Thiampite 20:24 - Syin Chin Bible

²⁴ Ahizong hi ngamhoi ngampha lua tu in, hong ciam zo ka hi ciang kong pia tu hi. Keima in Topa na Pathian ka hi a, minam dangte sung pan kong tuamkoi zo hi.

Thiampite 20:24 Iomraidhean Croise

1 Kumpite 8:53

Koma taanghpupite Egypt pan na pusuapui lai in na naseampa Moses tungah na sonsa bangma in mihing theampo sung pan amate sia nangma mi tu in na teal hi,” ci hi.

Pusuana 13:5

Topa in na taanghpupite tungah Canaan mite, Hit mite, Amor mite, Hiv mite, le Jebus mite teenna ngam piak tu in ciliap huai takin hong kamciam hi. Tua ngam leihoi leiphana ngam ah hong paipui ciang kum sim tha masabel sungin hi poai vawt nanak tu nu hi.

Pusuana 3:17

Nasia tak vawtsiat a thuakna Egypt pan amate ka pusua pui tu a, leihoi leiphana mun — Canaan mite, Hit mite, Amor mite, Periz mite, Hiv mi te le Jebus mite teenna ngam ah amate paipui tu in ka khensat zo hi.

Pusuana 3:8

tua ahiciang Egypt te khut sung pan a hun tu le Egypt pan la in lei phana le ngam zaina munah a paipui tu in kong tuaksuk zo hi, tua ngam sia a zai, a hau le leihoi leipha hi a, tu in Canaan mite, Hit mite, Amor mite, Periz mite, Hiv mite le Jebus mite teang uh hi.

Pusuana 33:1

Topa in Moses tungah, “Nangma le Egypt pan na pusuapui mite in hi mun nusia in, Abraham, Isaac, Jacob le a suan a paalte tungah piak tu a, ka kamciamna munah pai tavun.

Pusuana 33:16

Kote nong tonpui bua ahile, keima le na mite tungah na lungkimna thu akua in bangbangin hong he tu ziam? Kote nong ompuina in leitung midangte sung pan kote hong kilamdangsak tu hi,” ci in zo kik hi.

Pusuana 33:3

Note ngampha le ngamnuam ah pai tu nu hi. Ahizong kei note taw kong pai buatu hi, banghang ziam cile mihing thinpuite na hi uh a, lampi ah kong mon tha tu hi,” ci hi.

Pusuana 6:8

Abraham, Isaac le Jacob tungah piak tu in ka ciamsa ngam ah kong paipui tu a; tua ngam sia note neisa tu in kong pia tu hi. Keima in Topa ka hi hi,’ ci in, son ta'n,” ci hi.

Thiampite 14:34

inn sungah cipawl natna kizel in a om ciang a nuai a zui tu ngeinate pia hi. (Hite sia Israel mite ii lua tu in Topa ii a piak tu Canaan ngamsung a tum zawkciang a zak tu ngeinate ahi hi.) Topa in a inn sungah cipawl natna puak hi ci in mihing khat pawpo in a mu le pai in thiampipa tungah son nanak tu hi.

Thiampite 20:26

Note na thiangtho tu uh a, keima neisa bek na hi tu uh hi, banghang ziam cile keima in Topa ka hi a, ka thiangtho hi. Keima neisa bek na hi thei natu in minam dangte sung pan kong tuamkoi hi.

Mi Simna 23:9

Suangpi saang tung pan amate ka mu thei a; Mualtung pan amate ka en thei hi. Amate minam khat in nungta bek a; Minam dangte sangin thupha a nga zawkna thu amate in he uh hi.

John 15:19

Note leitung neisa hi le uhte leitung in ama aituam bangin hong it tu hi. Ahihang hi leitung panin note kong teal zo a, note leitung neisa na hi nawn bua uh hi; tua hu in leitung in note hong ensan hi

2 Corinth te 6:17

Tuaciangin Topa in, “Amate nusia nanak in a, amate taw kikhen tavun. A thiangtho ngawlte taw kipeena bangma nei heak vun, tua hile note kong saang tu hi, ci hi.

Thuhil kikna 14:2

Topa na Pathian neisa na hi uh a; leitung ah a teang mihing theampo sung pan ama mi tu in hong tealsa na hi uh hi.

Thuhil kikna 7:6

Hi bang vawt vun, banghang ziam cile note Topa na Pathian neisa hi nu hi. Leitung mi theampo sung pan ama aituam mi in note hong teal hi.

1 Peter 2:9

Ahihang note sia a kiteal sa minam, Kumpi thiampite, a thiangtho minam, Pathian ii aituam mite, khuazing sung pan a lamdang ama ii khuavak sungah nang hong sam pa Pathian ii a lamdang ngamtatnate a thangsak tu a hong tealsate na hi uh hi.