Thiampite 26:20 - Syin Chin Bible

²⁰ Hanciam in na nasepna theampo a luithawthong hi tu hi, banghang ziam cile na leitang pan an piang ngawl tu a, thingnote a nga nga ngawl tu hi.

Thiampite 26:20 Iomraidhean Croise

Pianciilna 4:12

An ciin tu na hanciam zong lei pan bangma piang ngawl tu a, inn nei ngawlin leitung ah na vakthap tu hi,” ci hi.

1 Kumpite 18:2

Tua ahikom Elijah hong kipan hi. Samaria a kialpi tung sia a nasia bel laitak ahi hi,

Job 31:40

tuasia ciang zungtaang le mangtaangte a po luangin lopa le lingkungte po tahen. Job ii thu sonte a tawpna hi.

Psalm Late 107:34

Tua munah a teangte ii seksolna hangin, ama in leiphate ci al lei ngamtul suaksak hi.

Psalm Late 127:1

Topa in inn a sa buale inn sate ii dianna in a luithawthong ahi hi; Topa in khuapi a dal buale ngalvilte ii cinna sia a luithawthong ahi hi.

Isaiah 17:10

Israel awng, nang hong suatak a, a thahat suangpi khat bang a hong dal Pathian sia na mangil zo hi. Tuasia taangin, ngamdang pathian khat biak natu in huan thiangthote na vawt hi.

Isaiah 17:11

A kungte na suan ni zing mama in meangin, a paak hial zongin an laak tu na nei peang buatu hi. Ngimna le a dam thei ngawl natna bek om tu hi.

Isaiah 49:4

Keima in, “Ka seam zo hi, ahihang lamet tu mama om ngawl hi! Ka thatang theampo zangh siat zo hi veang i, ahihang bangma ka taangtun bua hi,” ka ci hi. Tua hikale ka vai hong panpui tu in Topa ka muang thei veve hi; ama in ka sepna thaman hong pia tu hi.

Jeremiah 12:13

Ka mite in zungtaang ciing uh a, ahihang lopa bek kaikhawm uh hi; amate nasep hanciam mama ahi uh hang bangma nga ngawl uh hi. Ka thin a uuk mama hu in a ankungte sia hi,” ci hi.

Hosea 2:11

Ama ii poai khaamnate theampo — kum sim le tha sim a poaite le Sabbath poaite — a biakna taw kisai kikhopna theampo ka bosak tu hi.

Thiampite 26:4

Keima in nguatui hun maanin kong pia tu a, tua hile leitang in an piangsak tu a, thingkungte a nga nga tu hi.

Habakkuk 2:13

Na zawthal minamte in a tha a ngal uh a thawthong in bosak a, amate saksate theampo kaanghtum siat hi. Hi sia Topa Vaanglianbelpa ii vawt hi.

Haggai 2:16

ansaal khat ah an kilogramme za nii mu tu in muangmaw a, na pai uh hang kilogramme za khat bek om hi. Bung khat sung pan sapittui litre zakhat duup tu in na pai uh hang sawmli bek om hi.

1 Corinth te 3:6

Kei in thaicii ka poai a, Apollos in a kung tuibuak in, ahihang a khangtosak sia Pathian ahi hi.

Galatia te 4:11

No huvau in ka thinngim hi! No atu ka sep sa teng bangma a kimang thei ngawl a suak bua natu ziam?

Thuhil kikna 11:17

Tuabang na hi uh le no tungah Topa thin uuk tu hi. Ama in nguatui hangsak tu a, leiko leih in an piang ngawl tu hi. Tuaciang Topa in note hong piak ngam le lei sia pha napi tua munah na thi pal tu uh hi.

Thuhil kikna 28:18

“Topa in ta tawm bek a nei tu, an a zawng tu, le khui le tuu tawm bek a nei tu in note hong haamsiat tu hi.

Thuhil kikna 28:42

Na thingkungte le na ankungte theampo lung in netum tu hi.

Thuhil kikna 32:22

Ka thin uukna sia mei bangin kuang a, leitung a om na theampo kaangh siat tu hi. Leinuai dong thengsuk tu a, mualpeangte zongh kaanghtum siat tu hi.