Thiampite 22:4 - Syin Chin Bible

⁴ “Aaron suan le paalte sung pan a kiitakhuai vun natna veite, ahibuale meima naai neite in biakna taw kisai in a thiantho mateng a thiangtho biakpiakna ante ne ngawl tu hi. Thiampi khat pawpo in mithiluang taw a kithutha a nin khat pawpo, ahibuale bawtui a tee pa khat,

Thiampite 22:4 Iomraidhean Croise

Thiampite 11:39

A kine thei nganhing khat a thi le, tuasia a tham pawpo nitak dongin thiang ngawl tu hi.

Thiampite 15:17

Tua bawtui a taakna puan taw ahibuale savun taw kivawt na khat pawpo sia silthiang tu a, ahizong nitak dongin tua na sia nin veve hi.

Thiampite 2:10

A taanglai biakpiaknate thiampite neisa hi a; Topa a kipia an sung pan a kila ahikom, thiangtho mama hi.

Thiampite 2:3

A taanglai antang teng thiampite neisa hi a, Topa a kipia an sung pan a laak ahikom, thiangtho mama hi.

Thiampite 21:1

Aaron suan thiampite tungah a son tu in Topa in Moses thupia a, “Thiampi peuma sia a nu, a pa, a tapa, a tanu, a suapuinu, a suapuipa le inn ah a om pasal nei ngawl a suapuinu a thi ciang simngawl a dang mealheak khat mithi vuina ah a kihelna hu in, biakna taw kisai in a nin kisua heak hen.

Thiampite 21:22

Tuabang mihing khat in ka tungah hong kipia biakpiakna, a thiangtho biakpiakna le a thiangtho mama biakpiakna ante ne thei tu a,

Haggai 2:13

Tuaciang Haggai in, “Sonteena, mihing khat in mithi a tham hu in nin hi ci tawng. Tua zawkciang ama in hi ante khat pawpo a tham le tuate zongh ninsak tu ziam?” ci in dongh hi. Thiampite in, “Ninsak tu hi,” ci in zo hi.

Mi Simna 18:19

“Israel te ii keima hong piaktuamte theampo maisang hun theampo atu in, nangma, na tapate le na tanute kong pia hi. Hi thu sia nangma le na suan na paalte taw ka vawt a kipaltan thei ngawl thuciamna ahi hi,” ci hi.

Mi Simna 18:9

Biaknatau ah a kihal ngawl, a thiangthobel biakpiaknate panin a nuai a teng nangma aa ahi hi: antang biakpiakna, mawphel biakpiakna le khialphel biakpiakna te ahi hi. Kei tungah hong kipia a thiangtho biakpiakna te a vekpi in nangma le na tapate aa ahi hi.

Mi Simna 19:20

Mihing khat pawpo biakna taw kisai thiang ngawlin, ama le ama a kithiansua buale thiang ngawl veve hi, banghang ziam cile kithiansuana tui ama kibuak ngawl lai hi. Ama in Topa ii Puanbuk ninsak a, Pathian ii mi khat in kingaisun nawn ngawl tu hi.