Thiampite 26:16 - Syin Chin Bible

¹⁶ note daan kong pia tu hi. Na mit hong tawsak tu le na nuntakna a bo tu in note tungah tuasiatna — a dam thei ngawl natnate le cisa natnate kong tungsak tu hi. Lo na thaw ancii na poai hangin na phattuamna om ngawl tu hi, banghang ziam cile na ngalte in hong zo in na ciin po hong neaksak tu hi.

Thiampite 26:16 Iomraidhean Croise

1 Kumpite 8:37

“Ngam sungah kialpi, ahibuale natsia tungin, ahibuale ankungte vuisa, ahibuale khaumaw hon in a lalsak ciang, tua ahibuale na mite a ngalte in a sim ciang, tua ahibualaile amate sungah natna satna a om ciang,

Job 18:11

A kiimkot panin launa in ngak hi; tua in a kalsuan simin amate zuizen hi.

Job 20:25

Thaltang khat in a pum sung pailet in tangciak a, a tee thaltang dawn pan a chi mal taak hi, tuaciang a thin laucip hi.

Job 31:8

tuasia ciang ka lo ante laltham tahen a, ahibuale, ka anciinte ngualdang in ne tahen.

Psalm Late 109:6

Ka ngalpa tungah thusit tu in a maan ngawl thukhenpa khat teal in a, ama ngalte khat ma in ama mawsiatsak in.

Psalm Late 73:19

Amate thakhat thu in kisusia in, a kiitakhuai sungah bocip uh hi.

Psalm Late 78:33

Tua ahikom amate ii ni sia husan khat bangin ama in bosak a, a nuntakna sia thakhat thu in lalna taw bosak hi.

Pusuana 15:26

Ama in, “Keima ii maan ka sak sia na vawtna uh taw ka thu nong ni siat uh a, ka thupiakte na zui uh le Egypt te tungah ka tunsak natnate khat zongh kong tungsak buatu hi. Keima in Topa note hong damsakpa “Jehovah Rapha” ka hi hi,” ci hi.

Paunakte 3:33

Topa in mi seksolte inn ah haamsiatna koi a, ahihang a thutangte inn sia thupha pia hi.

Isaiah 10:4

Note ngal kisimna sungah hong kithatlum tu hi, ahibuale zong thongtaakte bangin hong kikai keak tu hi. Tuabang ngawngawn taw zongh in Topa thin uukna thai ngawl lai tu a; daan pia tu in a khut kivaan lai tu hi.

Isaiah 62:8

Topa in a ciliap huai kamciamna khat pia zo a, Ama vaangletna taw tua kamciamna taangtungsak tu hi: “Na antangte sia na ngalte an hi nawn ngawl tu a, Ngamdangmite in na sapittui ne nawn ngawl tu uh hi.

Isaiah 7:2

Syria ngalkap honte Israel ngamsung theng zo hi ci thu Judah kumpipa kung a thet ciang, ama le a mite theampo lausak mama ahikom, vui ii seam thingkungte bangin liing vadil uh hi.

Jeremiah 12:13

Ka mite in zungtaang ciing uh a, ahihang lopa bek kaikhawm uh hi; amate nasep hanciam mama ahi uh hang bangma nga ngawl uh hi. Ka thin a uuk mama hu in a ankungte sia hi,” ci hi.

Jeremiah 15:3

Keima, Topa in, a lauhuai thu nam li amate tungah tung tu in ka khensat zo hi: Ngal sungah amate kithatlum tu hi; a luangte ui in kaikeak a; vacimte in ne tu hi, tuaciang a om laiteng ngamsate in ne tu hi.

Jeremiah 15:8

Tuipi hui ah sennealte sangin note ngam sungah meingong tamzaw hi. Na tangvalte uh a khan saan laitakin ka that a, a nute in ka thuaksak hi. Thakhat thu in amate tungah thin natna le launa ka thengsak hi.

Jeremiah 20:4

Topa mama in ‘Nang sia nangma le nangma a kilausak tu le na lawmte a lausak tu in kong vawt tu a, a ngalte ii namsau taw na lawmte a thalup siat na mu tu hi. Keima in Judah mihingte theampo Babylon kumpipa khutnuai ka then siat tu hi; pawlkhat a ngam ah thongtaak tu in ciapui tu a, a dangte thatlum tu hi.

Jeremiah 5:17

Amate in na ankungte le na an uhte hong khawnsak tu uh a; na tapate le na tanute thatlum tu uh hi. Amate in na tuu le na khuihonte ngo tu uh a, na sapitkungte le na thei kungte susia tu uh hi. Na muan mama uh kulh taw a ki uum khuapite a ngalkapte in susia tu uh hi.

Ezekiel 24:23

Lukhu khu ngawl ahibuale peangnguakin vak heak vun a, khuangai ahibuale kapin om heak vun. Na mawnate hu in na hingkiam tu a, na tau hon tu uh hi.

Ezekiel 33:10

Topa in keima hong paupui hi. Ama in, “A thithei mihing awng, Israel te tungah amate ci teng son kik in: ‘Eite ii ih vawtsa ih mawna le ih khialna vanhngit te ih pua hi. Ih tha bo hi, bangbang nungta thei tu hi ziam?’

Amos 5:11

A zawngte na nengniam uh a, a antangte na suttol uh hi. Tua hu in noma saksa suanginn phate sungah na teang buatu uh a, noma ciin sapithuan hoite pan sapittui na ne buatu uh hi.

Micah 6:15

Lo an na ciing tu uh a, ahihang an na la buatu uh hi. Olive ngate sathau suak tu in na ngoai tu uh a, ahihang na zangh ngei buatu uh hi. Sapittui na vawt tu uh a, ahihang na ne ngei buatu uh hi.

Haggai 1:6

Thaicii tam mama na tu uh a, ahizong an tawm bek na la uh hi. Anneak tawm tu na nei uh a, ahizong na khamkhop tu na nei bua uh hi. Sapittui neak tu na nei uh a, ahizong na kham tham tu na nei bua uh hi. Puansilh na nei uh a, ahizong a lum tham tu na nei bua uh hi. Tuaciang naseam khat in a nuntak khom natu thalaw zo ngawl hi.

Zechariah 14:12

Topa in Jerusalem a sim minamte theampo tungah a kiitak huai mama natna tungsak tu hi. Amate nungta nginge lai in a sa uh muat tu hi; a mitte le a leeite muatcip tu hi.

Malachi 2:3

Na tate daan ka pia tu a, na sangaw biakpiakna nganhingte ii eak sungah na mai kong taat tu hi — tuaciang note eak kholna munah hong kipaipui tu hi.

Thuhil kikna 28:51

Amate in na ngannote le na lo ante hong neaksak tu a, na pukthi tu uh hi. Amate in note atu in antang, sapittui, olive thau, khui ahibuale tuu hong nusiat ngawl tu a; na thi tu uh hi.

Thuhil kikna 32:25

Ngalpi hangin amate lam lai ah thi tu uh a; a bangkua uh sungah patauna tung tu hi. Tangvalno le ngaknuno te thi tu uh a; nausente le khanghaamte zongh kikhoaikhe ngawl tu hi.

Hebrew te 10:31

A nungta Pathian khut sung ih taaksuk tu sia lauhuai mama hi!

Thukhente 6:11

Tua zawkciang Topa ii vantunglalang sia Ophrah khua ah hong pai a, Abiezer phung sungah a pasal khat ahi Joash ii neisa oak thingkung nuai ah hong to hi. A tapa Gideon sia Midian te mu ngawl natu in sapittui suukna munah zungtaang tawm hong cil ku hi.

1 Samuel 2:33

Ahitazong na suan na paalte khat sia keamin ka nungtasak tu a, thiampi in ka na seam tu hi. Ahihang ama sia a mittaw in, a lam etna theampo bo tu hi, tuaciang na suan na paal theampo sia thi ngamh in thi tu hi.