Thiampite 26:33 - Syin Chin Bible

³³ Ngal kong thengsak tu a, ngamdang ah kong thethaang tu hi. Na leitang kitaisan tu a, na khuapite lalcip in kinusia tu hi.

Thiampite 26:33 Iomraidhean Croise

1 Kumpite 8:46

“Na mite in khialna vawtin nang hong langpan ciang — a maw ngawl khat zongh om ngawl ahiciang — na thin uukin a, a ngalte in zosak in ngamdang ah thongtaak tu in amate a paipui ciang bangza po in tua ngam sia a khuala ta zong,

2 Kumpite 25:9

Ama in Biakinnpi, kumpi inn le Jerusalem ah mihing thupi theampo ii innte haltham hi,

2 Khangtaanghthu 7:19

Ahihang nangma le na mite in nangma tungah kong piak thukhamte le thupiakte zui ngawlin pathian dangte na bia uh le,

Nehemiah 1:3

Amate in, kei tungah a nungta lai teng a khua a tui a zot uh ciang haksatna lianpi a thuaknate le a kiim a paam a teang ngamdangmite ii a nomuna thu teng hong ko uh hi. Amate in Jerusalem luphungte a cimhtham in om lai a, kongpite a kihaltum pan kipan a kivawt kik ngawl laina thute zongh hong son uh hi.

Nehemiah 1:8

Nangma ii Moses tungah: ‘No Israel mite ka tungah nong thumaan bua uh le minam dangte sungah kong thethaang tu hi.

Esther 3:8

Tua ahiciang Haman in kumpipa tungah, “Na kumpi ukna ngamsung theampo ah a kithethaang le ngamke theampo ah a kimu minam khat om hi. Amate ii zui a ngeinate sia midangte a taw kibang ngawl hi. Tua banah na kumpi ukna ngamsung upadi te zui nuam ngawl ahikom tuate na koithong tu sia nang atu in pha ngawl hi.

Psalm Late 106:27

a suan a paalte Pathian he ngawlte kawm ah a kithethaangsak natu ahizong, ngamdang ah a thisak natu ahizong ama in a ciliap huai kidop thei natu thupia hi.

Psalm Late 44:11

Tuute bangin nong kingolumsak hi; ngamdang ah nong thethaang hi.

Psalm Late 44:12

Bangma man a nei lei ngawlte bang phetin na mite takpi man tawmno taw nong zuak zo hi.

Isaiah 1:7

Na ngam uh lalcip zo a, na khuapite kihaltum zo hi. Na mu tangin ngamdangmite in na ngam uh hong laaksak a, na theampo susia uh hi.

Isaiah 6:11

Keima in, “Topa awng, hi bang ahi tu sia bang tanvei ngei tu ziam?” ci in ka dongh hi. Ama in, “Khuapite siacipin, a lei awngthong dong — innte innhawm a sua dong — a leitang kolh in leitul a sua dong ngamkhingin om tu hi.

Jeremiah 13:24

Sennealngam pan a hong va vui in taangphaw a muutkeak bangin Topa in note hong thethaang tu hi.

Jeremiah 15:4

Hezekiah ii tapa Manasseh in Judah ngam ah kumpi a sep laitakin Jerusalem khua ah a vawt thute huu in tuate taw leitung mite theampo ka liinglawngsak tu hi,” hong ci hi.

Jeremiah 31:10

Topa in, “Minamte awng, hong ngai tavun a, ka kammalte a khuala na tuipi vaalbo ah thangsak vun. Ka mite ka thethaang hi, ahihang amate ka kaikhawm tu a, tuucing pa in a tuuhon a cin bangin ka keam tu hi.

Jeremiah 4:7

Tawpi khat in a bukna mun pan hong pai bangin, ngamte a siasak tu khat hong kuan zo hi. Judah susia tu in ama hong pai hi. Judah ngam khuapite a siacip in kinusia tu a, kuama teang ngawl tu hi.

Jeremiah 7:34

Tua ngam sia sennealngam suak tu hi. Judah ngam khuapite sung le Jerusalem khua lampite tungah thinnopna le lungdamna awte le mopoai lungdamna awte ka bosak tu hi.

Jeremiah 8:3

Hi a ngilo minam sung pan a nungta lai sun, ka thethaangna munah a teang teng in a nuntak tu sangin thi nuam zaw tu uh hi. Kei Vaanglianbelpa Topa in ka son zo hi,” ci hi.

Jeremiah 9:16

Amate ahizong a taanghpupite ahizong ii a zaak ngeingawl minamte sungah amate ka thethaang tu a, amate ka siatcipsak siat matengin a do tu in ngalkap honte ka puak tu hi,” ci in zo hi.

Kaa late 1:1

Khatvei lai in mihing taw a kidim Jerusalem khuapi bangza in ngamkhing ziam! Leitung ii khatvei a zatak ngei sia tu in meingongnu khat taw kibang hi; khuapi teng po pan a tuanngenbel sia sila dinmun ah taak zo hi.

Kaa late 1:3

Judah ii mite sia inn pan zawthawk thu taw a kihawlkeak a cimaw silate ahi uh hi. Ngamdang ah amate sila in om a, a mun, a ngam ci tu nei ngawl uh hi — Ngalte in kiim uum a, a suatak natu lam bing hi.

Kaa late 4:15

Mihingte in amate oksan a, “Tai vun! note kiihuai nu hi! Kei hong thutha heak vun!” ci uh hi. Tua ahikom amate ngam khat pan ngam khat ah pai kawkoai a, kuama in muak ngawl hi.

Kaa late 4:16

Topa in amate awlmaw nawn ngawl a; amate thethaang hi. Ama in ih thiampite le ih lampuite bangma in hong hensak ngawl hi.

Ezekiel 12:20

Tu laitak mihing a dim omna khuapite sia kilalcipsak tu a, tuaciangin a ngam sia duisung ngampa kisuaksak tu hi. Tuasia ciangin, amate in Kei Topa ka hi hunlam hong he tu uh hi,” hong ci hi.

Ezekiel 20:23

Tua ahikom sennealngam ah kamciam dang khat ka pia hi. Amate leitung theampo ah thethaang tu in ka kiciam hi.

Ezekiel 22:15

Na mite ngam sim le minam sim sungah ka thethaang tu a, na ngitlo ngamtatnate ka bosak tu hi.

Ezekiel 5:2

Khen thum sua khen khat sia hong uumcina a ven ciang, khuapi sungah hal in. A dang khen thum a khen khat sia khuapi puasang na va kawkoaina ah na namsau taw tan neen in. A om lai khen thum teng sia vui sungah the in a, ka namsau taw ka delkot tu hi.

Hosea 9:6

Tuasiatna hong pai in, mihingte a kithethaang ciang Egypt te in amate khawmtua tu a — Memphis ah vui tu in khawmtua tu hi! A ngunn sumngumte le khatvei lai a, a innmunte sia lopa le lingkungte in khunel tu hi.

Amos 9:4

A ngalte in manin luangtasak kale amate a thalup natu thu ka pia tu hi. Amate ka suksiat tu le ka hu ngawl tu sia khensat zo khi hi,” ci hi.

Zechariah 7:14

Amate ngamdang ah a teang tu in, vuipi suangval bangin ka niil keak hi. Hi ngampha na sungah a teang om ngawl a, ngamtongta in kinusia hi,” ci hi.

Luke 21:24

Pawlkhat namsau taw kithat tu a, a dangte ngam theampo ah thongtaak tu in kipaipui tu hi; tuaciangin amate ii hun a cin mateng in Gentile te in Jerusalem sia a peang taw tuanhcil tu hi.

Thuhil kikna 4:27

Minam dangte sungah Topa in hong thethaang tu a, no tawm bek na suakta tu uh hi.

James 1:1

Pathian le Topa Jesus Christ ii naseampa James in: leitung bup ah a kithethaang Pathian mite kong paupui hi.