Thiampite 25:9 - Syin Chin Bible

⁹ Tua zawk tha salina, ni sawm ni, Mawsuutna Ni in ngamsung tengah lemle tum tu in mi khat na paisak tu hi.

Thiampite 25:9 Iomraidhean Croise

Psalm Late 89:15

Lasakna taw nangma hong biate le na dikna khuavak sungah a teangte sia mi lungdamte ahi uh hi.

Psalm Late 89:16

Nangma hangin amate sia sunkhua in lawpna nei uh a, amate in na phatna hu in nang hong pok uh hi.

Isaiah 27:13

Tua ni a thet ciang, Assyria le Egypt ngam ah saltaang in a om Israel te theampo tua mun pan sap kikna tu lemle khat kitum tu hi. Amate hong cia a, Jerusalem khua ama ii mual thiangtho tungah Topa bia tu uh hi.

Thiampite 16:20

Aaron in Thiangtho Bel Mun le Topa ompuina Puanbuk sung mundang teng le biaknatau atu in a zeksa thiansuana a vawt zawkciang, Azazel atu in a kiteal keal nungta lai sia Topa tungah pia tu hi.

Thiampite 16:29

A nuai a ngeinate maisang hun theampo ah zui tu ahi hi. A tha salina, ni sawm ni in Israel te le a teen khoppui ngamdangmite in an tang tu a, na seam ngawl het tu hi.

Thiampite 16:30

Tua ni in biakna taw kisai in a thian natu in amate mawna theampo a thiansua tu in a zeksa teng vawt tu hi.

Thiampite 25:8

Kum sali mun salivei simna a kingawm ciang kum 49 ci in sim vun.

Thiampite 27:17

Piakkikna Jubilee kum zawk po ciang a leitang a aap le, a man a cingin tan tu hi.

Thiampite 27:24

Piakkikna Jubilee kum a cin ciang tua lo a neiphitpa tungah ahibuale a suan a paalte tungah ki aap kik tu hi.

Mi Simna 10:10

Lungnop hunte sung zongh ah — na Thadet Poaite le a dang na biakna poaite ah — meihal biakpiaknate le pawlkhop biakpiaknate na piak uh ciang lemlete tum tu nu hi. Tuasia ciang no kong hu tu hi. Keima in Topa na Pathian ka hi hi.” ci hi.

Mi Simna 36:4

Kipiak kikna Jubilee kumin, a kizuaksa theampo a nei ciilte tungah a kipiak kik ciang, Zelophehad tanute neisa sia a teenna nam ii neisa belapna hi paisuak tu a, ko nam ii supna hi tu hi,” ci uh hi.

Romete 10:18

Tua ahile amate in a thu za ngawl hi tu ziam?, ci in kong dongh hi. Za hi — laithiangtho in hi bangin ci hi: “Leitung theampo ah amate ii aw theng hi; Amate ii kammal leimong dong theng hi.”

Romete 15:19

nalamdang lakna le a lamdang nate ii vaangletna le Pathian Thaa ii vaangletna taw hong seam zo hi. Tua ahiciang Jerusalem pan Illyricum ah khualhaw in ka paina ah Christ huvau Lungdamna Thupha a cingin ka thangsak zo hi.

1 Thessalonica te 1:8

Bangbang ziam cile Topa thu in no tung pan Macedonia le Achaia kaantan in pai a, tua bek dom ngawlin, Pathian na upna uh thu sia mun theampo ah thang hi. Tua ahikom thudang bangma ka son tuan tu kisamh ngawl hi.

Joshua 6:4

Thiampi sali sia lemle khat tek toai in Thuciamna Thingkuang mai ah pai tu hi. A ni sali ni ciangin nang le na ngalkapte sia khuapi kiimkot salivei pai tu nu hi, tuasia laitak thiampite in lemle tum tu uh hi.