Thiampite 23:19 - Syin Chin Bible

¹⁹ Mawphel biakpiakna in kealtal khat le kipawlkhop biakpiakna in kum khat a pha tuutalno nii zongh pia vun.

Thiampite 23:19 Iomraidhean Croise

Thiampite 16:15

Tua zawkciang, ama in mipite mawphel biakpiakna in kealtal ngo tu a, Thiangtho Bel Mun ah a chi paipui in khuital chi a the bangma, a sitna tung le Thuciamna Thingkuang mai teng the tu hi.

Thiampite 23:18

Tua anluum taw taangpite in a mealhem ngawl kum khat a pha, tuuno sali, khuital khat le tuutal nii pia tu uh hi. Tuate Topa tungah meihal biakpiakna in antang biakpiakna le sapittui biakpiakna taw kipiakhawm tu hi. Hi biakpiakna ii ngimnam in Topa lungkimsak hi.

Thiampite 23:20

Thiampipa in thiampite atu in Topa tungah a tuam vilvel letsong in anluum sia tuunote nii taw pia tu hi. Hi biakpiaknate thiangtho hi.

Mi Simna 15:24

taangpite ii a heak ngawlna hu in, tuabang khial tha ahile amate in meihal biakpiakna, Topa a lungkimsak ngimnamtui, antang biakpiakna le sapittui biakpiakna taw in khuital khat pia tu hi. Amate in mawphel biakpiakna in kealtal khat pia thua tu hi.

Mi Simna 28:30

Mawphel biakpiakna in kealtal khat zongh pia vun a, hi bangin mipite atu in a zeksa thiansuana vawt vun.

Romete 8:3

Mihing thaneamna hu a Thukham ii vawt zawk ngawlte Pathian in vawt zo hi. Ama in mihing pianzia sungah mawna a bo cimitsak natu in mihingte mawna pianzia teng ma hong keng a, ama Tapa sia mawna kitat natu in hong pia hi.

2 Corinth te 5:21

Ama taw ih kipumkhatna hangin Pathian bang a, thumaan thutang ih sua thei natu in, mawnei ngawl Christ sia Pathian in eite taangin mawnei suaksak hi.