Thiampite 26:13 - Syin Chin Bible

¹³ Keima Topa na Pathian in sila na hi nawn ngawl natu in Egypt pan kong pusuapui hi. Keima in no hong neng suk vaangletna sia ka sumai zo a, vandak sa in hi vaviau in kong kalsuansak zo hi.

Thiampite 26:13 Iomraidhean Croise

Psalm Late 116:16

Kei sia na naseampa khi hi, Topa awng; ka nu ii nang atu hong sepsak bangma in kei zongh in nang atu ka seam hi. Thina panin nong hun zo hi.

Pusuana 14:8

Topa ii a thin a sahsak kumpipa in zawna taw in a pusuak Israel te del hi.

Pusuana 20:2

“Keima in note saltanna Egypt pan hong pusuapui Topa na Pathian ka hi hi.

Pusuana 6:7

Note keima mihing kong suaksak tu a, keima in note Pathian ka hi tu hi. Egypt saltanna pan kong suataksak ciang na Topa na Pathian ka hina nong he tu uh hi.

Isaiah 51:23

Tua hai sia, no hong nengcipte, note lampi tungah hong sial a ninteak bangin hong siikcipte tungah ka pia tu hi,” ci hi.

Isaiah 9:3

Topa awng, nangma in amate lungdamna lian na pia zo hi; nangma in amate na lungdamsak zo hi. Amate in nangma sepsak sate sungah lungdam uh a, mihingte in an a laak ciangin ahibuale a vanh matte a hawm uh ciangin a lungdam bangma in lungdam uh hi.

Jeremiah 2:20

Vaanglianpipa Topa in, “Israel awng, nidang lai pekin ka thuneina nong nial hi; ka thu ni ngawlin nong bia bua hi. Mual saangna theampo tung le thingkung hing theampo nuai ah ta nei theina pathiante na bia hi.

Jeremiah 28:2

Vaanglianbelpa Topa, Israel ii Pathian in “Babylon kumpipa vaangletna ka susia zo hi.

Jeremiah 28:4

Keima in Judah kumpipa, Jehoiakim ii tapa Jehoiachin zongh Babylon ah saltaang a, a pai Judah mite theampo ka ciapui kik tu hi. Hi hi. Keima in Babylon kumpipa vaangletna ka susia tu hi. Keima, Topa in ka ci zo hi,” ci in hong son hi.

Ezekiel 30:18

Amate ii kiphatsakpui Egypt vaangletna le thahatna ka bosak ciang, Tahpanhes khuapi sia khuazing tu hi. Meeikaai khat in Egypt tuam tu hi, tua ciang a khuapi teng theampo sungah mite thongtaak siat tu hi.

Ezekiel 34:27

Thingkungte a nga nga tu a, lote pan an piangin, mihing theampo thinmuang takin a leitang tung tek ah a teang tu uh hi. Ka mite ii thikkol sutan in, a sila kaaina pan ka suut ciang Topa ka hi hunlam amate in he tu uh hi.

Hosea 11:4

Itna le deisakna taw keima sangah amate ka kai hi. Ka domto a ka biangkho taw ka kiphatosak hi; ka kunsuk a, amate an ka vaak hi.

Thiampite 25:38

Hi thu sia Canaan ngam hong piak natu le noma Pathian ahi natu in Egypt ngam pan hong pusuapuipa Topa na Pathian uh ii thu piak ahi hi.

Thiampite 25:42

Israel mite sia Topa ii silate hi a, ama in Egypt pan pusuapui hi; amate sila in kizuak ngawl het tu hi.

Thiampite 25:55

Israel mi khat sia sila hi top thei ngawl tu hi, banghang ziam cile Israel mite sia Topa silate ahi uh hi. Ama in amate Egypt pan pusuapui hi; ama sia Topa, amate ii Pathian ahi hi.

Nahum 1:13

Tu in note tungah Assyria vaangletna ka bosak tu a, hong heenna thikkhaute ka sutan tu hi,” ci hi.