng, Topa hong pai mateng in, na thin uh sausak vun. Lothopa khat in, leitang tung pan an manpha hong pian natu sia, bangza in thinsauna taw ngak ziam en vun. Amate in khuapi ngua le tuk ngua sia thinsau takin ngak hi.

Thupualaakna 11:6

Amate in van khakbil in Pathian thu vaithak a thansak hun sungin, ngua a zuksak ngawl natu in thunei uh hi. Amate in ciktuite chisan a suasak thei natu thunei si uh hi; tuaciang amate in a uuk ni sim po in, leitung sia ngimna lian nam theampo taw ngim piak thei natu zongh thunei uh hi.