Thiampite 26:22 - Syin Chin Bible

²² Note sungah a kiitakhuai ngamsate kong puak tu a, na tate, na ngannote hong thalupsakin, note tawm bek taanglai in na lampite uh kinusia tu hi.

Thiampite 26:22 Iomraidhean Croise

2 Kumpite 17:25

Amate tua munah a ten phit sawngin Topa bia ngawl uh ahikom Topa in tawpi te puakin, amate pawlkhat thatlumsak hi.

2 Kumpite 2:24

Elisha hong kingeilee in, amate salh a, Topa min taw haamsiat hi. Tua zawkciang vompui nii duisung pan hong pai in, patangte sung pan 42 laaitham uh hi.

2 Khangtaanghthu 15:5

Tua hun lai in kuama ngammuangin a vak a cia ngam om ngawl hi, banghang ziam cile ngam theampo ah ngimna le buaina om hi.

Isaiah 24:6

Tua ahikom Pathian in leitang haamsiat zo hi. A mite in amate ii vawt bangin thuak uh hi. A nungta mihing tawm vaial hi.

Isaiah 33:8

Lampi liante lauhuai mama ahikom kuama in tawn ngawl hi. Thuciamnate ciampealin, thukimnate kipaltan hi. A kizakta khat zongh om nawn ngawl hi.

Jeremiah 15:3

Keima, Topa in, a lauhuai thu nam li amate tungah tung tu in ka khensat zo hi: Ngal sungah amate kithatlum tu hi; a luangte ui in kaikeak a; vacimte in ne tu hi, tuaciang a om laiteng ngamsate in ne tu hi.

Jeremiah 42:2

“Kong nget uh sia hong vawtsak ta'n! Topa ih Pathian tungah kote atu in thu hong ngetsak ta'n. A nungta lai kote theampo atu in thu hong ngetsak ta'n. Khatvei lai in mihing tam mama ka hi uh a; tu ahile nangma nong mu bangin mihing tawmno bek ma ka taang lai uh hi.

Kaa late 1:4

Ni thiangtho nite ah biakna vawt tu in, Biakinnpi ah kuama hong pai ngawl hi. Tua munah lasa ngaknute in ngim thuak a, a thiampite mau vangui thei bek hi. Khuapi kongpite hawm a, Zion in ngim thuak hi.

Ezekiel 14:15

“Tua ahibuale mihing te a that tu in ngamsa te ka paisak tu a, kuama ngam sungah khualhaw in a kaantan ngam ngawl dongin ka lauhuaisak mama tu hi,

Ezekiel 14:21

Hi sia Vaanglianpipa Topa ii pauna ahi hi: ‘Jerusalem tungah a siabel daan nam li tungsak tu khi hi — ngal, kialpi, ngamsa ngilote le natna te — in mihingte le ngannote a kibangin susia tu uh hi.

Ezekiel 33:28

Keima in tua ngam sia a kinusia ngamtongta ka suaksak tu a, a kiphatsak pui a vaangletna bo tu hi. Israel mualte sia dui thukpui suak tu a, kuama in khualhaw in kaantan thei ngawl tu hi.

Ezekiel 5:17

Na tate thatlum tu in ngilkialna le ngamsa ngilote kong puak tu a, tuaciangin nangma thatlum tu in natna, ngoltolna le ngalte kong puak tu hi, Keima, Topa in ka son zo hi,” hong ci hi.

Thiampite 26:6

“Na ngam sungah kilemna kong pia tu a, kuama kiita ngawlin na mu thei tu uh hi. Na ngamsung pan ngamsa ngilote ka hawlkeak tu a, tua munah ngal le sa om ngawl tu hi.

Micah 3:12

Tua ahikom note hu in Zion sia lo khat bangin kitho tu a, Jerusalem sia nin kholna suakin, Biakinnpi mual sia dui suak tu hi.

Zechariah 7:14

Amate ngamdang ah a teang tu in, vuipi suangval bangin ka niil keak hi. Hi ngampha na sungah a teang om ngawl a, ngamtongta in kinusia hi,” ci hi.

Thuhil kikna 32:24

Amate ngilkial le cisa natna taw thi tu a; a lauhuai natnate taw thi tu uh hi. Ngamsa ngilote in amate ka simsak tu a, ngul ngu neite in ka tusak tu hi.

Thukhente 5:6

Anath ii tapa Shamgar khan sung, Jael ii khan sung, kalaoh hon vanh puate sia ngam kaanin pai nawn ngawl hi, tuaciang khualhaw te in lamzinte tawn uh hi.