Thiampite 20:6 - Syin Chin Bible

⁶ “Mithite ii thaate tungah thu a dongh thei mihingte kungah mi khat pawpo pai in thu a dongh le ama ka nungngat tu a, ka mi khatin ka ngaisun nawn buatu hi.

Thiampite 20:6 Iomraidhean Croise

Psalm Late 73:27

Nang hong taisante lalcip nanak tu a; nang tungah hong thumaan ngawlte na susia tu hi.

Pusuana 22:17

Ahizong a numei ii pa in a kiteen tu a oai buale tua ngaknu khat atu moman za sia a sum in a pa tungah pia nanak tu hi.

Pusuana 22:18

“Bum le ai toai numei peuma kithatlum tu hi.

Isaiah 8:19

Ahihang mihingte in, maisang thu tu a phun vasup aisaan theite le thaa sam theite tungah thu dongh in hong sawl tu hi. Amate in, “A tatakin ci leang, mihingte in thaa te ii thusuakte nget tu hi a, tuaciang a nungtate atu in a thisate tung thu dok tu ahi hi,” hong ci tu uh hi.

Jeremiah 44:11

“Tua ahikom, Vaanglianbelpa Topa Israel ii Pathian keima in, note kong langpan tu a Judah ngam theampo ka susia tu hi.

Ezekiel 6:9

tua munah amate saltaang in teang tu uh hi. Tua munah amate in kei hong phawk tu uh a, daan pia in maizum ka piak sia he tu uh hi, banghang ziam cile amate ii upna sel lungtang in kei hong taisan a, kei sangin milimte deizaw uh hi. Amate tatsiatna le a etthawk huai nate a vawt hu in amate le amate kiihuai kisa tu uh hi.

Hosea 4:12

Amate in thingbek khat tung pan thupualaakna dongh hi! Ciangkang khat in amate heak nopte son hi! Amate in kei hong nusia zo uh hi. Pumpi zuak a suak numei khat bangin amate le amate ii pathian dangte tungah ki aap zo hi.

Thiampite 17:10

Israel te khat pawpo ahibuale a teen khoppui ngamdangmi khat pawpo in a sungah chi om lai sa a ne le, Topa in ama nungngat tu a, ama mi in sim nawn ngawl tu hi.

Thiampite 19:26

“Chisan a om lai sa ne heak vun. Mitbum aisaanna tuatuamte zangh heak vun.

Thiampite 19:31

“Mithisate ii thaate thu a dongh thei te kungah thu dongh tu in pai heak vun. Na pai uh le, note biakna taw kisai in a thiang ngawl na hi tu uh hi. Keima in Topa na Pathian ka hi hi.

Thiampite 20:27

“Pa ahizong nu ahizong mithisate thaa tung thu a dongh peuma suang taw kideanglum tu hi; hi bang a ngamta pawpo ama ii thina in ama kivawt ahi hi,” ci hi.

Thiampite 20:5

tua pa, a innkuan bup le Molech bia in ka tungah hong thumaan ngawl theampo ka nungngat tu hi. Amate ka mi in ka ngaisun nawn buatu hi.

Mi Simna 15:39

Puanteapkaaite in nung thu hong phawksak kik tu a, tuate na mu simin, ka thupiakte theampo phawk kikin na zui tu uh hi; tua sia ciang note deinate le uuknate zui nuam ngawlin, kei nong taisan buatu uh hi.

Sawltakte 16:16

Ni khat thungetna munah pai tu in ka pai uh laitakin maisang a hong piang pheang tu, thu a sonkhol thei doai ngilo vei innteang naseam numei khat taw ka kisi uh hi. Mai lamsang thu tu a sonkhol theina taw a tote atu sum tam mama thalawsak hi.