Thiampite 26:30 - Syin Chin Bible

³⁰ Mual tungah om noma biakna munte ka lalsak tu a, ngimnamtui biaknataute baltham in milim a lalte tungah na mithiluangte ka lawn tu hi. A thasiathuai tatakin,

Thiampite 26:30 Iomraidhean Croise

Pianciilna 19:13

banghang ziam cile hi mun lalcipsak tu khu hi. Topa in hi mihingte a kimawsakna thute za zo ahikom Sodom khua lalcipsak tu in ko hong puak hi,” ci in son hi.

1 Kumpite 13:2

Topa ii sawlna zui in kamsaangpa in biaknatau sia siat son hi: “Oh biaknatau, biaknatau awng, hisia Topa ii pauna hi: David ii bangkua sungah Josiah a kici nausen khat hong piang tu hi. Ama in doai biaknataute tungah seam in nang tungah sangaw biakpiakna a vawt thiampite nangma tungah that tu a, mihing ngute nang tungah hal tu hi,” ci hi.

1 Kumpite 13:32

Topa ii thupiakna taw Bethel ah biaknatau le Samaria khuate sungah a biakna munte langpanin a pau teng sia tung takpi tu hi,” ci hi.

2 Kumpite 23:16

Tua zawkciang Josiah in a kiimkot a et le mual tungah thaankuul pawlkhat mu hi; ama in mithi ngute la in biaknatau tungah halsak hi. Kumpipa Jeroboam sia poaikhaam sungin biaknatau hui ah a din laitak kamsaang khat ii nidang pek lai in a sonkhol sa bangin ama in vawt a, hi bangin biaknataute lalsak hi. Kumpipa Josiah in a kiimkot a et le tua bang a sonkhol kamsaangpa ii thaankuul mu hi.

2 Kumpite 23:20

Ama in doai bia thiampi theampo sia amate ii doai sepna biaknatau tungah thatlum a, tuaciang ama in biaknatau sim tungah mithi ngute hal hi. Tua zawkciang ama Jerusalem ah heak kik hi.

2 Kumpite 23:8

Ama in Judah khuapite a om thiampite Jerusalem ah paipui hi, tuaciang ngam bup sungah sangaw biakpiakna vawtna biaknataute phiat hi. Khuapi kongpi sung tum ciang veisang ah a om khuapi uk Joshua ii vawt keal-doai biakna biaknataute zongh baltham hi.

2 Khangtaanghthu 23:17

Tua zawkciang amate Baal biakinn ah pai siatin biakinn susia hi. Amate in tua munah biaknataute le milimte saattham siatin biaknatau mai ah Baal thiampi Mattan thatlum hi.

2 Khangtaanghthu 31:1

Tua poai a man zawkciang Israel mite theampo Judah khuapi teng ah pai a, suangkhuamte sutan in Asherah numeipathian ii limte phuktan in biaknatau te le doai sepna munte sutham hi. Amate in a taanglai Judah ngam theampo, tuaciang Ephraim, Benjamin le Manasseh ngamte ah tuabang ma in vawt hi; tua zawkciang amate inn zuan kik siat uh hi.

Psalm Late 106:40

Tua ahikom Topa sia ama mite tungah thin uuk hi; ama in thasiathuai sa hi.

Psalm Late 89:38

Ahihang na tealsa kumpipa tungah na thin uuk hi; ama taisan in na nil hi.

Isaiah 27:9

Ahizong, Israel te ii mawnate sia, lawkite ii biaknatau suangte, leikaang bangin a kingoaicip zawkciang le Asherah numeipathian lim te a bo zawkciang, le ngimnamtui halna biaknataute a om nawn ngawl ciang bekin, kimaisak bek tu hi.

Jeremiah 14:19

Topa awng, Judah te nialcip zo ni ziam? Zion mite ngaimaw ni ziam? Banghangin a dam zo nawn ngawl tuza dongin ko hong liamsak ni ziam? Thinnopna ka zong uh hi, ahihang phatna bangma hong piang bua hi, ciidam tu ka lamen uh hi, ahihang launa bek hong tung zaw hi.

Jeremiah 16:18

Amate ii mawna khialna le seksol nate hu in a zaa nii ka liausak tu hi, banghang ziam cile mithi luangte bang a nuntakna a nei ngawl milimte taw amate in ka ngam ninsak uh a, amate ii a maan ngawl pathiante ka ngamsung kidimsak hi,” ci hi.

Ezekiel 16:39

Amate ii thahatna nuai ah nang kong koi tu a, pumpi na zuakna le milim na biakna munte sia amate in nuaitham tu uh hi. Amate in na nikteen na puansilh te le na kizepna suangmanphate hong laaksak in, na pumnguak tatakin hong nusia tu uh hi.

Ezekiel 43:7

“A thithei mihing awng, hi lai ah ka kumpi tokhum om hi. Hi lai Israel mite sungah teangin, amate a tawntung ka uk tu hi. Israel mite le a kumpite in pathian dangte biakna taw ahizong, a kumpite luang hi munah phumna taw ahizong, ka min thiangtho daisak kik nawn ngawl tu hi.

Ezekiel 6:13

Mithi luangte sia milimte kawm le biaknataute kiimkot, tuaciang mualno saang theampo tung le mualpi dawn theampo, thingkung hingte le, oak thingkung lian theampo ii nuai, milim meihal biakpiakna mun theampo ah kithethaang tu hi. Tua zawkciangin mihing theampo in keima sia Topa ka hi hunlam hong he tu uh hi.

Hosea 10:2

A lungtang uh theam nopna taw a kidim mite sia tu in a mawnate hu in a thuak kul tu hi. Pathian in a biaknataute sutham tu a, a khuam thiangthote susia tu hi.

Thiampite 20:23

Tualai ah a teang mite ii ngeinate zui heak vun; hi ngamsung na tum thei natu in hi ngam pan tua doai bia te not keak tu khi hi. A ngamtat siatnate in hong thasiasak hi.

Thiampite 26:11

A thiangtho ka Puanbuk sungah note taw ka teang tu a, note kong nungngat ngei buatu hi.

Thiampite 26:15

Note taw ka vawt ka thuciam paltan in, ka thukham le ka thupiakte na nial uh le,

Amos 6:8

Vaanglianpipa Topa, Vaanglianbelpa in hi a ciliap huai kidopna tu thupia zo hi: “Israel mite ii kiphatsakna ka ngaimaw hi; amate ii inn nuam mamate ka kii hi. Amate khuapi le a sung a om theampo ngalte ka pia tu hi,” ci hi.

Amos 7:9

Isaac ii suan le paalte biakpiakna munte kisusia tu hi. Israel te ii a thiangtho munte zaancip in kinusia tu hi. Kumpipa Jeroboam ii kumpi khangngui ka bosak tu hi.” ci hi.

Thuhil kikna 32:19

“Hi thu teng Topa in a mu ciang a thin uuk a, a tapate le a tanute nial hi.