Thiampite 26:36 - Syin Chin Bible

³⁶ “Saltaangin a om note kong patausak mama tu a, vui ii seam thingtee nging sia in note hong taisak tu hi. Ngal kisimna ah ngalte ii del bangin na tai tu uh a, na kiim ah ngal om ngawl napi na liik tu uh hi.

Thiampite 26:36 Iomraidhean Croise

Pianciilna 35:5

Jacob le a tapate vaiding tu a kipat lai in, khua naina tengah a teang mite tungah launa lian tung ahikom khua mite in amate del ngawl uh hi.

Pianciilna 4:12

An ciin tu na hanciam zong lei pan bangma piang ngawl tu a, inn nei ngawlin leitung ah na vakthap tu hi,” ci hi.

2 Khangtaanghthu 14:14

Tua munah a om mite in Topa a kiitak lei hu in ama te in Gerar kiim a om khuapite siasak thei uh hi. Tua khuapite theampo ngalkaphonpite in phuul in a vanh tam mama laaksak uh hi.

Job 13:25

Kei hong lauthawn nuam ni ziam? Kei sia thingtee khat hi lel khi hi; taangphaw ko sa khat a ngal vawvawt na hi hi.

Psalm Late 53:5

Ahihang amate in nidangin a thuak ngeingawl uh launa nasia thuak tu uh hi, banghang ziam cile Pathian in a mite ii ngalte ii ngute sia thethaang tu hi. Pathian in amate nial zo ahikom, Israel in amate zothal siat tu hi.

Psalm Late 53:6

Zion panin Israel te ii zawna hong pai natu in bangza in thungen khi ziam. Topa in Israel te a khantosak kik hun ciang bangza in amate lungdam tu ziam!

Psalm Late 89:43

Ama ngalhiamte a luithong na suaksak zo a, ngal kidona sungah na lelsak zo hi.

Paunakte 28:1

Mihing seksolte sia kuama ii del ngawl bulin tai hi, ahihang a thumaan mihing khat in tawpi bangin hang hi.

Isaiah 30:17

Ngalte ngalkap khat na mu uh ciang no, a tulkhat in na taikeak tu uh a, tuaciang ngalte nga in note theampo hong taikeaksak zo tu hi. Mualdawn ah a kiphut laandial mung om liiliai khat simngawl buang, na ngalkap honte sung panin bangma kinusia ngawl tu hi.

Isaiah 7:2

Syria ngalkap honte Israel ngamsung theng zo hi ci thu Judah kumpipa kung a thet ciang, ama le a mite theampo lausak mama ahikom, vui ii seam thingkungte bangin liing vadil uh hi.

Isaiah 7:4

Ama kinging sa in a om khinkhian natu le a thin patau ngawl natu in son in. Kumpipa Rezin le ama ii Syria mite le Pekah kumpipa ii thin uukna te sia meikuang valiat thingkhua nii panin meikhu sia sangin lauhuai ngawl zaw hi.

Jeremiah 37:10

Babylon ngalkap buppi na zo zong, a taanglai a liamte bekma puanbuk sungah lum lai ahi hial uh zong, tuate ma hong thoto veve tu a, hi khuapi haltum tu uh hi.”

Jeremiah 46:16

Noma ngalkapte lutu in puk zo hi; amate khat le khat ii tungah, ‘Manlang vun! Ih mite ii inn ah cia in ngalte namsau pan suakta tawng!’ kici uh hi.

Kaa late 1:3

Judah ii mite sia inn pan zawthawk thu taw a kihawlkeak a cimaw silate ahi uh hi. Ngamdang ah amate sila in om a, a mun, a ngam ci tu nei ngawl uh hi — Ngalte in kiim uum a, a suatak natu lam bing hi.

Kaa late 1:6

Jerusalem phatna sia bo zo hi. A lampuite sia sangai ngilkial a thazawm, savaite mai ah a tai ciang a tha bo dedek te bang ahi hi.

Kaa late 4:19

Muvanlaite van pan suktun a hong len sang a manlang zaw in amate in ei hong zuizen suk hi. Amate in mual tungah ei hong sul zui a; sennealngam ah muanmawk ngawlin ei hong phaa hi.

Ezekiel 21:12

Thasiatna taw au in, a thithei mihing awng; hi namsau sia keima mite tung le Israel lampuite tungah a kizangh tu ahi hi. A taanglai ka mite theampo taw cipin amate kithatlum tu hi. Thinkiam in na awm beang in!

Ezekiel 21:15

Tuasia in ka mite lauthauhsak a lutusak hi. Amate khuapi sia khualeng bangin a tee vazal, a that tu in a kinging namsau khat taw in ka tawng hi.

Ezekiel 21:7

Amate in banghangin tau ni ziam hong ci ciangin, hong tung tu thu hang hi ci in. Tua thu hong tun tak ciang a mate launa taw kidim tu a, a khutte zaw in a thin letna bo tu a, a khupte liing tu uh hi. A hun hong theng zo hi; tu hun ahi hi,” Vaanglianpipa Topa in pau zo hi.

Hosea 8:3

amate in a phate nial hi. Hi thu hu in a ngalte in amate delkot tu hi.

Thiampite 26:17

Ngal na lel natu in kong nungngat tu a, hong ngaimaw te in hong uk tu hi; na patau mama tu uh a, hong del om ngawl napi na tatai tu uh hi.

Thuhil kikna 1:44

Tuasia ciang tua mualte tungah a teang Amor te in khuaihon bangin note hong uum hi. Amate in note Hormah dong hong del a, Edom mualtung ngam ah hong zo hi.

Joshua 5:1

Jordan nitumna sangah a om Amor kumpite theampo le Mediterranean Tuipi hui susuk ah a om Canaan kumpite theampo in, Israel te ii kaantan dong Topa in Jordan ngun leiko suaksak hi ci in za uh hi. Amate lau a, Israel te hangin a thin letna uh bo hi.

Joshua 7:5

Ai mite in amate sia khuapi kongpi panin suangkhuk pawlkhat omna dong uum uh a, mihing 36 khawng mual tung pan del suk in thatlum uh hi. Tuasia ciang Israel te sia a thin letna bo a, lau uh hi.

1 Samuel 17:24

Israel te in Goliath a mu uh ciang lau in taikeak uh hi.