Thiampite 26:32 - Syin Chin Bible

³² Na leitang ka lalcipsak tu a, tuasia a lua na ngalte inghsak tu hi.

Thiampite 26:32 Iomraidhean Croise

1 Kumpite 9:8

Hi Biakinnpi sia zaanciim in kisengneng tu a, a kaantan in a pai theampo liinglawng tu uh a lamdang sa in, ‘Banghangin Topa in hi ngam le hi Biakinnpi tungah hi bangin ngamta ziam?’ ci in kidongh tu uh hi.

Isaiah 24:1

Topa in leitang lalsakin ngamkhingsak tu hi. Ama in lei maitang heakcipin, a mite thethaang tu hi.

Isaiah 5:6

Lopa in ka khunelsak tu hi. Sapit baakte ka heu buatu a, a lei zongh ka tho buatu hi; tuasia luangin, lingte ling kungte in ka khunelsak tu hi. Ngua a zuksak ngawl natu in meeite ngawngawn ka khaam tu hi,” ci hi.

Isaiah 5:9

Vaanglianbelpa Topa in, “Hi a lian a pha inn theampo a hawm suakin lal tu hi.

Isaiah 6:11

Keima in, “Topa awng, hi bang ahi tu sia bang tanvei ngei tu ziam?” ci in ka dongh hi. Ama in, “Khuapite siacipin, a lei awngthong dong — innte innhawm a sua dong — a leitang kolh in leitul a sua dong ngamkhingin om tu hi.

Isaiah 64:10

Na khuapi thiangthote sia sennealngam khat bang ahi hi; Jerusalem sia a kinusia a lalcip khat ahi hi,

Jeremiah 12:11

Amate in ka ngam sia ngam tawngtol suaksak uh a; ka mu tangin ngamkhing mun suak hi. Ngam buppi sia sennealngam suaksak a, kuama in awlmawk ngawl hi.

Jeremiah 18:16

Amate in hi ngam sia a tawntung a kinomu tu in a lipkhaphuai ngam suaksak uh hi. Tua mun a kaantan mihingte theampo in tua ngam a mu uh ciang a thin patau tu uh a, lamdang sa in a lu pei tu uh hi.

Jeremiah 19:8

Hi khuapi tungah tuabang a lauhuai mama siatna ka tungsak tu a, tua khua a kaantan pawpo ingh liangin lamdang sa mama tu hi.

Jeremiah 25:11

Hi ngam buppi a siathamin kinusia tu a, a ngamkhing mun suak tu hi, a kiim ah minamte in kum sawmsali sung tawntung Babylon kumpipa ii na seam tu uh hi.

Jeremiah 25:18

Amate sennealngam khat, a lauhuai, diipkuathuai mun a sua natu le, mihingte ii ama te min sia haamsiatna in a zak natu in — tu hun dong a kizak lai bangma Jerusalem le Judah ngam khuapite theampo, a kumpite uh le a lampuite uh taw tua hai sung panin kidawnsak hi.

Jeremiah 25:38

Tawpi khat in akua a nusiat bangin Topa in a mite nusia zo hi. A lauhuai ngal kidona le Topa ii a kiitakhuai thin uukna in hi ngam sennealngam suaksak zo hi.

Jeremiah 33:10

Topa in, “Mihingte in hi mun sia, mihing zongh nganhing zongh ii teen ngawlna senneal ngam taw kibang hi ci uh hi. Amate ci bang hi peu hi; Judah khuate le Jerusalem khua lampite awngthong a; tua munah mihing zongh nganhing zongh teang ngawl hi. Ahihang hi munte ah,

Jeremiah 44:2

Vaanglianbelpa Topa Israel ii Pathian in, “Jerusalem khuapi tung le Judah ngam khuapi dangte theampo ii tungah suksiatna ka thetsak sia noma mama in na mu zo uh hi. Tua khuapite sia tu dong ma in siacip lai a, kuama teang ngawl hi,

Jeremiah 44:22

Tuni mama in na ngam uh sia a lalcip sa in om a, a sungah kuama teang ngawl hi. Na seksolna uh le a sia na vawtna uhte Topa in thuak zo nawn ngawl ahikom na ngam uh sia a lipkhaphuai mun suak a mihingte in a min sia kihaamsiatna in nei uh hi.

Jeremiah 9:11

Topa in, “Jerusalem khua sia na a sia te kholna le, ngiate teenna mun ka suaksak tu hi; Judah ngam khuapite sia kuama ii teen ngawlna sennealngam suak tu hi,” ci hi.

Kaa late 4:12

A kuama peuma, ngamdang ngamukte ngawngawn in Jerusalem ii kongpite sungah ngalte tum thei tu ci in um ngawl uh hi.

Kaa late 5:18

Zion Mual sia ngamkhing ngamdai in kinusia ahikom tua a kisia sa munte ah ngam uite vak hi.

Ezekiel 5:15

“Nang tungah ka thin uuk in ka thinso a daan kong piak ciang, na kiim a om minamte lau vadil tu uh hi. Amate in nang sia hong kii et tu a, hong nunau tu uh hi.

Daniel 9:18

Oh Pathian awng, ko thuson hong ngai ta'n; ko hong en ta'n a, ka ngim thuakna uh le na min a pu khuapi ii thuaknate hong mu ta'n. Ko ii sepna a maan hang hi ngawlin, nangma ii hesuakna suangin thu kong ngen uh hi.

Daniel 9:2

Ama kumpi sua a kum khat kumin keima in thubu thiangthote ka sim a Topa ii kamsaang Jeremiah tungah a son kum sawmsali sung Jerusalem a lalsa in om tu hi, a ci sia thu ka ngaisun hi.

Habakkuk 3:17

Theikungte nga ngawl a, sapitkungte a nga bua zong, olive kungte nga ngawl a, lote sungah an a piang bua zong, tuute thi siat a, khuibukte a hawm zong,

Luke 21:20

“Jerusalem sia ngalkaphonpite in hong kim uum na mu uh ciang, tua khuapi lalthap natu nai hi, ci in na he tu uh hi.

Thuhil kikna 28:37

Topa ii hong thethaang natu ngam tuatuam ah note tungah thupiangte hangin mihingte in lamdang sa tu uh hi; amate in note hong nunau in hong ciammui vawt tu uh hi.