Thiampite 26:25 - Syin Chin Bible

²⁵ Ih thuciamna na palsat manin daan hong pia tu in no tungah ngalpi kong thengsak tu hi. Na ngammuan natu in khuapi sung na zuan zonghin a dam maw natnate kong tungsak tu a, na ngalte na lel hamtang uh kul tu hi.

Thiampite 26:25 Iomraidhean Croise

2 Samuel 24:15

Tua ahikom tua ni zing pan kipan ama ii tealna hun a cin dong Topa in Israel tungah natsia tungsak hi. Ngam mong khat pan mong khat dong Israel mi tul sawmsali thi uh hi.

1 Kumpite 8:33

“Na Israel mite sia nangma tungah hong maw hu in a ngalte in zo hi, tuaciang amate in nang sang hong heak a, kiniamkhiakin maw maisak natu in thu hong ngen le,

1 Kumpite 8:37

“Ngam sungah kialpi, ahibuale natsia tungin, ahibuale ankungte vuisa, ahibuale khaumaw hon in a lalsak ciang, tua ahibuale na mite a ngalte in a sim ciang, tua ahibualaile amate sungah natna satna a om ciang,

2 Kumpite 17:3

Assyria kumpilianpa Shalmaneser in ama tungah ngal phuang hi; Hoshea in Shalmaneser tungah tum in, kum simin shia pia hi.

2 Khangtaanghthu 24:24

Syria ngalkapte tawm ahihang, Judah mite in a taanghpupite ii Pathian, Topa a taisat hu in Topa in a tamzaw pek Judah ngalkaphonpite zosak hi. Hi bangin Joash kumpipa daan kithuaksak hi.

Psalm Late 94:1

Topa awng, nangma in daan a pia Pathian na hi hi; na thin uukna kilanghsak in!

Pusuana 5:3

Moses le Aaron in, “Hebrew te Pathian sia kote tungah ama le ama hong kilangh zo hi. Topa ka Pathian tungah sangaw biakna pia tu in ni thum sung sennealngam ah hong paisak ta'n. Tuabang ka hi bua uh le ama in natna taw ahibuale ngal taw in kote hong thatlum tu hi,” ci in zo kik uh hi.

Isaiah 1:20

Ahihang kei nong langpan uh le note thi tu nu hi. Keima, Topa in ka son zo hi,” ci hi.

Isaiah 65:12

Note kong sap ciang nong zo bua uh a, kong paupui ciang hong ngai ngawl na hi uh komin, thi ngamh in na thi tu uh hi. Ka thu nit ngawl tu le a sia vawt tu na teal uh hi.

Jeremiah 19:7

Hi munah Judah le Jerusalem mite ii ngealnate theampo ka khak tu hi. A ngalte in ka zosak tu a ngal kidona ah ka thatlumsak tu hi. A luangte sia vacimte le ngamsate ii an tu in ka pia tu hi.

Jeremiah 24:10

Amate le a taanghpupite tungah ka piaksa ngam sungah amate khat zongh a taang nawn ngawl dongin ngal kidona, kialpi tunna le natna ngilo ka tungsak tu hi,” hong ci hi.

Jeremiah 50:28

(Ngaltaite Babylon pan suakta in Jerusalem theng uh a, Babylon te ii a Biakinnpi tungah a vawt nate hu in Topa ih Pathian in bangbangin phula ci sia amate in son uh hi.)

Jeremiah 51:11

Topa in Babylon suksiat tu a sawm hu in Media kumpite thawn zo hi. A Biakinnpi a suksiat hu in ama in hi bangin phulam tu ahi hi. Ngal a sim ngalkapmangte in, “Na thaltang hiamsak vun! Na lum uh la in kithoai vun!

Jeremiah 9:16

Amate ahizong a taanghpupite ahizong ii a zaak ngeingawl minamte sungah amate ka thethaang tu a, amate ka siatcipsak siat matengin a do tu in ngalkap honte ka puak tu hi,” ci in zo hi.

Kaa late 2:21

A moi a haam a kibangin lampi ah thi uh hi. Ngalte in ngaknu le tangval teng namsau taw thatlum uh hi. Na thin uuk ni in hesuak ngawlin amate na thatlum hi.

Ezekiel 14:17

“Tua ahibuale, tua ngam ah ngal ka thengsak thei tu a, tuaciang mihingte le ngannote a kibangin ka maaimot natu in a susia thei ngalhiamte ka puak tu hi.

Ezekiel 20:37

“Ngat takin no kong uk tu a, ka thuciamna kong zuisak tu hi.

Ezekiel 29:8

Tu in, Kei, Vaanglianpipa Topa in kong son a, namsau taw no kong simsak tu a, na mite le na nganhingte hong thalupsak tu hi.

Ezekiel 33:2

Ama in, “A thithei mihing awng, ngam khat tungah ngal ka thetsak ciang bang suak tu ci thu na mite son in. Tua ngammite in amate sung pan ngalvil tu khat teal uh hi.

Ezekiel 5:17

Na tate thatlum tu in ngilkialna le ngamsa ngilote kong puak tu a, tuaciangin nangma thatlum tu in natna, ngoltolna le ngalte kong puak tu hi, Keima, Topa in ka son zo hi,” hong ci hi.

Ezekiel 6:3

Topa kammal sia Israel mualte ii zaak tu in — Vaanglianpipa Topa keima ii mualpite mualnote, luamthukte le lei kuamte tungah ka son thute a zaak tu in na son in: mihingte ii milim te a biakna munte susia tu in namsau khat kong puak tu hi.

Hosea 11:6

Ngal in a khuapite phialmang tu a, a kongpite sutham siat tu hi. A uuk thu in phabel a sak bang po in ngamta ahikom tuasia in ka mite susia hi.

Thiampite 26:6

“Na ngam sungah kilemna kong pia tu a, kuama kiita ngawlin na mu thei tu uh hi. Na ngamsung pan ngamsa ngilote ka hawlkeak tu a, tua munah ngal le sa om ngawl tu hi.

Amos 4:10

“Pul natna khat Egypt ah ka tunsak bangin no tungah kong tungsak hi. Na khangnote ngal sungah ka thatlum a, na siphu te ka la hi. Na ngiaphual uh ah mithi uih taw na naakvang kong dim hi. Tuabang hi napi kei kungah nong heak kik tuan bua lai uh hi.

Habakkuk 3:5

Ama in natnate a mai ah puak a, thina ii a zui tu in thupia hi.

Mi Simna 14:12

A kilaw thei natna puakin amate ka mon tu a, ahizong nang sia amate sangin a lian zaw le a thahat zaw minam khat ii pa in kong vawt tu hi!” ci hi.

Mi Simna 16:49

Korah ii leedona sungah a thite sim ngawlin a thi 14,700 pha hi.

Mi Simna 31:3

Tua ahiciang Moses in mipite tungah, “Topa tungah a vawtnate hangin Midian te sim a daan a pia thei tu in ngalsim tu kinging vun.

Luke 21:11

A lauhuai zinliinna, kialpi tunna, pulpi tunna sia mun theampo ah om tu a, a lamdang a lauhuai nate van panin piang tu hi.

Thuhil kikna 28:21

Ama in na laak tu ngam sungah khat zongh na taan nawn ngawl uh dongin natna khat zawkciang khat hong tungsak tu hi.

Thuhil kikna 32:25

Ngalpi hangin amate lam lai ah thi tu uh a; a bangkua uh sungah patauna tung tu hi. Tangvalno le ngaknuno te thi tu uh a; nausente le khanghaamte zongh kikhoaikhe ngawl tu hi.

Thuhil kikna 32:35

Topa in amate phula in daan pia tu a; a kiamsuk tu hun hong pai tu a; a lal tu ni nai hi.

Thuhil kikna 32:41

a tee vazal ka namsau ka taat tu a, thutang khenna ka musak tu hi, ci in ka kiciam hi. Ka ngalte tungah phu ka la tu a, keima hong ngaimawte daan ka pia tu hi.

Thukhente 15:11

Tua ahikom Judah te mihing 3000 sia Etam liang hawng ah pai in Samson munah, “Philistine te sia ei hong ukte ahi hunlam he ngawl ni ziam? Ko bang hong law thong ni ziam?” ci uh hi. Ama in, “Kei tungah hong vawt bangin amate tungah vawt khi hi,” ci in zo hi.