Thiampite 23:40 - Syin Chin Bible

⁴⁰ Tua ni in na thingnote ii nga phabelte, palm baakte, thingtee baakboaite pawlkhat la in Topa na Pathian patoaina in biakna poai kipan tu nu hi.

Thiampite 23:40 Iomraidhean Croise

Psalm Late 137:2

A nai a om pakngiam kungte tungah ka tengtonghte uh ka khai uh hi;

Psalm Late 92:12

Thutangte palm kungte bangin limci tu hi; amate Lebanon ah Cedar thingkungte bangin khang tu hi.

Isaiah 35:10

Amate in thinnopna taw lasa in, au in lungdamna taw Jerusalem khua theng tu uh hi. Amate heena le khuangaina taw kipeal tawntungin, lungdam top tu uh hi.

Isaiah 44:4

Amate in pha takpi in tui a kibuak lopate le, luitui luangte hui ah a po pakngiam thingte bangin khang tu uh hi.

Isaiah 66:10

Jerusalem taw lungdam khawm vun; ama atu in lungdam vun, hi khuapi a it note theampo awng! ama atu in a hee a kap note theampo awng, tu in ama taw lungdam khawm vun!

Thiampite 23:39

Lo an na laak zawk uh ciang, tha salina ni sawm le ni nga ni pan kipan ni sali sung hi poai khaam tu nu hi. Ni masabel ni sia a tuam vilvel tawlngakna ni hi tu hi.

Thiampite 23:41

Tua poai ni sali sung vawt tu nu hi. Hi ngeina sia na suan na paalte ii maisang hun theampo ah a zui tu ahi hi.

Matthew 21:8

Mihonpi in a laktong puasilh uh lampi ah pha in a dangte in thingsawl saatin, lam tungah pha uh hi.

John 12:13

Tua ahikom amate in palm thingbaakte la in, ama muak tu in pai uh a, “Pathian pok vun! Topa min taw hong paipa, Pathian in thupha pia tahen! Pathian in Israel Kumpipa thupha pia tahen!” ci in au uh hi.

John 16:22

Tuasia bangma na hi tu uh hi: tu in hee nu hi, ahizong kei in note kong mu kik tu a, na thinsung uh lungdamna taw kidim tu hi, tua lungdamna in kuama ii hong laaksak thei ngawlte ahi hi.

Romete 5:11

Ahihang tua teng bek hi ngawl hi; Pathian lawmte hong suaksak Topa Jesus Christ tungtawn a Pathian sepna tungah ih lungdam hi.

Thuhil kikna 12:12

Tua mun Topa mai ah na tate, na naseamte le na khuate sungah a teang Levi te taw lungnuam khawm tavun; Levi te in lo ngam a nei ngawl natu thu phawk tavun.

Thuhil kikna 12:7

Tua munah note thupha hong pia Topa na Pathian mai ah nangma le na innkuanpuite in an ne in na vawt sa thuphate tungtawnin na lungdam tu uh hi.

Philippi te 3:3

A maan vunteap atna a neite sia amate hi ngawl a, eima ih hi zaw hi, banghang ziam cile eite in Pathian sia ama Thaa taw ih bia a, Christ Jesus taw pumkhat a ih nuntakna sung ah, a lawpte ih hi hi. A puatham cii le sa limte tungtaang ah eite in muanna ih nei bua hi.

Philippi te 4:4

Topa taw pumkhat na hi hu in, a tawntung lungdam tavun. Kong ci kik hi: na lungdam tavun!

1 Peter 1:8

Ama mu ngeingawl na hi uh hang na it uh a, tu zongh in ama mu ngawl na hi uh hang na um uh hi. Tua ahikomin, kam taw a kison zo ngawl dongin lungdamna lianpi taw nasia takin na lawp uh hi,

Thupualaakna 7:9

Hisia zawkciang ka et le, kuama ii sim zawk ngawl tu mihonpi khat om hi! Amate sia minam, bee le phung, ngam tuatuam le kam namcin pan hi a, amate in puantual kaang silh a, a khut sungah palm sawl toai in Tuuno kumpi tokhum mai ah ding uh hi.