Thiampite 23:1 - Syin Chin Bible

¹ Topa in Moses tungah

Thiampite 23:1 Iomraidhean Croise

1 Khangtaanghthu 23:31

tuaciang Topa tungah biakpiaknate Sabbath ni, Thadet Poai le poai dangte ah a kihal simin Topa pok tu le ama min thansak tu ahi hi. Hun simin hi nasep a seam tu Levi mi phaza a see na in a zui tu ngeina te kivawt hi. Hun theampo ah Topa biak natu vaipuak sia Levi te kiseesiat hi.

2 Khangtaanghthu 2:4

Topa ka Pathian ka patoai natu in biakinn khat ka sak laitak hi. Tua mun sia mun thiangtho hi tu a, keima le ka mite in zing sim nitak sim, Sabbath ni zongh, Thadet Poaite le a dang ni thiangtho nite ah Topa ih Pathian patoaina in meihal biakpiakna mun hi tu a, tatsat ngawlin ama tungah anluum thiangtho piakna mun, hel namtui, ngimnamtui tuatuamte halna taw ama ka biana mun hi tu hi. Tusia a tawntungin vawt tu in Topa in Israel te thupia zo hi.

2 Khangtaanghthu 8:13

Ama in Moses Thukham bangin meihal biakpiaknate ni thiangtho ni sim atu in pia hi: Sabbath nite, Thadet Poaite le kum sim a kivawt poai thumte — Tol kisaw ngawl Anluum Poai, Anlaak Poai le Buk Poai te ahi hi.

Isaiah 1:13

Nong paipui uh biakpiaknate kimanna nei ngawl hi. Na hal uh paaknamtui ngim ka kii hi. Thadet Poaite, Sabbath nite le biakna kikhopnate ka thuak zo bua hi; tuate a vekpi in na mawnate uh in ninsak siat hi.

Ezekiel 44:24

Thukhen tu thu khat a pian ciang, thiampite in keima thukhamte bangin thukhen tu hi. Amate in biakna poaite sia a zui tu ka piak thute le ngeinate bangin vawt tu a, ka Sabbath thiangthosak tu uh hi.

Ezekiel 45:17

Ama in Israel minam bup ii Thadet Poaite, Sabbath te le a dang poaite theampo atu in nganhing pum bup meihal biakpiak natu nganhingte, antang biakpiakna le sapittui biakpiaknate a piak tu sia ama vaipuak ahi hi. Ama in mawphel biakpiakna, antang biakpiakna, nganhing pum bup meihal biakpiakna le kipawlkhop biakpiaknate sia Israel mite ii mawna khialnate kiphel natu in pia tu hi,” ci hi.

Ezekiel 46:11

Poai vawt nite le Poaite ah khuital, ahibuale tuutal khat a piak simin antang litre sawm le sali le a lang taw pia tu a, tuuno khat a piak simin biakpiakna a vawt pa in a piak nop pawpo pia tu hi. Olive thau litre thum sia tuabang antang biakpiakna taw veu pia khawm tu hi.

Thiampite 22:33

na Pathian ka hi natu in Egypt pan note kong pusuapui hi. Keima in Topa ka hi hi,” ci hi.

Thiampite 23:2

Israel mite ii a biak kikhop ciang, biakna poaite atu in a zui tu a nuai a ngeinate pia hi.

Thiampite 23:44

Hi bangin Topa patoaina in biakna poaite a khaam ciang Israel mite zui tu ngeinate Moses in pia hi.

Mi Simna 15:3

Meihal biakpiakna, kiciamna taangtutna biakpiakna, thinzaw biakpiakna ahibuale a hun zui a na vawt biakna poaite biakpiakna ah ngaw tu in khuital khat, tuutal khat, tuu khat ahibuale keal khat Topa tungah kipia thei tu hi; hi an taw biakpiaknate ii ngimnamtui sia in Topa lungkimsak hi.

Galatia te 4:10

Nite, thate, khuahunte le kumte na thupi laak uh hi.

Colossae te 2:16

Tua ahikom neak le dawn huvau ahizong, a thiangtho nite huvau ahizong, Thadet poai le Sabbath nipi huvau ahizong note tungah zui tu ngeina vawtsak heak vun.