Thiampite 22:32 - Syin Chin Bible

³² Ka min thiangtho daisak heak vun; Israel mite theampo in thiangtho ka hina hong saan kul hi. Keima in Topa ka hi a, note kong thiangthosak hi;

Thiampite 22:32 Iomraidhean Croise

Isaiah 5:16

Ahihang Vaanglianbelpa Topa in ama ii letna sia thutang sepna taw lak a, ama thianthona sia a mite tungah a thu khenna taw pualaak hi.

Isaiah 8:13

Keima, Vaanglianbelpa Topa ka thiantho hunlam na ciamtee in; na kiitak tatak tu sia keima ka hi hi.

Thiampite 10:3

Tuasia ciang Moses in Aaron tungah, “Topa in ‘Ka na a seamte theampo in ka thianthona zakta tu hi; ka mite tungah ka vaangletna ka pualaak tu hi’ a ci ciang a deina sia, tubang ahi hi,” ci hi. Ahizong Aaron bangma pau ngawl hi.

Thiampite 18:21

Molech pathian biakna ah zak tu in na tate khat zongh pia heak in, banghang ziam cile tua in Topa ahi Pathian ii min daisak tu hi.

Thiampite 20:8

Ka thukhamte hong zui tavun, banghang ziam cile Keima in Topa hi a, kong thiangthosak hi,” ci hi.

Thiampite 21:15

Tuabang ahibuale a thiangtho tu a tate sia biakna taw kisai in a thiang ngawl suak tu hi. Keima in Topa hi a, ama sia Thiampi Lianbel in ka koituam zo hi,” ci hi.

Thiampite 21:8

Mite in thiampipa a thiangtho in ngaisun tu hi, banghang ziam cile an taw biakpiaknate kei tungah hong pia hi. Keima in Topa ka hi hi; keima ka thiangtho a, ka mite ka thiangthosak hi.

Thiampite 22:16

a thiangtho biakpiakna ante ninsak ngawl tu hi; a ninsakte a maw hi tu a, daan thuak tu hi. Keima in Topa ka hi a, biakpiaknate ka thiangthosak hi,” ci hi.

Thiampite 22:2

thupia a, “Ka min thiangtho na daisak ngawl het natu in Israel mite ii ka tungah hong aaptuam a thiangtho biakpiaknate ciliap tavun. Keima in Topa ka hi hi.

Thiampite 22:31

Topa in, “Ka thupiakte zui vun; Keima in Topa ka hi hi.

Thiampite 22:33

na Pathian ka hi natu in Egypt pan note kong pusuapui hi. Keima in Topa ka hi hi,” ci hi.

Matthew 6:9

Tua ahiciang hi bangin thu ngen vun: Vantung a om kote Pa awng: Na min thiangtho ki upat tahen;

Luke 11:2

Jesus in amate tungah, “Thu na nget uh ciangin hi bangin ci vun: ‘Pa awng, Na min thiangtho ki upat tahen; Na Ngam hong piang tahen,

John 17:17

Thumaan thutak taw nangma atu in amate na keam tuam in; na kammal in thumaan thutak hi.

1 Corinth te 1:2

Corinth khua ah a om Pathian ii pawlpi tung le Pathian ii mi thiangthote suak tu in a kisam sa, Jesus Christ taw kipumkhatna ah ama ii neisa a suak mi theampo, mun theampo ah amate le eite ii Topa ahi ih Topa Jesus Christ a bia mihing theampo tungah lai kong thaak hi: