Thiampite 21:10 - Syin Chin Bible

¹⁰ “A lu tung sathau buak sa le thiampi puan silh tu in a ki aapsa Thiampi Lianbel khat in khuangaina lakna in a sam pot ngawlin, a puante balkeak in om ngawl het tu hi.

Thiampite 21:10 Iomraidhean Croise

Pianciilna 37:34

Jacob khuangai in a puan balkeak a, khau-ip puan silh hi. A tapa hangin khuangai a ngei hialma kaikut hi.

2 Samuel 15:30

David in Olive Mual ah a kapsa in kaato a; khuangaina lim lak in a peangnguakin om a, a lu siin hi. Ama a zuite theampo in zongh a lu uh puan taw siinin kap uh hi.

Esther 6:12

Tua zawkciang Mordecai kumpi inn kongbiang ah heak kik a, Haman ahile maizumin a mai sealsa in inn ah manlang tak cia hi.

Job 1:20

Tuasia ciang Job dingto a, khuangai in a puansilh teng baltham hi. A sam meet a, lei ah bokcip hi.

Psalm Late 133:2

Tua in Aaron lu tungah a kibuak a luzang pan a khamul ah a puantual kithepna mong dong a luangsuk sathau manpha sia taw kibang hi.

Pusuana 29:7

Tuaciang noi sathau la in, a lu tungah buakin, noai in.

Ezekiel 24:17

Naang in na om hunlam kuama in zasak heak in. Khuangaina lim na lakna in lukhu khu ngawl, peangnguakin vak heak in. Na maitang seal heak in a, a khuangaite neak ante ne heak in,” hong ci hi.

Thiampite 13:45

A lauhuai vun natna a veipa in puan ek silh tu a, a sam pot ngawlin, a mai nuaisang teng seal a, “A thiang ngawl, a thiang ngawl ka hi hi!” ci in au tu hi.

Thiampite 16:32

A pa za a laih tu in thupha piak kipsakna a vawtsak sa le a ki aap sa, Thiampi Lianbelpa in a zeksa thiansuana vawt tu hi. Ama in thiampi puante silh tu a,

Thiampite 4:3

A maw a khial sia Thiampi Lianbelpa hi a, mipite tungah mawna khialna hong then ahile, ama mawna khialna hangin a mealhem ngawl khuital no khat Topa tungah sangaw biakpiakna in pia tu hi.

Thiampite 8:12

Moses in Aaron lu tung sathau buakna taw Aaron sia thiampi a hina kipsak hi.

Mi Simna 35:25

Taangpite in mihing that mawna nei pa sia, mithi pa beete kung pan ama suatakna a bukna khuapi ah heak kiksak tu hi. Thiampi Lianbelpa ii thi dong tualai a bukna khuapi ah ama teang nanak tu hi.

Matthew 26:65

Tuasia ciangin Thiampi Lianbelpa in, a puan hong baltham a, “Pathian zawnsakna kampau pa! Tetti dang kul nawn ngawl hi. Pathian min a daisak na sia na zaak tek uh hi.