Thiampite 26:11 - Syin Chin Bible

¹¹ A thiangtho ka Puanbuk sungah note taw ka teang tu a, note kong nungngat ngei buatu hi.

Thiampite 26:11 Iomraidhean Croise

2 Samuel 7:7

Israel mite taw ka khualhawna theampo ah a lampui in ka koite khat po tung zongh ah banghangin cedar thing taw a kisa biakinn hong saksak ngawl nu ziam, ci ngeingawl khi hi.’

1 Kumpite 6:13

Tu a na sak hi Biakinnpi sung, Israel ka mite sungah kong teang tu a, tuaciangin amate ka nusia ngei buatu hi,” ci hi.

1 Kumpite 8:13

Tu in a tuanngen biakinn khat nang atu kong saksak zo hi, a tawntungin na ten natu mun ahi hi.”

1 Kumpite 8:27

“Ahihang, Oh Pathian awng, nang leitung ah teang thei takpi tu ni ziam? Vantung theampo zongh nang hong huam tu in lian tham ngawl hi, tua ahikom hi Biakinnpi kei ii sak sia lian khom thong tu ziam?

Psalm Late 106:40

Tua ahikom Topa sia ama mite tungah thin uuk hi; ama in thasiathuai sa hi.

Psalm Late 76:2

Jerusalem ah ama ii inn om hi; Zion Mual tungah teang hi.

Psalm Late 78:59

Pathian in tuate a mu ciang a thin uuk ahikom, ama mite a nial thiang hi.

Pusuana 25:8

Amate sungah ka teen thei natu in, kei atu in mite in puanbuk thiangtho khat vawt tahen.

Pusuana 29:45

Israel mite sungah ka teang tu a, amate ii Pathian ka hi tu hi.

Pusuana 29:46

Israel mite sungah ka teen thei natu in keima in Egypt pan amate a pusuapui Topa a Pathian ka hina amate in he tu uh hi. Keima in amate ii Pathian Topa ka hi hi.

Jeremiah 14:21

Nong kamciamnate phawk in a, kote hong ngaimaw heak in; na minthanna tokhum omna mun Jerusalem mindaisak heak in. Ko taw na vawt thuciamna sia paltan heak in.

Kaa late 2:7

Topa in a biaknatau nial a, ama ii a thiangtho Biakinnpi taisan hi. Ama in Biakinn pangte sia ngalte in balthamsak hi. Khatvei lai in lungdamna taw ih biakna munah amate ngalzo in au uh hi.

Joel 2:27

Tuasia ciang Israel awng, note sungah ka om hunlam na he tu uh hi, keima in Topa, noma ii Pathian ka hi a, Pathian dang om ngawl hi. Ka mite kizawngsak kik ngei nawn ngawl tu hi.

Thiampite 20:23

Tualai ah a teang mite ii ngeinate zui heak vun; hi ngamsung na tum thei natu in hi ngam pan tua doai bia te not keak tu khi hi. A ngamtat siatnate in hong thasiasak hi.

Thiampite 26:15

Note taw ka vawt ka thuciam paltan in, ka thukham le ka thupiakte na nial uh le,

Thiampite 26:43

Ahizong hi leitang, a tawlngak hithet thei natu in a ngammite in a masabel in ngam le lei a taisat kul hi, ka thukham le ka thupiakte nial ahikom amate daan ka piak kul hi.

Thiampite 26:44

Tuabang ahitazong a ngalte ngam sungah a om hun sung zonghin ka nusia bup buatu a, ka mon buatu hi. Tuabangin vawt leng amate taw ka thuciamna bo tu hi, keima in Topa, amate ii Pathian ka hi hi.

Zechariah 11:8

Kei hong ensan tuucing dang thumte tungah ka thin a sau zo bua hi, amate teng sia tha khat sungin ka tawpsak hi.

Ephesus te 2:22

Ama taw na kipumkhatna sung uh ah note zongh, Pathian ii a Thaa taw a teenna munah ngualdangte taw hong kisa khawm hi.

Thuhil kikna 32:19

“Hi thu teng Topa in a mu ciang a thin uuk a, a tapate le a tanute nial hi.

Joshua 22:19

Tu in, na ngam na lei uh sia biakpiak natu in citaak sa ngawl na hi uh le ama Puanbuk omna Topa ii leitang tungah hong pai tavun. Ko sungah leitang pawlkhat sia ko aa hi hong ci tavun. Ahizong Topa ih Pathian biaknatau sia belapna in biaknatau khat a kisakna taw in Topa langpanin leedo heak vun, ahibuale ko zongh a leedote hong suaksak heak vun.

Joshua 22:31

Eleazar thiampipa ii tapa Phinehas in amate tungah, “Tu in ka heak uh thu pan Topa sia ei taw hong omkhawm hi, tua ahikom noma in Topa ii daan hong piak natu panin Israel mite hong suatak nu hi,” ci hi.

Thupualaakna 21:3

Kumpi tokhum pan a ngingin a pau khat ka za hi: “Tu in Pathian omna inn sia mihingte taw omkhawm zo hi! Ama in amate taw teang khawm tu a, ama mihingte a hi tu hi. Pathian mama in amate taw omkhawm tu a, ama in amate ii Pathian ahi tu hi.

Thupualaakna 7:15

Tua ahi hu in, amate sia Pathian kumpi tokhum mai ah dingin sun taw zan taw a biakinn sungah ama atu in na sepsak uh hi. Kumpi tokhum tungah a to pa in amate sia ama ompuina taw dal tu hi.