Thiampite 23:28 - Syin Chin Bible

²⁸ Tua ni in naseam heak vun, banghang ziam cile tua ni sia mawna a mai natu a zeksa sep ni ahi hi.

Thiampite 23:28 Iomraidhean Croise

Isaiah 53:10

Topa in, “Hi bang a thuak natu sia keima deina ahi hi; a thina sia mawna maisak natu in biakpiakna ahi hi. Tua ahiciang ama in a suan le a paalte mu tu hi; Ama a khansau in, ama tungtawnin ka tupna taangtung tu hi.

Daniel 9:24

“Mawna le ngamtat siatna pan na mite le na khuapi thiangtho a suataksak natu in Pathian in kum sawmsali ii a salivei hunsung ciangtan zo hi. Mawna kimaisak tu a, tawntung thukhaikim thu om tu hi, tuasia ciang mukholna le kamsaanna taangtung takpi tu a, a Biakinnpi thiangtho sia aapna kinei kik tu hi.

Thiampite 16:30

Tua ni in biakna taw kisai in a thian natu in amate mawna theampo a thiansua tu in a zeksa teng vawt tu hi.

Thiampite 16:33

Thiangthobel Mun Topa ii ompuina Puanbuk a taanglai teng, biaknatau, thiampite le taangpi taangta theampo, thiansua natu in a zeksa teng vawt tu hi.

Thiampite 16:34

Hi ngeinate maisang hun theampo ah zui tu ahi hi. Israel mite mawna theampo thiansua natu in hi zeksa ngeina sia kum khat in khatvei kivawt hamtang tu hi. Tuabangin Moses in Topa thupiak bangin seam hi.

Zechariah 3:9

Joshua mai ah mai sali a nei suang khat nguak ka koi tu hi. Tua tungah lai kong khen tu a, ni khat thu in hi ngam ii mawna teng ka lakeak tu hi.

Hebrew te 10:10

Pathian dei bangin Christ in ngamta ahikom, ama ii tawntung atu khatvei lian a pumpi a kipiakna hu in eite theampo mawna pan hong kithiansua hi.

Hebrew te 10:14

Tua ahiciang ama in khatvei a kipumpiakna taw mawna pan a kithiansuate, a tawntung atu in a cialcing suaksak hi.

Hebrew te 9:12

Christ in Thiangthobel Mun ah khatvei lian a tum zawkciang, ama in, kealte le khuitalte ii chi sia biakpiakna tu in a keng bua hi. Ama chisan piazaw in, ei atu in tawntung ngupna hong ngasak hi.

Hebrew te 9:26

tuabang hi thong le, simlei a kibitphua pan kipan tamveipi na thuak zo tu hi. Tu in hunkhen theampo a tawp natu hong nai ciangin, ama le ama a kipiakna taw mawna kithiansua natu in, ama in a tawntung atu, khatvei lian hong kilaak zo hi.

1 John 2:2

Tuaciang Christ mama in eite ii mawna bek hi ngawlin a kuama po ii mawna zongh maisakna a pianna pa ahi hi.

1 John 4:10

Itna ih ci sia in hisia ahi hi: eite in Pathian a it ih hi bua a, Pathian in eite hong it manin ih mawna a mai natu in a Tapa hong paisak hi.

1 John 5:6

Jesus Christ sia, tui a kiphumna tui le a thina chisan taw hong paipa ahi hi. Ama in tui nguak taw hong pai ngawlin, tui le chisan taw hong pai hi. Tuaciang Thaa mama in hi thu maan hi ci in tetti pang hi, banghang ziam cile Thaa sia Thumaan thutak ahi hi.