Thiampite 23:3 - Syin Chin Bible

³ Note in na nasep natu in ni luk sung nei nu hi, ahizong ni sali ni, Sabbath sia tawlngakna ni ahi phawk vun. Tua ni in naseam heak vun, ahizong biakpiakna vawt tu in kikhawm vun. Koisung po na teang uh zong Sabbath sia Topa neisa ahi hi.

Thiampite 23:3 Iomraidhean Croise

Pusuana 16:23

Moses in amate tungah, “Topa in zing ciang sia ama tungah a ki aap tawlngakna ni thiangtho ni khat hi, ci in thu hong pia hi. Tuni in na em nop teng le na huan nop teng em in huan tavun. A taanglai teng peuma zing ciang atu in koituam vun,” ci hi.

Pusuana 16:29

Tawlngak ni hong pia pa sia keima Topa ka hina phawk tavun a, tua ahi hu in ni nii sung na khom tu uh an, ni luk ni in kong pia tawntung tu hi. Ni sali ni in a kuama po a omna munah om tu a, inn pan pusuak ngawl tu hi,” ci hi.

Pusuana 16:30

Tua ahiciang mite in ni sali ni in naseam ngawl uh hi.

Pusuana 23:12

“Nipi khat sung ni luk naseam in, ahizong ni sali ni in naseam heak vun, tua hile note na hong sepsak na silate le ngamdangmite, na ngannote zongh tawlnga thei tu uh hi.

Pusuana 34:21

Ni luk sung noma na sep tu hun na nei uh a, ahizong lothaw hun le anlaak hun ngawngawn in ni sali ni in naseam heak vun.

Isaiah 56:2

Sabbath tang tawntungin a zangh khial ngawl mite thupha ka pia tu hi. A sia bangma a ngamta ngawlte thupha ka pia tu hi,” ci hi.

Isaiah 56:6

Topa in ama mihingte sungah a kihel, ama it in a na a seam, Sabbath tang a, ama ii thuciamna kip takin a len ngamdangmite tungah:

Isaiah 58:13

Topa in, “Sabbath sia thiangthosakin tua ni in noma meet natu bek zong ngawlin; ka ni thiangtho ni sia man neisakin, khualhaw ngawl, naseam ngawl ahibuale tua ni in kam mannung ngawl pau ngawlin na omna taw zatakna na pia uh le,

Thiampite 19:3

Kong thupiak bangin note in na nu le na pa zakta vun a, Sabbath tang vun. Keima in Topa na Pathian ka hi hi.

Luke 13:14

Synagogue keam upa pa in Sabbath ni a, Jesus ii ciina a damsak hu in, a thin uuk hi. Tua ahikom mipite tungah, “Nipi khat sungah na ih sep natu ni luk om hi. Tua ahiciang, tua nite ah ciidam nga tu in hong pai tavun a, Sabbath ni in hong pai heak vun” ci hi.

Luke 23:56

Tua zawkciangin amate in a luang zut natu in, hel namtui le paaknamtuite vawtkhol tu in inn ah cia kik uh hi. Thukham om bangin amate Sabbath ni in tawlnga uh hi.

Sawltakte 15:21

Banghang ziam cile, Moses Thukham sia Sabbath ni simin, synagogue te ah khuangei hialma kisim zo a, ama kammalte sia khua sim ah kihil zo hi,” ci hi.

Thupualaakna 1:10

Topa ii ni in, Thaa in kei hong uk a, aw nging khat ka za hi, tua aw sia lemle aw bang hi a, ka nungsang panin hong paupui hi.