Thiampite 24:8 - Syin Chin Bible

⁸ Sabbath ni sim, maisang hun theampo ah tua anluumte Topa ompuina ah kikoi tu hi. Hisia a tawntungin Israel te sep tu ahi hi.

Thiampite 24:8 Iomraidhean Croise

1 Khangtaanghthu 23:29

Pathian tungah a kipia anluum, biakpiakna in a kizangh zungtaang vuite, tol kisaw ngawl muhpheangte, a ki em biakpiak nate, olive thau a kihel zungtaang vuite; biakinn ah a kipia vanhte toaikhai tu le teesak tu;

1 Khangtaanghthu 9:32

Kohath bee le phung sung pan mite in Sabbath ni sim Biakinnpi atu anluum thiangtho vawt tu vaipuak nei uh hi.

2 Khangtaanghthu 13:11

Zing sim nitak simin amate in ama tungah ngimnamtui biakpiakna le nganno taw pumhal sangaw biakpiaknate nei uh hi. Amate in zeksa ngeina bangin a thiangtho sabuai tungah anluum biakpiakna pia a, tuaciang nitak simin khamh meivak khuam tungah meiinnte de uh hi. Kote in Topa thupiak bang ka seam uh hi, ahihang note in ama na nusia uh hi.

2 Khangtaanghthu 2:4

Topa ka Pathian ka patoai natu in biakinn khat ka sak laitak hi. Tua mun sia mun thiangtho hi tu a, keima le ka mite in zing sim nitak sim, Sabbath ni zongh, Thadet Poaite le a dang ni thiangtho nite ah Topa ih Pathian patoaina in meihal biakpiakna mun hi tu a, tatsat ngawlin ama tungah anluum thiangtho piakna mun, hel namtui, ngimnamtui tuatuamte halna taw ama ka biana mun hi tu hi. Tusia a tawntungin vawt tu in Topa in Israel te thupia zo hi.

Nehemiah 10:33

Kote in biakinn biakpiak natu in a nuai a teng a thiangtho anluum, ni sim biakpiakna antang, ni sim biakpiakna ah a kihal tu ngannote, Sabbath te atu in a thiangtho sumpite, Tha Thak Poaite le a dang poaite, a dang a thiangtho biakpiaknate, Israel te mawphel natu biakpiaknate, le Biakinnpi atu a kisamh nadang theampo ka pia tu uh hi.

Pusuana 25:30

Sabuai sia Thuciamna Thingkuang mai ah kikoi tu a, kei hong kipia anluum thiangtho sia tua sabuai tungah kilui tawntung tu hi.

Mi Simna 4:7

Topa tung anluum piakna sabuai tungah amate in vancii puan pha tu a tua tungah pakante, ngimnamtui bungte, biakpiakna kuangte le sapittui biakpiakna thawlte koi tu uh hi. Sabuai tungah anluum om tawntung tu hi.

1 Samuel 21:7

(Saul ii Edom pan a tuucing ukpa Doeg sia tua ni in tua munah biakna vai sepna khat a khuangkhimsak tu in na om luilam hi.)