Thiampite 25:10 - Syin Chin Bible

¹⁰ Hi bangin kum sawmngana kum sia na koituam tu a, ngam sungah a teang theampo tungah suatakna thu na thangsak tu uh hi. Tua kum in na zuak sa uh vanhte theampo, a nei sia kungah, ahibuale a suan a paalte kungah kipia kik tu hi, sila in a kizuaksa te zongh a innkuanpuite kungah cia kik tu hi.

Thiampite 25:10 Iomraidhean Croise

Ezra 1:3

Ama mi ahi note theampo taw Pathian hong omkhawm tahen. Note Jerusalem ah pai tavun a, Jerusalem ah a kibia Pathian, Israel te ii Pathian, Topa ii Biakinnpi sa kik vun.

Psalm Late 146:7

Zawthawk a thuakte sangah pangin thukhen a, a ngilkialte an pia hi. Topa in thongtaakte suaktasak hi,

Pusuana 20:2

“Keima in note saltanna Egypt pan hong pusuapui Topa na Pathian ka hi hi.

Isaiah 49:9

Keima in thongtaak mite tungah, ‘Suakta takin pai vun!’ ka ci tu a, khuazing sungah a omte tungah, ‘Khuavakna ah pusuak vun!’ ka ci tu hi. Amate sia mual tungah a taa tuute taw kibang tu uh hi;

Isaiah 63:4

Ka mite ka ngup tu hun hong theng zo hi ci in ka khensat hi; a ngalte daan piak tu hun hi zo hi.

Jeremiah 34:10

Mipite le a lampui theampo in a silate a suatak tu uh le sila a, a kai kik nawn ngawl natu thukim uh hi. Amate in a silate suaktasak uh hi,

Jeremiah 34:8

Kuama in Israel a mipuite sila in a nei ngawl natu in Zedekiah kumpipa le Jerusalem mite in pa ahizong numei ahizong Hebrew a mipui silate a suatak natu in thukimna khat vawt uh hi.

Ezekiel 46:17

Ahihang kumpipa in a neisa leitang khat pawpo sia a naseam khat po tungah a pia le Puakik Kum a thet ciang, kumpipa ii neisa suak kik tu hi. Tua leitang sia ama ii neisa hi a, ama le a tapate bek in a tawntungin nei thei tu hi.

Thiampite 25:11

Lo na tho buatu uh a, a lipo ante zongh na la buatu uh hi, na ho ngawl sapitngate zongh na lo buatu uh hi.

Thiampite 25:13

Hi kum sungin a kizuaksa na theampo a neite kungah kilee kiksak siat tu hi.

Thiampite 25:41

Tuasia hun ciang ama le a tate in nangma hong nusia tu a, a innkuanpuite le a taanghpupite neisa omna ah cia kik tu uh hi.

Thiampite 25:54

Hi bang lam khat pawpo taw a kisuaktasak buale ama le a tate sia Piakkikna Jubilee kum kik ciang kisuaktasak nanak tu hi.

2 Corinth te 3:17

Tu in hi lai sungah “Topa” ci in a ki at sia Thaa ahi hi; Topa ii Thaa omna munah suatakna om hi.

Galatia te 4:25

Hagar sia Arabia ngam Sinai Mual ii lim hi a, a mihingte theampo taw sila kaai in a om lai hun Jerusalem khuapi ii lim ahi hi.

Galatia te 5:13

Ka suapuite awng, no sia a suakta tu in hong kisam hi. Ahihang hi suatakna in chi le sa deina ii hong ukna tu a paulap nuam hisak heak vun. Tua taangin ki itna taw khat le khat kihu vun.

1 Peter 2:16

A suakta mite bangin nungta vun; ahizong ngitlo ngamtatnate seal natu in na suatakna uh zangh heak vun a, Pathian ii silate bangin nungta tavun.