Thiampite 26:31 - Syin Chin Bible

³¹ na khuapite ka lalcipsak tu a, na biakna munte siasak in, na sangaw biakpiaknate kong saang buatu hi.

Thiampite 26:31 Iomraidhean Croise

Pianciilna 8:21

Topa sia biakpiakna ngimnamtui in lungdamsak hi, tuaciang a thinsung ah, “Mihing ngamtatna hangin leitung ka haamsiat kik ngei buatu hi; a no lai pan a khuangaisutnate a siat hunlam ka he hi. Tu a ka vawt bangin nuntakna nei theampo ka mon kik ngei buatu hi.

2 Kumpite 22:19

tuaciang Jerusalem le a mite daan piak tu ka tawn na te na zaak ciang kisiik kikin kiniamkhiakna taw ka mai ah na puansilh eaukeak in kap ni hi. Mit mu bek zongin a lauhuai mama na mun ka suaksak tu a, mihingte in tua mun ii min sia haamsiatna kammal in a zangh tu hi. Ahihang na thungetna hong za zo khi hi,

2 Khangtaanghthu 36:19

Ama in Biakinnpi le khuapi sia a kumpi innte le a nei a lam theampo taw haltum in khuapi uumna luphungte sutham hi.

Nehemiah 1:3

Amate in, kei tungah a nungta lai teng a khua a tui a zot uh ciang haksatna lianpi a thuaknate le a kiim a paam a teang ngamdangmite ii a nomuna thu teng hong ko uh hi. Amate in Jerusalem luphungte a cimhtham in om lai a, kongpite a kihaltum pan kipan a kivawt kik ngawl laina thute zongh hong son uh hi.

Nehemiah 2:17

Ahizong tu in amate tungah, “Jerusalem lalcip in a kongpite kisusia ahikom ih ngim ngana teng en vun! Khuapi luphungte ciang kikin ih minsiatna teng bosak tawng,” ka ci hi.

Nehemiah 2:3

“Kumpipa awng, na khansau tahen! Ka taanghpupite a kiphumna khuapi laltham a, a kongpite kaanghtum siatin a om laitak bangbangin khuangai ngawlin om thei tu khi ziam?,” ci in ka zo hi.

Isaiah 1:7

Na ngam uh lalcip zo a, na khuapite kihaltum zo hi. Na mu tangin ngamdangmite in na ngam uh hong laaksak a, na theampo susia uh hi.

Isaiah 6:11

Keima in, “Topa awng, hi bang ahi tu sia bang tanvei ngei tu ziam?” ci in ka dongh hi. Ama in, “Khuapite siacipin, a lei awngthong dong — innte innhawm a sua dong — a leitang kolh in leitul a sua dong ngamkhingin om tu hi.

Isaiah 63:18

Na mi thiangthote ahi, kote sia, ka ngalte in tawmvei sung teng hong notkeak hi: amate in na inn thiangtho sia tuanhcil hi.

Isaiah 64:9

tua ahikom ko tungah hong thin uuk lei heak in a, ka mawnate uh taw ko hong len top heak in. Kote sia nangma mihingte ka hi uh hi; kote hong hesuak ta'n.

Isaiah 66:3

Mihingte sia a uuk bang po in ngamta uh hi. Amate in khuital khat ngo in, ahibuale mihing khat that in, biakpiakna in nei a; tuuno, ahibuale ui khat ii ngawng thiaktanin biakpiakna in nei a; antang, ahibuale vokte ii chi pia a; ngimnamtui pia, ahibuale milim khat tungah thu a nget uh sia amate atu in kibang siat hi. Amate in a kiihuai biaknate diksa uh hi.

Jeremiah 22:5

Ahihang kong thu piakte nong ni bua uh le, hi kumpi inn sia siacip tu hi ci in ka kiciam hi. Keima, Topa in ka ci zo hi.

Jeremiah 26:6

Thu na ni bua lalai uh le, Shiloh khua tungah ka vawt bangin hi Biakinnpi tungah ka vawt tu a, leitung minamte theampo in hi khuapi ii min sia kihaamsiatna in zangh tu uh hi,” hong ci hi.

Jeremiah 26:9

Banghangin Topa min suangin hi Biakinnpi sia Shiloh khua bang suak tu a, tuaciang hi khuapi kisusia cip in kuama teang ngawl tu hi ci ni ziam,” ci in au keak uh hi. Tuaciang mihonte in kei hong uumci uh hi.

Jeremiah 4:26

Lo ngam leiphana teng sennealngam suak zo a; Topa ii thin uuk mama na hu in a khuapite kisia cip hi.

Jeremiah 4:27

( Topa in leitung buppi duisung ngampa suak tu hi ci hi, ahihang siacipsak ngawl tu hi.)

Jeremiah 4:7

Tawpi khat in a bukna mun pan hong pai bangin, ngamte a siasak tu khat hong kuan zo hi. Judah susia tu in ama hong pai hi. Judah ngam khuapite a siacip in kinusia tu a, kuama teang ngawl tu hi.

Jeremiah 44:2

Vaanglianbelpa Topa Israel ii Pathian in, “Jerusalem khuapi tung le Judah ngam khuapi dangte theampo ii tungah suksiatna ka thetsak sia noma mama in na mu zo uh hi. Tua khuapite sia tu dong ma in siacip lai a, kuama teang ngawl hi,

Jeremiah 44:6

Tua ahikom ka thin uukna le ka thinsona sia Judah ngam khuate le Jerusalem lampite tungah ka buak a, tuate sia mei taw ka hal hi. Tuni a na mu uh bangma in tuate sia a kisiacip in om a, a lipkhaphuai suak hi.

Jeremiah 52:13

Ama in Biakinnpi, kumpi inn le Jerusalem khua sungah mi thupi theampo ii innte mei taw haltum hi;

Jeremiah 9:11

Topa in, “Jerusalem khua sia na a sia te kholna le, ngiate teenna mun ka suaksak tu hi; Judah ngam khuapite sia kuama ii teen ngawlna sennealngam suak tu hi,” ci hi.

Kaa late 1:1

Khatvei lai in mihing taw a kidim Jerusalem khuapi bangza in ngamkhing ziam! Leitung ii khatvei a zatak ngei sia tu in meingongnu khat taw kibang hi; khuapi teng po pan a tuanngenbel sia sila dinmun ah taak zo hi.

Kaa late 1:10

A ngalte in ama ii a nei a lamh theampo suttol hi. Topa ii Gentile te pai tu a khaamna mun Biakinnpi sung mama ah a ngalte a tum sia ama in mu hi.

Kaa late 2:6

Ama ih biakna mun Biakinnpi sia ama in a bebekin sutham hi. Ama in ni thiangthote le Sabbath te bosak zo hi. Kumpipa le thiampipa in ama thin uukna a kibangin thuak khawm uh hi.

Kaa late 2:7

Topa in a biaknatau nial a, ama ii a thiangtho Biakinnpi taisan hi. Ama in Biakinn pangte sia ngalte in balthamsak hi. Khatvei lai in lungdamna taw ih biakna munah amate ngalzo in au uh hi.

Ezekiel 12:20

Tu laitak mihing a dim omna khuapite sia kilalcipsak tu a, tuaciangin a ngam sia duisung ngampa kisuaksak tu hi. Tuasia ciangin, amate in Kei Topa ka hi hunlam hong he tu uh hi,” hong ci hi.

Ezekiel 21:15

Tuasia in ka mite lauthauhsak a lutusak hi. Amate khuapi sia khualeng bangin a tee vazal, a that tu in a kinging namsau khat taw in ka tawng hi.

Ezekiel 21:7

Amate in banghangin tau ni ziam hong ci ciangin, hong tung tu thu hang hi ci in. Tua thu hong tun tak ciang a mate launa taw kidim tu a, a khutte zaw in a thin letna bo tu a, a khupte liing tu uh hi. A hun hong theng zo hi; tu hun ahi hi,” Vaanglianpipa Topa in pau zo hi.

Ezekiel 24:21

no Israel te tungah hi kam vaithak son tu in hong sawl hi: Note in Biakinnpi ii a kip a khona sia kiphatsak pui nu hi. Mu nuamin a en tu na pai uh hi, ahizong, Topa in Biakinnpi sia minpaansak tu hi. Tuaciang Jerusalem ah na nusiat na innkuanpui khangmoite ngal sungah kithat tu hi.

Ezekiel 6:6

A biaknataute theampo le a milimte a kisukthap natu, a ngimnamtui halna biaknataute a kisaatthapsak natu le, a vawtsa uh theampo a bo cimit natu in Israel khuapite theampo kilalthamsak tu hi.

Ezekiel 9:6

Pasal huaite, tangvalte, ngaknute, nute le patangte thatlum siat vun. Ahihang a talki tungah tepteena a om pawpote thutha heak vun. Hi lai ka Biakinnpi panin pan vun,” a ci ka za hi. Tua ahikom amate in tua Biakinnpi ah a ding lampuite panin pan uh hi.

Daniel 2:46

Tuaciang Nebuchadnezzar kumpipa lei ah kunsuk in, sangaw biakpiaknate le biakpiaknate Daniel tungah vawt tu in thupia hi.

Amos 7:9

Isaac ii suan le paalte biakpiakna munte kisusia tu hi. Israel te ii a thiangtho munte zaancip in kinusia tu hi. Kumpipa Jeroboam ii kumpi khangngui ka bosak tu hi.” ci hi.

Micah 3:12

Tua ahikom note hu in Zion sia lo khat bangin kitho tu a, Jerusalem sia nin kholna suakin, Biakinnpi mual sia dui suak tu hi.

Zephaniah 3:6

Topa in “Minam theampo ka maaimot zo hi; a khuapite ka susia a, a luphungte le a tausaangte a siacip sa in ka nusia hi. A khuapite kitaisan a; lampite a tawn om ngawl a — mihingte kuama om nawn ngawl hi.

Luke 21:24

Pawlkhat namsau taw kithat tu a, a dangte ngam theampo ah thongtaak tu in kipaipui tu hi; tuaciangin amate ii hun a cin mateng in Gentile te in Jerusalem sia a peang taw tuanhcil tu hi.

Sawltakte 6:14

Nazareth mi Jesus in, hi Biakinnpi sutham tu a, Moses tung pan hong paisuk ih ngeina theampo hong khealsak tu hi, ci in a son laitakin za khu hi!” ci uh hi.

Hebrew te 10:26

Banghang ziam cile thumaan hong kiheaksak zawkciang, mawna ih vawt kaltang lai le, mawna maisak natu, biakpiakna khat beak zongh om nawn ngawl hi.