Thiampite 20:8 - Syin Chin Bible

⁸ Ka thukhamte hong zui tavun, banghang ziam cile Keima in Topa hi a, kong thiangthosak hi,” ci hi.

Thiampite 20:8 Iomraidhean Croise

Pusuana 31:13

Israel mite tungah a son tu in, “Ka tawlngak ni ahi Sabbath na tang vun, banghang ziam cile tua ni sia hong pai tu hun theampo sung Keima, Topa in note keima mi in kong vawt hunlam a kilangh natu in keima le note kilaklaw ah lim khat ahi hi.

Ezekiel 20:12

Koma kilaklaw thukimna limlakna in Sabbath tanna ka vawt a, keima Topa in amate a thiangthosak sia keima ka hi hunlam a phaw natu ahi hi.

Ezekiel 37:28

Ka Biakinnpi sia amate sungah a tawntung atu ka phu ciang, minamte in Keima, Topa in Israel sia keima mi in ka teal hunlam hong he tu uh hi,” hong ci hi.

Thiampite 19:19

“Kong thupiakte zui vun. Inn ah khoai ngannote nam dang taw ta neisak heak vun. Lo khat sungah thaicii nam nii ciing heak vun. Puan nam nii taw a kivawt puan silh heak vun.

Thiampite 19:37

Ka thukhamte le kong thupiakte theampo zui vun. Keima in Topa ka hi hi,” ci hi.

Thiampite 20:26

Note na thiangtho tu uh a, keima neisa bek na hi tu uh hi, banghang ziam cile keima in Topa ka hi a, ka thiangtho hi. Keima neisa bek na hi thei natu in minam dangte sung pan kong tuamkoi hi.

Thiampite 21:8

Mite in thiampipa a thiangtho in ngaisun tu hi, banghang ziam cile an taw biakpiaknate kei tungah hong pia hi. Keima in Topa ka hi hi; keima ka thiangtho a, ka mite ka thiangthosak hi.

Thiampite 22:32

Ka min thiangtho daisak heak vun; Israel mite theampo in thiangtho ka hina hong saan kul hi. Keima in Topa ka hi a, note kong thiangthosak hi;

Matthew 12:50

Vantung ah ka Pa deina bang a ngamtate sia ka suapuipa, ka suapuinu le ka nu ahi hi,” ci hi.

Matthew 23:17

Mittaw mawmawte awng! koisia thupi zaw ziam, khamh hi zaw ziam, khamh a thiangthosak Biakinn sia hi zaw ziam?

Matthew 5:19

Tua ahikom, a kuama po thupiakte sung pan a nobel khat ni ngawlin midang zongh tuabangin a nit ngawl natu a hil sia in Vantung ngam sungah a nobel hi tu hi. Tuaciangin a kuama po ahizong thukham ni a, midangte zongh tuabangin a nit natu a hil sia Vantung ngam sungah lian tu hi.

Matthew 7:24

“Tua ahikom, kei kammal hite za a, a zaak uh bang a zuite sia suangpi tungah inn sa mihing ciimpa taw kibang hi.

John 13:17

Tu in thumaan he zo na hi uh kom, seam paih le uhte bangza in a lungdamte hi tu nu ziam!

1 Corinth te 1:30

Ahihang, Pathian in note Christ Jesus taw hong kipumkhatsak zo hi; Pathian in Christ sia eite ii ciimna suaksak zo hi. Ama hangin Pathian mai ah thutang in hong koi hi; eite Pathian ii mi thiangthote suakin, hong suaktasak hi.

1 Thessalonica te 5:23

Eite thinnopna hong pia Pathian in note a nanam in hong thiangthosak tahen, na nuntakna buppi - na thaa, na thinsung le na pumpi — hong keam tahen, Topa Jesus Christ hong pai ciangin sepkhial vawtkhial theampo taw hong kipealsak tahen.

2 Thessalonica te 2:13

Topa hong it suapuite awng, note atu in Pathian tungah a tawntungin lungdam ka ko hamtang tu uh hi. Banghang ziam cile Thaa ii vaangletna taw ama mi thiangthote hong suasak natu le thumaan thutak na upna uh taw a kingum phitbelte na sua natu uh in Pathian ii tealte na hi uh hi.

James 1:22

Ama ii kammal ngaina bek taw noma le noma kitheam heak vun a; ngamtatna taw zui paih zaw vun.

Thupualaakna 22:14

Nuntakna thingnga neak thei natu le khuapi sungah kongkha kaantan in pai thei natu in a puantual a sawp thiangte in mihing hamphate ahi uh hi.