Thiampite 20:26 - Syin Chin Bible

²⁶ Note na thiangtho tu uh a, keima neisa bek na hi tu uh hi, banghang ziam cile keima in Topa ka hi a, ka thiangtho hi. Keima neisa bek na hi thei natu in minam dangte sung pan kong tuamkoi hi.

Thiampite 20:26 Iomraidhean Croise

Nehemiah 10:29

hong lampuite taw mun khat ah kingawmin, tuasia ka paltan uh le, haamsiatna daan thuak tu in, Pathian ii Moses tungtawn a, a piak Pathian Thukham bang ka nungta tu ci in kiciam khu hi; Topa ii thupiak theampo zui tu le, a thukham le a ngeina theampo zui tu in hi kiciamna ka vawt khawm uh hi.

Psalm Late 99:5

Topa ih Pathian pok vun; a kumpi tokhum mai ah bia vun! Ama thiangtho hi!

Psalm Late 99:9

Topa ih Pathian pok vun a, ama mual thiangtho ah bia vun! Topa ih Pathian thiangtho hi.

Pusuana 33:16

Kote nong tonpui bua ahile, keima le na mite tungah na lungkimna thu akua in bangbangin hong he tu ziam? Kote nong ompuina in leitung midangte sung pan kote hong kilamdangsak tu hi,” ci in zo kik hi.

Isaiah 30:11

Ka lampi uh hong awn tavun a, hong khak heak vun. Na Israel te ii a thiangtho Pathian ii thu za nuam ngawl khu hi,” ci uh hi.

Isaiah 6:3

Amate khat le khat ki oksan in: “Thiangtho, thiangtho, thiangtho! Vaanglianbelpa Topa sia thiangtho hi! Ama ii minthanna in leitung zel hi,” ci in au uh hi.

Thiampite 11:44

Keima in Topa na Pathian ka hi a, keima thiangtho ka hikom note zongh na thiangtho uh kul hi.

Thiampite 19:2

Israel taangpite tungah a sonsawn tu in Moses tungah, “Thiangtho vun, banghang ziam cile Keima Topa na Pathian thiangtho khi hi.

Thiampite 20:24

Ahizong hi ngamhoi ngampha lua tu in, hong ciam zo ka hi ciang kong pia tu hi. Keima in Topa na Pathian ka hi a, minam dangte sung pan kong tuamkoi zo hi.

Thiampite 20:7

Note thiangtho tavun, banghang ziam cile keima in Topa na Pathian ka hi hi.

Thiampite 20:8

Ka thukhamte hong zui tavun, banghang ziam cile Keima in Topa hi a, kong thiangthosak hi,” ci hi.

Thuhil kikna 14:2

Topa na Pathian neisa na hi uh a; leitung ah a teang mihing theampo sung pan ama mi tu in hong tealsa na hi uh hi.

Thuhil kikna 7:6

Hi bang vawt vun, banghang ziam cile note Topa na Pathian neisa hi nu hi. Leitung mi theampo sung pan ama aituam mi in note hong teal hi.

Titus 2:14

Seksolna theampo pan ih suatak natu le ama bek ii neisa hi in, a pha sep tu a lawp, a thiangtho mite hong suasak natu in ama le ama sia ei atu hong kipia hi.

Joshua 24:19

Joshua in mipite tungah, “Ahihang Topa na seam zo ngawl tha tu nu hi. Ama sia a thiangtho Pathian hi a, ama in na mawnate uh hong maisak ngawl tu hi. Ama in ama a demte kuama dual ngawl hi,

Thupualaakna 3:7

“Philadelphia khua pawlpi ii vantunglalang tungah hi bangin at in: “Hi kamvaithak sia a thiangtho le a thumaanpa tung pan ahi hi. Ama in David ii neisa tawtang nei a, kongkha a hon ciang kuama in a khak thei bua hi, tuaciang kongkha a kha ciang kuama in a hong thei bua hi.

Thupualaakna 4:8

Nganhing lite khat simin tha luk tek nei a, tuaciang tua thate sungsang le puasang ah mittang taw kidim uh hi. Sun taw zan taw amate in a lasak a tawlnga ngei bua uh hi: “Vaanglianbel Topa Pathian sia Thiangtho, thiangtho, thiangtho hi, ama in a om sa, a om nginge, hong pai pheang tu pa hi,” ci uh hi.