Thiampite 25:2 - Syin Chin Bible

² Israel mite tungah a nuai a zui tu ngeinate a piak tu in thupia hi. Topa hong piak tu ngam ah na tum uh ciang a kum sali kum simin lothaw ngawlna taw Topa na upat tu uh hi.

Thiampite 25:2 Iomraidhean Croise

2 Khangtaanghthu 36:21

Tuabangin kamsaang Jeremiah tungtawn a, Topa ii hi bang a sonkhol sa sia taangtung hi: “Sabbath tawlngakna a kitang ngawl teng lo kik natu in a ngam sia kum sawmsali sung ngamtongta hi tu hi.”

Psalm Late 115:16

Vantung sia, Topa bek ii neisa hi a, ahihang simlei sia mihingte atu in pia hi.

Pusuana 23:10

“Kum luk sung na lo ah thai na ciing tu uh a, an piang teng na kaikhawm tu uh hi.

Isaiah 8:8

Judah ngam sungah tuipawm bangin amate pai tu a, liangko dong tui khangin na theampo khum siat tu hi,” ci hi. Pathian sia eite taw omkhawm hi! Ama ii tha kiphalte in ngam hu hi.

Jeremiah 27:5

“Ka vaangletna le ka thahatna taw in leitung mihing nam le leitung ah a teang nganhingte theampo ka bitphua a; tuate sia ka piak nop pawpo tungah ka pia hi.

Thiampite 14:34

inn sungah cipawl natna kizel in a om ciang a nuai a zui tu ngeinate pia hi. (Hite sia Israel mite ii lua tu in Topa ii a piak tu Canaan ngamsung a tum zawkciang a zak tu ngeinate ahi hi.) Topa in a inn sungah cipawl natna puak hi ci in mihing khat pawpo in a mu le pai in thiampipa tungah son nanak tu hi.

Thiampite 23:32

Tua tha ni kua ni nitum pan kipan ni sawm ni nitum dong sia a tuam vilvel tawlngakna ni in na tan tu uh hi a, tua hun sungin bangma kine thei ngawl tu hi.

Thiampite 25:1

Topa in Sinai Mual tungah Moses paupui a,

Thiampite 25:3

Kum luk sung lo na poai tu uh a, na sapitbaakte tan a puuapha in, lo ante na kaikhawm tu uh hi.

Thuhil kikna 32:49

“Jericho khuapi ii langkhat a om Moab te ngamsung Abarim Mual te ah pai in a, Nebo Mual tungah kaato in, Israel mite ka piak tu Canaan leitang en in.

Thuhil kikna 32:8

A Saangbel Pa in minamte a ngam a lei tu pia a; mite teen natu mun khensatsak hi. Ama in minam simin vantung mi khat tek pia a,

Thuhil kikna 34:4

Tua zawkciang Topa in Moses tungah, “Hi ngam le lei sia a suan a paalte tungah piak tu in Abraham, Isaac, le Jacob tungah ka kamciamsa ahi hi. Nang kong musak zo a, ahizong tua munah kong paisak buatu hi,” ci hi.